VIDEO / PM મોદીએ પૂછ્યું- જૂતાં પહેરીને અંદર જાઉં...?, કેન્દ્રીય મંત્રીના ઘરે મુલાકાત દરમિયાનનો વીડિયો વાયરલ

• વડાપ્રધાન નરેન્દ્ર મોદીનો એક વીડિયો સોશિયલ મીડિયા પર વાયરલ
• ભાજપ સાંસદ પંકજ ચૌધરીના ઘરે પૂછ્યું શું મારા જૂતા ઉતારીને અંદર આવું? 
• આ પછી તેમને તેમને જૂતા ઉતાર્યા વિના અંદર આવવા માટે કહેવામાં આવ્યું 

વડાપ્રધાન નરેન્દ્ર મોદીનો એક વીડિયો સોશિયલ મીડિયા પર વાયરલ થઈ રહ્યો છે. જેમાં તે પૂછતાં જોવા મળ્યા કે, શું મારા જૂતા ઉતારીને અંદર આવું? વીડિયોમાં તેમની સાથે ઉત્તર પ્રદેશના મુખ્યમંત્રી યોગી આદિત્યનાથ પણ જોવા મળી રહ્યા છે. વાત જાણે એમ છે કે, જ્યાં પીએમ મોદી આ સવાલ પૂછી રહ્યા છે, તે ઘર ભાજપના નેતા અને સાંસદ પંકજ ચૌધરીનું છે, જેઓ છ વખત સાંસદ રહી ચૂક્યા છે. આ વીડિયો તે સમયનો છે જ્યારે PM મોદી તાજેતરમાં ગોરખપુર ગયા હતા, જ્યાં તેમણે ગીતા પ્રેસના શતાબ્દી સમાપન સમારોહમાં હાજરી આપી હતી. આ પછી તે પંકજ ચૌધરીના ઘરે પણ ગયા અને તેના પરિવારના સભ્યોને મળ્યા હતા. 

એવું તે શું છે વાયરલ વિડીયોમાં ? 
ભાજપના નેતા અને સાંસદ પંકજ ચૌધરીના ઘરે પહોંચેલા PM મોદીનો એક વિડીયો હાલ સોશિયલ મીડિયામાં વાયરલ થઈ રહ્યો છે. વીડિયો જોઈને ખ્યાલ આવે છે કે આ વીડિયો કોઈ ઘરમાં બનાવવામાં આવ્યો છે. અહીં પહોંચ્યા પછી પીએમ ઘરની અંદર જતા પહેલા દરવાજા પર પૂછે છે કે, શું તેમને પગરખાં ઉતારીને અંદર આવવાનું છે ? આ પછી તેમને તેમના જૂતા ઉતાર્યા વિના અંદર આવવા માટે કહેવામાં આવે છે. આ પછી PM મોદી જૂતા પહેરીને અંદર આવે છે અને કેન્દ્રીય નાણા રાજ્ય મંત્રીના સંબંધીઓનું અભિવાદન સ્વીકારતા જોવા મળે છે.

गोरखपुर में पंकज चौधरी जी के घर में प्रवेश करने से पहले प्रधानमंत्री होकर भी मोदी जी ने पूछा जूता पहन कर जाऊं मैं । *ये संस्कार हे देखो*🙏🌻🙏 pic.twitter.com/yBUveizJKx

— CA Rajkumar Dohare (@DohareCa) July 9, 2023

આ દરમિયાન એક મહિલા તેના હાથમાં નવજાત બાળક સાથે દેખાય છે. તો PM મોદીએ તે મહિલાને પૂછ્યું કે તેનું નામ શું છે? જેથી મહિલાએ બાળકનું નામ અવિરાજ રાખ્યું. આ પછી પંકજ ચૌધરીએ પીએમ સાથે તેમના પરિવારના સભ્યોનો પરિચય કરાવ્યો. ઉલ્લેખનીય છે કે, પંકજ ચૌધરીની ગણતરી ભાજપના મોટા નેતાઓમાં થાય છે અને તેઓ મહારાજગંજથી સાંસદ છે. તેઓ છ વખત સાંસદ રહી ચૂક્યા છે. હાલમાં પંકજ ચૌધરી કેન્દ્રીય રાજ્ય નાણામંત્રી છે. PM મોદીએ પંકજ ચૌધરીની માતા સાથે પણ વાત કરી અને તેમની તબિયત પૂછી. તેઓ લગભગ દસ મિનિટ સુધી પંકજ ચૌધરીના ઘરે રોકાયા હતા.