- પાકિસ્તાન ટીમના ક્રિકેટ એક્સપર્ટ લાઈવ દરમિયાન પત્નીને માર માર્યો.
- આ ઘટનાનો વીડિયો સોશિયલ મીડિયા પર વાયરલ થઈ રહ્યો છે.
- મોહસીનને પત્ની પર ઘરેલુ હિંસા માટે પૂછવામાં આવ્યું, તો કહી આવી વાત..
આજના ડિજિટલ યુગમાં હવે મોટા ભાગે લોકો વર્ચ્યુઅલ મોડમાં રહીને કામ કરે છે. કોરોના મહામારી પછી શરૂ થયેલો આ ટ્રેન્ડ આજે પણ ચાલુ છે અને ઘણા લોકો માટે તે કામ કરવાની અનુકૂળ રીત જણાય છે. એવામાં આ આદત પાકિસ્તાન ક્રિકેટ ટીમના ક્રિકેટ એક્સપર્ટને ભારે પડી છે.
પાકિસ્તાન ક્રિકેટ ટીમના ક્રિકેટ એક્સપર્ટ મોહસીન અલી યુટ્યુબ લાઈવ દરમિયાન કોઈ મુદ્દાને લઈને ગુસ્સે થઇ ગયા તેની પત્નીને મારવા દોડ્યા. આટલું જ નહીં, જ્યારે તેને આ ઘટના અંગે સ્પષ્ટતા કરવા માટે કહેવામાં આવ્યું તો તેણે માફી માંગવાનો પણ ઈન્કાર કરી દીધો. આ શરમજનક ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે.
ટ્વિટર પર સામે આવેલા આ બે વીડિયો તાજેતરના હોવાનું કહેવાય છે. પહેલા વીડિયોમાં મોહસિન તેની પત્નીને મારતો જોવા મળી રહ્યો છે. વીડિયોની શરૂઆતમાં એન્કર રિઝવાન હૈદર પાકિસ્તાની એક્સપર્ટ મોહસિન સાથે ક્રિકેટ સંબંધિત કેટલાક મુદ્દાઓ પર ચર્ચા કરી રહ્યો છે. જો કે, તે આશ્ચર્યજનક વળાંક લે છે જ્યારે એક મહિલાનો અવાજ સંભળાય છે અને અલી તેની તરફ વળે છે. જે બાદ અલી એ તરફ વળીને તેને મારે છે, આ દરમિયાન એન્કર રિઝવાન પણ થોડો ડરી ગયો હતો, પરંતુ તેણે અટક્યા વિના પોતાની વાત ચાલુ રાખી હતી.
જ્યારે, બીજા વિડિયોમાં મોહસીનને તેની પત્ની પર ઘરેલુ હિંસા માટે પૂછવામાં આવ્યું ત્યારે તેણે તેનો સ્પષ્ટ ઇનકાર કર્યો હતો. આ વાત પર મોહસિને કહ્યું હતું કે 'અમારા લગ્નને 31 વર્ષ થયા છે અને આટલી તમારી ઉંમર પણ નથી. અમે અમારી માતા અને બહેનોનું સન્માન કરીએ છીએ, તેથી આ બધી બાબતો તમે અમને નહીં બીજાને શીખવો.'
