તમારા કામનું / PPFનું ખાતું બંધ થઇ ગયું! તો જલ્દી કરો, નહીં તો થશે નુકસાન, જાણો ફરીવાર ચાલુ કરાવવાની પ્રોસેસ

• નક્કી કરેલી રકમ દર વર્ષે જમા કરાવવી 
• ખાતું બંધ થવાથી થતાં નુકસાન 
• PPF  ખાતા પર મળે છે ટેક્સની છૂટ 

પબ્લિક પ્રોવિડન્ટ ફંડ (PPF) તેના ઉત્તમ વ્યાજ દરો, ટેક્સની બચત અને નાણાં ન ગુમાવવાના કોઈ જોખમને કારણે ભારતમાં રોકાણનું એક મોટું સાધન છે. કોઈ પણ ભારતીય PPF માં વાર્ષિક રૂ. 500થી રોકાણ શરૂ કરી શકે છે. એક વર્ષમાં PPF ખાતામાં 1.5 લાખ રૂપિયા જમા કરાવી શકાય છે. જો નાણાકીય વર્ષમાં 500 રૂપિયા જમા ન થાય તો PPF ખાતું નિષ્ક્રિય થઈ જાય છે. ખાતું બંધ થઈ જવાનાં કારણે મળતા અન્ય લાભ પણ બંધ થઈ જાય છે. એવા માટે જરૂરી છે કે નક્કી કરેલી રકમ દર વર્ષે જમા કરાવી દેવી જોઈએ. જો કોઈ કારણો સર તમારું PPF ખાતું બંધ થઈ ગયું હોત તો ચિંતાની કોઈ વાત નથી. તમે તેને સરળતાથી શરૂ કરાવી શકો છો. 

આ રીતે કરો હિસાબ 
ધારો કે તમારું PPF ખાતું 4 વર્ષથી બંધ છે. તેથી તમારે ચાર વર્ષનાં હિસાબે 2000 રૂપિયાનું એરિયર્સ ચૂકવવું પડશે. આ સાથે, તમારે દર વર્ષે 50 રૂપિયાના દરે 200 રૂપિયાનો દંડ ભરવો પડશે.

ખાતું બંધ થવાથી થતાં નુકસાન 
2016 માં, સરકારે અમુક સંજોગોમાં મેચ્યુરિટી પહેલા PPF ખાતાને બંધ કરવાની મંજૂરી આપી હતી. આ પરિસ્થિતિઓમાં જીવલેણ બીમારીની સારવાર અથવા બાળકના શિક્ષણ માટેના ખર્ચનો સમાવેશ થાય છે. પરતું PPF ખાતામાં પાંચ વર્ષ સુધી રોકાણ કર્યા પછી જ આ કરી શકાય છે. PPF ખાતામાંથી પણ લોન લઈ શકાય છે. આ તમામ લાભો નિષ્ક્રિય PPF ખાતામાં ઉપલબ્ધ નથી. તેથી PPF ખાતું બંધ થવા દેવું જોઈએ નહીં. 

વાંચવા જેવું: PANCARDમાં ભૂલ છે? તો ઘરે બેઠાં ફૉલો કરો આ સ્ટેપ્સ, આવી જશે સોલ્યુશન

PPF  ખાતા પર મળે છે ટેક્સની છૂટ 
કલમ 80C હેઠળ PPF માં રોકાણ પર ટેક્સની છૂટ છે. તે જ સમયે, વ્યાજની આવક પર અને મેચ્યુરિટી પર મળતી રકમ પર પણ ટેક્સ ચૂકવવો નથી પડતો.