રણનીતિ / PM મોદી અને રશિયાના રાષ્ટ્રપતિ પુતિન વચ્ચે ફોન પર વાતચીત, આ મહત્વના મુદ્દા પર થઈ ચર્ચા

• PM મોદી અને રાષ્ટ્રપતિ વ્લાદિમીર પુતિન વચ્ચે ફોન પર વાતચીત 
• રશિયા-યુક્રેન યુદ્ધ સહિત અનેક મુદ્દાઓ પર કરી ચર્ચા 
• ફેબ્રુઆરીથી અત્યાર સુધીમાં 4 વખત થઈ છે ટેલિફોનિક વાતચીત

રશિયા અને યુક્રેન વચ્ચે ચાલી રહેલ યુદ્ધના કારણે આખું વિશ્વ પરેશાન છે અને અર્થવ્યવસ્થા પર માઠી અસર થઈ રહી છે. બંને દેશો પાછળ જવા તૈયાર જ નથી જેના કારણે આ યુદ્ધ કેટલું ચાલશે તેને લઈને ચિંતા વધતી જ જઈ રહી છે. આ બધાની વચ્ચે વડાપ્રધાન નરેન્દ્ર મોદી અને રશિયા રાષ્ટ્રપતિ પુતિન વચ્ચે ટેલિફોનિક વાતચીત થઈ છે.

Russian President Vladimir Putin held a telephonic conversation with Prime Minister Narendra Modi today, said the Kremlin: Reuters

(file pic) pic.twitter.com/eypywkLmQJ

— ANI (@ANI) December 16, 2022

ફેબ્રુઆરીથી 4 વખત થઈ છે ટેલિફોનિક વાતચીત
PM મોદી અને રશિયાના રાષ્ટ્રપતિ વ્લાદિમીર પુતિન વચ્ચે વાતચીત થઈ છે. પીએમ મોદી અને રાષ્ટ્રપતિ પુતિને તાજેતરમાં જ ઉઝબેકિસ્તાનના સમરકંદમાં 16 સપ્ટેમ્બરે SCO શિખર સમિટમાં મુલાકાત કરી હતી. ત્યારે બંને નેતાઓની વચ્ચે રશિયા અને યુક્રેન વચ્ચે ચાલી રહેલા યુદ્ધ મુદ્દે વાતચીત થઈ હતી.  

યુક્રેન યુદ્ધ મુદ્દે થઈ ચર્ચાઃ PMO
શુક્રવારે થયેલી વાતચીત પર PMOએ કહ્યું કે, યુક્રેનમાં ચાલી રહેલા યુદ્ધના સંદર્ભમાં પીએમ મોદીએ રશિયાના રાષ્ટ્રપતિ પુતિન સાથેની તેમની વાતચીતમાં આ મામલાને સંવાદ કૂટનીતિથી આગળ લઈ જવાના તેમના આહ્વાનનો પુનરોચ્ચાર કર્યો છે..

પરમાણુ હુમલાની આપી હતી ધમકી
આ વર્ષે બંને નેતાઓ વચ્ચે ઘણી ટેલિફોનિક વાતચીત થઈ છે. આ વર્ષે ફેબ્રુઆરીથી બંને નેતાઓ વચ્ચે ચાર વખત ટેલિફોનિક વાતચીત થઈ છે. યુક્રેન સાથે ચાલી રહેલા યુદ્ધની વચ્ચે રશિયાએ અનેકવાર પરમાણુ હુમલાની ધમકી આપી છે. તાજેતરમાં વ્લાદિમીર પુતિને ફરી એકવાર પરમાણુ હુમલાની ધમકી આપી હતી.