ઐતિહાસિક ક્ષણ / દેશને આજે મળશે પ્રથમ સ્વદેશી એરક્રાફ્ટ કેરિયર INS Vikrant, PM મોદી આપશે લીલીઝંડી, જાણો ખાસિયતો

• દેશને આજે મળશે સ્વદેશી એરક્રાફ્ટ કેરિયર INS વિક્રાંત
• ભારત છઠ્ઠો સ્વદેશી એરક્રાફ્ટ કેરિયર બનાવનાર દેશ
• 20 હજાર કરોડના ખર્ચે તૈયાર થયું છે આ એરક્રાફ્ટ કેરિયર 

વડાપ્રધાન નરેન્દ્ર મોદી આજે કોચીમાં દેશનું પ્રથમ શક્તિશાળી સ્વદેશી એરક્રાફ્ટ કેરિયર INS વિક્રાંત ભારતીય નૌકાદળને સોંપશે. આ એરક્રાફ્ટ કેરિયરના આગમનથી દેશની દરિયાઈ સરહદો સુરક્ષિત થઈ જશે.

Countdown begins...#02Sep 22
Commissioning of Indigenous Aircraft Carrier #Vikrant

A momentous day for the Nation 🇮🇳 & #IndianNavy

'Pride of our Nation'#AatmaNirbharBharat@PMOIndia @DefenceMinIndia @makeinindia @IndiannavyMedia @cslcochin pic.twitter.com/U10ycJk3ej

— SpokespersonNavy (@indiannavy) September 1, 2022

વિશ્વના દસ સૌથી શક્તિશાળી એરક્રાફ્ટ કેરિયર યુદ્ધ જહાજોમાં છે સામેલ

એરક્રાફ્ટ કેરિયર એટલે સમુદ્રમાં તરતું એરફોર્સ સ્ટેશન કે જ્યાંથી ફાઈટર જેટ, મિસાઈલ, ડ્રોન ઉડીને દુશ્મનના ભુક્કા બોલાવી શકે છે.  તમને કદાચ જાણીને નવાઈ લાગશે કે INS વિક્રાંત વિશ્વના દસ સૌથી શક્તિશાળી એરક્રાફ્ટ કેરિયર યુદ્ધ જહાજોમાં સામેલ છે.

મહત્વનું છે કે, ભારત પહેલા માત્ર પાંચ દેશોએ 40 હજાર ટનથી વધુ વજનનું એરક્રાફ્ટ કેરિયર બનાવ્યું છે. INS વિક્રાંતનું વજન 45 હજાર ટન છે. તે અત્યાર સુધીનું ભારતનું સૌથી મોટું એરક્રાફ્ટ કેરિયર છે. INS વિક્રાંતને 100થી વધુ MSME દ્વારા પૂરા પાડવામાં આવતા સ્વદેશી ઉપકરણો અને મશીનોનો ઉપયોગ કરીને બનાવવામાં આવ્યું છે. તે ભારતના દરિયાઈ ઈતિહાસમાં અત્યાર સુધીનું સૌથી મોટું જહાજ છે અને તેમાં અત્યાધુનિક ઓટોમેશન સુવિધાઓ છે.

PM Modi to commission INS Vikrant today

Read @ANI Story | https://t.co/ue3Rmzrjmt#PMModi #INS #Vikrant pic.twitter.com/jCE4Oz62wm

— ANI Digital (@ani_digital) September 2, 2022

20 હજાર કરોડના ખર્ચે તૈયાર થયું છે આ એરક્રાફ્ટ કેરિયર 

આશરે રૂ. 20,000 કરોડના ખર્ચે બનેલ એરક્રાફ્ટ કેરિયરે ગયા મહિને દરિયાઈ પરીક્ષણનો ચોથો અને અંતિમ તબક્કો સફળતાપૂર્વક પૂર્ણ કર્યો હતો. ત્યારબાદ નૌકાદળના નાયબ વડાએ કહ્યું કે, INS વિક્રાંત માટે દેશના 18 રાજ્યો અને કેન્દ્રશાસિત પ્રદેશોમાં ઉપકરણો બનાવવામાં આવ્યા છે. આ માટે અંબાલા, દમણ, કોલકાતા, જલંધર, કોટા, પુણે અને દિલ્હી જેવા શહેરોમાં પણ સાધનો બનાવવામાં આવ્યા છે. તેમણે માહિતી આપી હતી કે, INS વિક્રાંત માટે 2500 કિમી લાંબી ઇલેક્ટ્રિકલ કેબલ ભારતમાં બનાવવામાં આવી છે.

જાણો શું છે INS વિક્રાંતની વિશેષતાઓ ? 

જો તમે INS વિક્રાંતની વિશેષતા પર નજર નાખો તો તે સંપૂર્ણપણે સ્વદેશી યુદ્ધ જહાજ છે. તેની લંબાઈ 262 મીટર અને પહોળાઈ 60 મીટર છે. તેના વજનની વાત કરીએ તો તે 45 હજાર ટન વજનનું જહાજ છે. INS વિક્રાંત એકસાથે 30 ફાઈટર પ્લેન ચલાવવા માટે સક્ષમ છે. આ જહાજને ભારતીય નૌકાદળના યુદ્ધ જહાજ ડિઝાઇન બ્યુરો દ્વારા ડિઝાઇન કરવામાં આવ્યું છે અને બંદરો, શિપિંગ અને જળમાર્ગ મંત્રાલય હેઠળની જાહેર ક્ષેત્રની શિપયાર્ડ કંપની કોચીન શિપયાર્ડ લિમિટેડ દ્વારા બનાવવામાં આવ્યું છે. વિક્રાંત અત્યાધુનિક સ્વચાલિત સુવિધાઓથી સજ્જ છે અને ભારતના દરિયાઈ ઇતિહાસમાં અત્યાર સુધીનું સૌથી મોટું જહાજ છે એમ નિવેદનમાં જણાવાયું છે.

#LegendisBack #IACVikrant - equipped with State-of-the-Art facilities is a 'City on the Move' @indiannavy @IN_WNC @INEasternNaval1 @IN_HQSNC pic.twitter.com/3IWKJPGiEJ

— IN (@IndiannavyMedia) August 30, 2022

INS વિક્રાંતની ખાસિયતો

• દેશનું પ્રથમ સ્વદેશી એરક્રાફ્ટ કેરિયર
• તેની કિંમત છે 20 હજાર કરોડ
• 18 રાજ્યોમાં તેના સાધનો તૈયાર કરવામાં આવે છે
• આ જહાજ 262 મીટર લાંબુ અને 62 મીટર પહોળું છે
• તેની મહત્તમ ઝડપ 28 નોટિકલ માઇલ છે
• વિક્રાંત પાસે અંદાજિત 2200 કમ્પાર્ટમેન્ટ છે
• આ જહાજ એકસાથે 30 એરક્રાફ્ટ ઓપરેટ કરી શકે છે
• ક્રૂ 1600 સભ્યોને સમાવવા માટે પૂરતું છે

ઊંચાઈ 61.6 મીટર (15 માળની ઇમારતની સમકક્ષ)

• ફ્લાઇટ ડેક વિસ્તાર 12,500 ચોરસ મીટર
• લંબાઈ 262.5 મી
• સહનશક્તિ 7,500 નોટિકલ માઇલ
• તે 53 એકરમાં ફેલાયેલું છે.
• ક્રૂની સંખ્યા 1,600
• 2,300 કમ્પાર્ટમેન્ટ