રાજનીતિ / 'સાચા કદ મુજબ વેતરાય છે..' રાજકોટ-ભાજપના આંતરિક જુથવાદમાં કવિતા કાંડ, કોંગ્રેસ નેતાએ કરી ટાંકી ટાંકીને વાત

• રાજકોટ-શહેર ભાજપમાં જુથવાદ ચરમસીમા પર
• વધુ એક કવિતાકાંડ આવ્યું સામે
•  RMCના હોદ્દેદારોની નિમણૂક બાદ પત્રિકા થઇ વાયરલ

રાજકોટ-શહેર ભાજપમાં જુથવાદ ચરમસીમા પર. હોવાની અનેક ચર્ચા વચ્ચે ભાજપનો વધુ એક કવિતાકાંડ સામે આવ્યું છે. જેને લઈને સમગ્ર પંથકનું રાજકારણ ગરમાયુ છે. વધુ એક પત્રિકા થઇ વાયરલ થઈ છે. તાજેતરમાં RMCના મેયર, ડે. મેયર સહિતના હોદ્દેદારોની નિમણૂક બાદ પત્રિકા વાયરલ થઈ છે.

પરિશ્રમ અને સનિષ્ઠ કાર્યકર્તાઓને હોદ્દાને બદલે ગોડફાધરોની પ્રશંસા કરે તેવા લોકોને હોદ્દા મળતા હોવાનો કવિતામાં ઉલ્લેખ કરાતા ચર્ચા જાગી છે. છેલ્લા ૧૫ દિવસમાં જીહજુરીયા કરતા અને જન્મદિવસ પર ફોટા મૂકવા અને મોટા આકાઓને હાથ જોડતા લોકોને હોદ્દા મળતા હોવાના આરોપ લાગ્યા છે. પ્રજાના કામ કરવાને બદલે નેતાઓના કાર્યાલયમાં બેસતા લોકોને હોદ્દા મળે છે. ભાજપના દિનદયાળ ઉપાધ્યાયના સિદ્ધાંતોનું પાલન ન થતું હોવાનો વસવસો વ્યક્ત કર્યો છે. 

રાજકોટ શહેર પ્રમુખ મુકેશ દોશીએ આપી પ્રતિક્રિયા
શહેર પ્રમુખ મુકેશ દોશીએ આ મામલે નિવેદન આપતા કહ્યું કે ભાજપ મોટો પરિવાર છે કાર્યકરને દુ:ખ થયુ હોય તો અમારે સાંભળવું પડે. અમારી પાસે ન આવવા માગતા હોય તો પ્રદેશ મવડી મંડળને મળી શકે. કવિતા વાઈરલ થાય છે તે વ્યાજબી નથી, મતભેદ હોય શકે મનભેદ ના હોવો જોઈએ તેમ અંતમાં મુકેશ દોશીએ કહ્યું હતું. સાથે એવો પણ દાવો કર્યો હતો કે રાજકોટ ભાજપમાં કોઈ જૂથવાદ નથી અને કોઈ કાર્યકર્તાને સ્થાન ન મળ્યુ હોય તો તેમને પાર્ટીને વાત કરવી જોઈએ.

 
કોંગ્રેસ નેતાની પણ પ્રતિક્રિયા સામે આવી

બીજી બાજુ આ કવિતાકાંડને લઈને કોંગ્રેસ નેતા મહેશ રાજપૂતનું પણ નિવેદન સામે આવ્યું છે. મહેશ રાજપુતે કહ્યું છે કે ભાજપમાં વફાદાર કાર્યકરોની અવગણના થતી હોવાથી રોષ એ આવકારદાયક બાબત છે. વધુમાં કોંગ્રેસ મુક્ત ભારતના નારા આગળ ધરીને હાલ કોંગ્રેસયુક્ત ભાજપ થઈ ગયું હોવાથી કાર્યકરોની આવગણના થઇ છે. પાર્ટીને વફાદાર અને લોકો જેને ચાહે તેવા નેતાને હોદા મળવા જોઈએ નહિ કે વ્યક્તિને વફાદાર હોય તેવા લોકોને ! તેમ અંતમાં કહ્યું હતું.