ચિંતા / યુરોપમાં કોરોનાની બીજી લહેર, આ દેશમાં ફરી લૉકડાઉન તો ફ્રાન્સમાં બની રહ્યું છે એવું કે ચિંતા વધી

• યુરોપમાં કોરોનાની બીજી લહેર
• જર્મનીમાં ફરી લૉકડાઉન
• ફ્રાન્સમાં કોરોનાના કેસમાં ચિંતાજનક ઉછાળો  

જ્યારે ફ્રાન્સમાં પણ કોરોના વાયરસના કેસમાં નોંધપાત્ર રીતે વધારો થઇ રહ્યો છે.  આ દેશમાં પહેલા એક ડિસેમ્બર સુધી લૉકડાઉન લાગુ કરવામાં આવ્યું છે. આ બંન્ને યુરોપીય દેશોમાં દરરોજના રેકોર્ડ બ્રેક કોરોના વાયરસના કેસમાં નોંધાઇ રહ્યા છે જે ખરેખર ચિંતા વધારનારા છે. 

જર્મનીમાં ફરી કોરોના લહેર 

જર્મનીમાં મહામારીને પહોંચી વળવા માટે ગત માર્ચમાં પ્રથમ વખત લૉકડાઉન લાગુ કરવામાં આવ્યું છે. જો કે, બીજી વખત લૉકડાઉનમાં કોઇ ખાસ કડક નિયમો લાદવામાં આવ્યા નથી. જ્યારે પ્રથમ તબક્કામાં કડક નિયમો લાગુ કરવામાં આવ્યા હતા. આ વખતે શાળા, બિન જરૂરી કારોબાર, સલૂન ખોલવા પર પાબંધી લાદવામાં આવી છે. આ દેશમાં ગત શનિવારે પ્રથમ વખત કોરોનાના 19 હજારથી વધુ કેસ નોંધાયા હતા. જ્યારે સોમવારે 12 હજારથી વધુ કેસ નોંધાયા હતા. અત્યાર સુધીમાં 5 લાખી વધુ કોરોનાના કેસ મળી આવ્યા છે અને અત્યાર સુધીમાં 10 હજારથી વધુ લોકોના મોત થયાં છે. 

ફ્રાન્સમાં પરિસ્થિતિ વધુ કફોડી બની

આ તરફ, ફ્રાન્સમાં પરિસ્થિતિ વધુ કફોડી બની છે. આરોગ્ય અધિકારીઓએ જણાવ્યું હતું કે રવિવારે દેશભરમાં 46 હજાર 290 પોઝિટિવ કેસ મળી આવ્યા છે. એક દિવસ અગાઉ 35 હજારથી વધુ કેસની પુષ્ટિ થઈ હતી. શુક્રવારે 49 હજારથી વધુ કેસ મળી આવ્યા હતા. જ્યારે 25 ઓક્ટોબરે રેકોર્ડ 52 હજાર ચેપ લાગ્યો હતો. આ યુરોપિયન દેશમાં 14 લાખ દસ હજારથી વધુ કેસ મળી આવ્યા છે. જ્યારે 37 હજારથી વધુ લોકોનાં મોત નીપજ્યાં છે. 

સ્પેનમાં પોલીસ કર્ફ્યુ જાળવવા પેટ્રોલિંગ કરી રહી છે પોલીસ 

સ્પેનમાં બીજા રાઉન્ડના કોરોનાના કેસમાં ખૂબ જ વધારો થયો છે. જેને રોકવા માટે, દેશભરમાં નાઇટ કર્ફ્યુ લગાવાયો છે. કર્ફ્યુ દરમિયાન પોલીસ પેટ્રોલીંગ કરી રહી છે. "લોકોના જીવ બચાવવા આ પગલાં લેવામાં આવી રહ્યા છે," કેટાલોનીયાના પ્રદેશ પોલીસ વડા એડવર્ડ સેલેન્ટે જણાવ્યું હતું. સ્પેનમાં 12 લાખ 60 હજારથી વધુ કેસ મળી આવ્યા છે.