રાજનીતિ / મને 50 કરોડ સાથે મંત્રી પદની ઓફર આપી, ગુજરાત કોંગ્રેસના દિગ્ગજ નેતાના દાવાથી ખળભળાટ

Vishnu

Last Updated: 07:59 PM, 31 August 2022

FOLLOW ON

શેર કરો

વિધાનસભાના નેતા વિપક્ષ સુખરામ રાઠવાએ દાવો કર્યો છે કે ભાજપે મને મંત્રીપદની ઓફર આપી હતી રાઠવાના નિવેદન પર પ્રતિક્રિયા આપતા બીજેપી પ્રવક્તા યમલ વ્યાસે કહ્યુ કે કોંગ્રેસમાં હાર દેખાવવાથી ડરનો માહોલ છે

વિપક્ષ નેતા સુખરામ રાઠવાનુ નિવેદન
ભાજપ મને 50 કરોડની ઓફર કરી-રાઠવા
મંત્રી પદ,ચૂંટણીનો તમામ ખર્ચ ઉપાડવાની પણ કરી ઓફર-સુખરામ રાઠવા

ગુજરાતમાં વિધાનસભા ચૂંટણી પહેલા તડજોડની મોસમ જામી છે. કોંગ્રેસમાંથી ભાજપમાં અને ભાજપમાંથી AAPમાં નેતાઓની રીતસર જાણે હેરાફેરી જ થઈ રહી છે. આ સાથે ખરીદ વેચાણના પણ આરોપ થઈ રહ્યા છે. ત્યારે બોડેલીમાં કોંગ્રેસના કાર્યકર્તાઓ સમક્ષ સુખરામ રાઠવાએ આપેલું ચર્ચાસ્પદ નિવેદન હાલ ખૂબ જ વાયરલ થઈ રહ્યું છે.

ભાજપે 50 કરોડ રૂપિયાની ઓફર કરી હોવાનો રાઠવાનો દાવો

વિધાનસભાની ચૂંટણીના માહોલ વચ્ચે કોંગ્રેસના વિપક્ષ અને આદિવાસી નેતા સુખરામ રાઠવાએ દાવો કરતાં મોટું નિવેદન આપ્યું છે. તેમણે ભાજપ પર આરોપ લગાવતા કહ્યું છે કે ભાજપે 50 કરોડ રૂપિયાની ઓફર કરી હતી. સાથે જ મંત્રીપદ માટે પણ કહેવાયું હતું. અને હું હારી જઉં તો મને બોર્ડ નિગમ આપવાની પણ વાત કરી હતી. ચૂંટણીનો તમામ ખર્ચ ઉપાડવાની વાત રજૂ કરવામાં આવી હતી.

કોંગ્રેસને હાર દેખાતા ડરી ગઈ છે: ભાજપ

વિપક્ષ નેતા સુખરામ રાઠવા નિવેદન મુદ્દે ગુજરાતના રાજકારણમાં ગરમાવો આવ્યો છે. ભાજપ તરફથી પ્રતિક્રિયા આપતા પ્રવક્તા યમલ વ્યાસે વળતો જવાબ આપ્યો કે કોંગ્રેસમાં ડર છે. જેમ જેમ ચૂંટણી નજીક આવી રહી છે તેમને ભય દેખાઇ રહ્યો છે. જનતા હવે કોંગ્રેસને જાકારો આપશે. કોંગ્રેસની બોટ ડુબી રહી છે. રાઠવાના આરોપો તથ્ય વગરના રાજનીતિને પ્રેરિત છે.

સંકળાયેલા મુદ્દાઓ

BJP Gujarat elections 2022 Sukhram Rathava કોંગ્રેસ ગુજરાત ચૂંટણી 2022 ભાજપ રૂપિયાની ઓફર સુખરામ રાઠવા Sukhram Rathava