હવે નહીં ખાય રુપિયા / VIDEO : તલાટીને ઓકાવીને કઢાઈ લાંચની રકમ, 4500 રુપિયા ખાઈ ગયો હતો, વીડિયો વાયરલ

• મધ્યપ્રદેશના કટનીનો તલાટી 4500ની લાંચ લેતો રંગેહાથ ઝડપાયો
• લોકાયુક્ત ટીમને જોઈને ગળી ગયો ચલણી નોટો
• હોસ્પિટલમાં લઈ જઈને કઢાવવી પડી નોટો 

તલાટીનો વીડિયો સામે આવ્યો છે જેમાં પોલીસે તેની મોં સામે બાઉલ રાખીને ચલણી નોટો કઢાવી રહેલી જોઈ શકાય છે. હકીકતમાં તલાટી મહાશયે ગામના એક ખેડૂત પાસેથી કોઈ કામ પાસ કરાવવા માટે 4500 રુપિયાની લાંચ લીધી હતી. 

લાંચ લેતા લોકાયુક્ત રંગે હાથે પકડ્યો હતો  
મધ્યપ્રદેશના કટની જિલ્લામાંથી એક ચોંકાવનારો મામલો સામે આવ્યો છે. જ્યાં એક પટવારીએ પોતાનું મોઢું ખુલ્લું રાખીને લાંચના પૈસા ચાવ્યા હતા. જણાવવામાં આવી રહ્યું છે કે પટવારીને લાંચ લેતા સમયે લોકાયુક્તની ટીમે રંગેહાથ પકડી પાડ્યો હતો. જે બાદ તેણે પોતાની જાતને બચાવવાનો પ્રયાસ કર્યો હતો અને લાંચના પૈસા મોઢામાં ચાવીને ગળી ગયા હતા. આ ઘટનાનો વીડિયો સોશિયલ મીડિયા પર જોરદાર વાયરલ થઈ રહ્યો છે.

#WATCH | Madhya Pradesh: A Patwari of the Revenue Department in Katni allegedly swallowed a bribe amount of Rs 4500 after seeing a team of Special Police Establishment (SPE) of Lokayukta. pic.twitter.com/D3FkjOwxu5

— ANI MP/CG/Rajasthan (@ANI_MP_CG_RJ) July 25, 2023

લોકાયુક્તની ટીમે હોસ્પિટલમાં ઓકાવી કાઢી ચાવેલી નોટો 
કટનીના હલ્કા ગામના તલાટી ગજેન્દ્ર સિંહે એક જમીનના કેસમાં ફરિયાદી ચંદનસિંહ લોધી પાસે 4500 રૂપિયાની લાંચ માંગી હતી. ચંદન સિંહ લોધીએ આ અંગે લોકાયુક્ત જબલપુરને ફરિયાદ કરી હતી, ત્યારબાદ લોકાયુક્તની ટીમ ઘટના સ્થળે પહોંચી હતી અને લાંચ લેતા પટવારીની રંગેહાથ ધરપકડ કરી હતી આ જોઈને તે નોટો ગળી ગયો હતો પરંતુ લોકાયુક્તની ટીમ તેમને હોસ્પિટલ લઈ ગઈ હતી અને ઘણી મહેનત બાદ તલાટી ગજેન્દ્રસિંહે લાંચની ચાવેલી નોટો બહાર કાઢી હતી. 

તલાટી દ્વારા લાંચ ખાવી સામાન્ય ઘટના
ઉલ્લેખનીય છે કે તલાટી દ્વારા લાંચ લઈને કામ કરવાની ઘટનાઓ સામાન્ય છે અવારનવાર આવી ઘટનાઓ સામે આવતી હોય છે. આ ઘટનામાં પણ આવું બન્યું છે એતો સારુ થયું કે જાગૃત નાગરિકે તરત પોલીસમાં ફરિયાદ કરી દીધી અને લાંચિયો તલાટી ઝડપાઈ ગયો.