ઓટો / હવે ટુ-વ્હીલરની રાઈડ બનશે વધુ સુરક્ષિત, અકસ્માત થવા પર 1 સેકેન્ડમાં ખુલી જશે એરબેગ, આ કંપનીએ શરૂ કર્યુ ટેસ્ટિંગ

Arohi

Last Updated: 01:33 PM, 11 November 2021

FOLLOW ON

શેર કરો

બન્ને કંપનીઓ ટુ-વ્હીલર માટે એવી એરબેગ ટેક્નોલોજી પર કામ કરી રહી છે જે અકસ્માત થવા પર તરત ખુલી જાય.

ટુ-વ્હીલર રાઈડ બનશે વધુ સેફ
અકસ્માત સમયે એક સેકેન્ડમાં ખુલી જશે એરબેગ
આ કંપની કરી રહી છે તેના પર ટેસ્ટિંગ

રાઈડની સેફ્ટી માટે ટુ-વ્હીલરમાં પણ હવે એરબેગ મળશે. તેના માટે ઓટો કંપની પિયાજીયો (Piaggio) અને ઓટોમેટિવ સેફ્ટી સિસ્ટમ આપનાર કંપની ઓટોલિવ (Autoliv)એ હાથ મિલાવ્યા છે. બન્ને કંપનીઓ ટુ-વ્હીલર માટે એવી એરબેગ ટેક્નોલોજી પર કામ કરી રહી છે જે અકસ્માત થવા પર તરત ખુલી જાય. આ રાઈડરને ઈજા પહોંચવાથી બચાવવા માટે છે.

અકસ્માત સમયે એક સેકેન્ડમાં ખુલી જશે એરબેગ
ટૂ વ્હીલર એરબેગને લઈને જે રિપોર્ટ્સ સામે આવી છે તે અનુસાર, એરબેગને ટુ-વ્હીલરમાં ફ્રેમની ઉપર લગાવવામાં આવશે. અકસ્માત થવા પર આ એરબેગ 1 સેકેન્ડમાં ખુલી જશે. એટલે કે અકસ્માતના સમયે જ્યારે રાઈડર ટુ-વ્હીલરથી પડશે તો તેને સેફ્ટી મળશે. ઓટોલિવ એડવાન્સ સિમુલેશન ટૂલની સાથે આ એરબેગને ડેવલોપ કરી ચુકી છે. સ્કૂટર અને બાઈક પર તેનુ ક્રેશ ટેસ્ટ પણ શરૂ થઈ ચુક્યું છે. બન્ને કંપનીઓ આ એરબેગને રાઈડર માટે વધુ સેફ બનાવવા માંગે છે.

કાર એરબેગથી લોકોનો જીવ બચે છે
ઓટોલિવ કંપનીના CEOએ આ એરબેગ ટેક્નોલોજી વિશે જણાવ્યું કે ફોર વ્હીલરમાં એરબેગના કારણે દુર્ઘટના વખતે મોટી સંખ્યામાં લોકોના જીવ બચી જાય છે. ટુ-વ્હીલરમાં આમ નથી થતું. માટે દુર્ઘટના સમયે લોકોના જીવ જાય છે. તેને રોકવા માટે ટુ-વ્હીલરમાં પણ આ ફિચર આપવાનું કામ શરૂ કરવામાં આવી રહ્યું છે. અમે 2030 સુધી આ એરબેગથી એક વર્ષમાં 1 લાખ લોકોના જીવ બચાવવાનું લક્ષ્ય મુક્યું છે.

સંકળાયેલા મુદ્દાઓ

airbags autoliv piaggio rider safety ટુ-વ્હીલર સેફ્ટી airbags