તાવ કે દુખાવાની સ્થિતિમાં પેરાસીટામોલની ગોળીઓ લેવી જોઈએ? જો તમને આ પ્રશ્ન પૂછવામાં આવે તો તમારો જવાબ ચોક્કસ જ હશે કે તે તાવની દવા છે. તાવમાં રાહત મેળવવા માટે મોટાભાગના લોકો પેરાસિટામોલનો ઉપયોગ કરે છે. તાવને તરત ઓછો કરવામાં આ દવા ખૂબ જ અસરકારક છે. જો કે, કેટલીકવાર ડોકટરો પીડાના કિસ્સામાં પણ પેરાસીટામોલ દવાની ભલામણ કરે છે.
આવી સ્થિતિમાં, લોકો મૂંઝવણમાં આવે છે અને વિચારે છે કે આ દવા તાવને રોકવા માટે આપવામાં આવી હશે. જો કે, તમને જાણીને નવાઈ લાગશે કે પેરાસિટામોલનો ઉપયોગ દુખાવામાં રાહત મેળવવા માટે પણ કરી શકાય છે. હવે તમે વિચારતા હશો કે પેરાસિટામોલ તાવની દવા છે કે દુખાવાની..? ચાલો સમજવાનો પ્રયત્ન કરીએ.
આ દવા તાવને ઝડપથી કંટ્રોલ કરે છે અને દુખાવામાં પણ રાહત આપે છે
તાવ અને દુખાવો બંનેમાં પેરાસિટામોલનો ઉપયોગ કરી શકાય છે. આ દવા તાવને ઝડપથી કંટ્રોલ કરે છે અને દુખાવામાં પણ રાહત આપે છે. તે બળતરા વિરોધી પણ માનવામાં આવે છે. જો કે, આ ટેબ્લેટનો ઉપયોગ માત્ર હળવીથી મધ્યમ પીડામાં જ કરવાની સલાહ આપવામાં આવે છે.
પીડા તીવ્ર હોય, ત્યારે આ દવાને બદલે અન્ય ગોળીઓની ભલામણ કરવામાં આવે છે
જ્યારે પીડા તીવ્ર હોય, ત્યારે આ દવાને બદલે અન્ય ગોળીઓની ભલામણ કરવામાં આવે છે. પેરાસીટામોલ અન્ય પેઇનકિલર્સ કરતાં વધુ સુરક્ષિત માનવામાં આવે છે અને આ જ કારણ છે કે હળવા દુખાવોના કિસ્સામાં પેઇનકિલર્સને બદલે આ દવા લેવી જોઈએ. જો અચાનક તાવ આવે તો પણ આ દવા લેવી સલામત માનવામાં આવે છે. જો કે, પેરાસીટામોલ વધારે લેવાથી ગંભીર આડઅસર થઈ શકે છે.
પેરાસિટામોલ સગર્ભા અને સ્તનપાન કરાવતી મહિલાઓને પેઇનકિલર તરીકે પણ આપી શકાય છે, પરંતુ આવા લોકોએ ડૉક્ટરની સલાહ વિના આ દવા ન લેવી જોઈએ. જે લોકો લીવર અથવા કિડની સંબંધિત સમસ્યાઓથી પીડિત છે તેઓએ વધુ પડતું પેરાસીટામોલ ન લેવું જોઈએ. આમ કરવાથી તે લોકો માટે મુશ્કેલી ઉભી થઈ શકે છે.
આ લક્ષણો દેખાય તો આ દવા તરત જ બંધ કરવી
જો કોઈ વ્યક્તિને પેરાસિટામોલ લીધા પછી ઝાડા, એલર્જી, ઉબકા, ભૂખ ન લાગવી, ત્વચા પર ચકામા અને ખંજવાળ જેવા લક્ષણો દેખાય, તો આ દવા તરત જ બંધ કરી દેવી જોઈએ. ઉપરાંત, તમારે શક્ય તેટલી વહેલી તકે ડૉક્ટરની સલાહ લેવી જોઈએ. બધી દવાઓની આડઅસર હોય છે, પરંતુ પેરાસિટામોલ એ એવી દવાઓમાંથી એક છે જેની આરોગ્ય પર સૌથી ઓછી આડઅસર થાય છે.
