આસ્થા / Pitru Paksha 2023: આજથી પિતૃપક્ષનો શુભારંભ: જાણો તર્પણથી લઇને પિંડદાન, તિથિ અને પૂજાવિધિનો સમય

• આજથી શરૂ થઈ રહ્યા છે શ્રાદ્ધ 
• 14 ઓક્ટોબર સુધી ચાલશે પિતૃપક્ષ
• 16 દિવસ સુધી ચાલશે શ્રાદ્ધ 

આજે 29 સપ્ટેમ્બર અને શુક્રવારથી પિતૃ પક્ષનો પ્રારંભ થવાનો છે. આજથી 16 દિવસ સુધી પિતૃઓની પૂજા કરવામાં આવશે અને તેના માટે તર્પણ, પિંડદાન, શ્રાદ્ધ વગેરે કરવામાં આવશે. 

પિતૃપક્ષનો પ્રારંભ ભાદરવા પૂર્ણિમા તિથિથી અને તેનું સમાપન આશ્વિન અમાસ તિથિથી થઈ શકે છે. આ દિવસે સર્વ પિતૃ અમાસ હોય છે. પિતૃપક્ષમાં પિતૃદોષથી મુક્તિ માટે ઉપાય કરવામાં આવે છે. 

આજે છે શ્રાદ્ધની 2 મહત્વપૂર્ણ તિથિઓ
પિતૃપક્ષમાં આજે શ્રાદ્ધની 2 મહત્વપૂર્ણ તિથિઓ છે. આજે શ્રાદ્ધની પૂર્ણિમા તિથિ અને શ્રાદ્ધ માટે પ્રતિપદા તિથિ છે. આજે બપોરે 3.26 વાગ્યા બાદથી ભાદરવા મહિના કૃષ્ણ પક્ષની પ્રતિપદા તિથિ શરૂ થઈ રહી છે. 

પિતૃપક્ષ 2023 પિતૃ પૂજાનો સમય 

• કુતુપ મુહૂર્તઃ 11:47 વાગ્યાથી બપોરે 12:35 વાગ્યા સુધી 
• રોહિણી મુહૂર્ત: બપોરે 12:45થી બપોરે 1:23 વાગ્યા સુધી 
• અપરાહ્ન કાળ: બપોરે 1:23 વાગ્યાથી 3:46 વાગ્યા સુધી 

પૂર્ણિમા અને પ્રતિપદા તિથિઓ પર કોણ કરી શકે છે શ્રાદ્ધ? 
પિતૃપક્ષની પૂર્ણિમા અને પ્રતિપદા તિથિઓ પર તે લોકો પોતાના પિતૃઓ માટે શ્રાદ્ધ, તર્પણ, પિંડદાન કરે છે જેમના પૂર્વજ કોઈ પણ મહિનાની પૂર્ણિમા કે પ્રતિપદા તિથિએ સ્વર્ગવાસી થયા હોય. આજે પિતૃદોષથી મુક્તિ માટે ઉપાય કરી શકાય છે. 

પિતૃપક્ષ ક્યારે થાય છે સમાપ્ત? 
આ વર્ષે પિતૃપક્ષનું સમાપન 14 ઓક્ટોબરે સર્વ પિતૃ અમાસના દિવસે થશે. સર્વ પિતૃ અમાસને અમાસ શ્રાદ્ધ અને મહાલયા શ્રાદ્ધના માનથી પણ ઓળખવામાં આવે છે. સર્વ પિતૃ અમાસના દિવસે તે પિતૃઓના શ્રાદ્ધ હોય છે જેમના વિશે કોઈ જાણકારી ન હોય અથવા તો તેમના નિધનની તિથિ ખબર ન હોય. સર્વ પિતૃ અમાસના દિવસે જ્ઞાત અને અજ્ઞાત પિતૃઓને શ્રાદ્ધ તર્પણ આપવામાં આવે છે.