લોકસભા ચૂંટણી / કન્ફર્મ ! પ્રિયંકા ગાંધી રાયબરેલીથી લડશે લોકસભા ચૂંટણી, રાહુલ પણ તેની જુની બે બેઠકો પર

ઉત્તર પ્રદેશમાં કોંગ્રેસ અને ખાસ કરીને ગાંધી પરિવારનો ગઢ ગણાતા રાયબરેલી અને અમેઠી પર અટકળોનો દોર પૂરો થતો દેખાઈ રહ્યો છે. અહેવાલ છે કે કોંગ્રેસે પ્રિયંકા ગાંધી વાડ્રાને રાયબરેલીથી મેદાનમાં ઉતારવાનો નિર્ણય કર્યો છે. રાહુલ ગાંધી અમેઠી અને વાયનાડ બંને સીટો પરથી ચૂંટણી લડી તેવું પણ લગભગ નક્કી છે. જોકે સત્તાવાર જાહેરાત બાકી છે. સૂત્રોના જણાવ્યા પ્રમાણે પ્રિયંકા ગાંધી રાયબરેલી બેઠક પરથી ચૂંટણી પદાર્પણ કરવા જઈ રહ્યાં છે. સાથે જ રાહુલ 2019ની લોકસભા ચૂંટણીની જેમ અમેઠી અને વાયનાડથી ચૂંટણી લડશે. ખાસ વાત એ છે કે કેરળની વાયનાડ બેઠક માટે ડાબેરી પક્ષો દ્વારા ઉમેદવારની જાહેરાત કરવામાં આવી હતી. ત્યાર બાદ અમેઠીને લઇને પણ ચર્ચાઓ તેજ થઇ ગઇ હતી.

પ્રિયંકાના દીવ-દમણથી ચૂંટણી લડવાની ઉડી હતી અફવા

ઉલ્લેખનીય છે કે પ્રિયંકા ગાંધી દીવ-દમણથી ચૂંટણી લડવાની પણ અફવા ઉડી હતી જોકે આ અફવા જ રહી. દમણ-દીવ કોંગ્રેસના પ્રદેશ પ્રમુખ કેતન પટેલે જણાવ્યું હતું કે, એ વાત સાચી છે કે પ્રિયંકા ગાંધી દમણ દીવ લોકસભા બેઠક પરથી ચૂંટણી લડી શકે છે. આ અંગે કોંગ્રેસમાં રાષ્ટ્રીય સ્તરે પણ ચર્ચા ચાલી રહી છે. આ બેઠક પરથી પ્રિયંકા ગાંધીને ચૂંટણી લડાવવાનું ગણિત ઘડવામાં આવ્યું છે. તમામ સમીકરણોને ધ્યાનમાં રાખીને પ્રિયંકા ગાંધીને આ નાના કેન્દ્રશાસિત પ્રદેશમાંથી કોંગ્રેસના ઉમેદવાર તરીકે મેદાનમાં ઉતારવામાં આવી શકે છે.

#PriyankaGandhi Vadra to contest from Uttar Pradesh's Raebareli, #RahulGandhi from both Amethi and Wayanadhttps://t.co/YWoTAaM1Q1

— The Telegraph (@ttindia) March 6, 2024

રાયબરેલમાંથી 2004થી સોનિયા ગાંધી ચૂંટાઈ રહ્યાં છે 
કોંગ્રેસના પૂર્વ અધ્યક્ષ સોનિયા ગાંધી રાયબરેલી સીટ પર 2004થી જીત મેળવી રહ્યા હતા. 2019માં ઉત્તર પ્રદેશની 80 બેઠકો પર તેઓ એકમાત્ર કોંગ્રેસી સાંસદ હતા. આ વખતે તેઓ રાજસ્થાનથી રાજ્યસભામાં ગયા હતા. જો કે કહેવામાં આવી રહ્યું છે કે અમેઠીની જનતાને લખેલા પત્રમાં તેમણે ગાંધી પરિવારમાંથી ઉમેદવાર હોવાનો સંકેત આપી દીધો હતો.

અમેઠી પણ કોંગ્રેસનો ગઢ પણ 2019માં ભેદાયો હતો 
રાહુલ ગાંધીએ અમેઠી બેઠક પરથી પણ ચૂંટણીમાં પદાર્પણ કર્યું હતું. આ પછી તેણે 2009 અને 2014માં પણ જીત મેળવી હતી. જો કે ગત લોકસભા ચૂંટણીમાં તેમને ભારતીય જનતા પાર્ટીના ઉમેદવાર સ્મૃતિ ઈરાનીએ 50 હજારથી વધુ મતોથી હરાવ્યા હતા.