સિમ્બોલ ઓફ લવ / તાજમહેલના 22 ગુપ્ત દરવાજા ખોલાવવા હાઈકોર્ટમાં અરજી, હિંદુ દેવતાઓની મૂર્તિઓ રખાઈ હોવાનો દાવો

• પ્રેમનું પ્રતિક તાજમહેલ એક નવા મુદ્દે હવે ચર્ચામાં આવ્યો
• અલ્હાબાદ હાઈકોર્ટમાં કરાઈ અરજી
• તાજમહેલના બંધ 22 દ્વાર ખોલાવી આપો
• બંધ દરવાજામાં હિંદુ દેવી-દેવતાઓની મૂર્તિઓ હોવાનો દાવો 

તાજમહેલ અનેક રહસ્યો છુપાવીને બેઠો છે. હજુ સુધી તાજમહેલનું પુરેપુરુ રહસ્ય બહાર આવ્યું હતું.આવું જ એક રહસ્ય છતુ કરવા માટે હવે મામલો હાઈકોર્ટ સુધી પહોંચ્યો છે. હકીકતમાં અલ્હાબાદ હાઈકોર્ટની લખનઉ ખંડપીઠમાં એક અરજી કરવામાં આવી છે જેમાં આર્કિયોલોજિકલ સર્વે ઓફ ઈન્ડીયાને તાજમહેલના 22 બંધ દ્વાર ખોલવા માટે આદેશ આપવાની માગ કરવામાં આવી છે. અરજદારોનું કહેવું છે કે 22 બંધ દ્વારમાં હિંદુઓની મૂર્તિઓ છે કે નહીં તે નક્કી કરવા માટે આવું કરવું જરુરી છે. 

Open closed doors in Taj Mahal to ascertain presence of Hindu idols: Plea in HC

Read @ANI Story | https://t.co/F2Z6n7Uy5Z#TajMahal #AllahabadHighCourt #Agra #UttarPradesh pic.twitter.com/RTGKWP4LLf

— ANI Digital (@ani_digital) May 8, 2022

તાજમહેલ મૂળ શિવમંદિર અને તેજોમહેલ છે-અરજદારો 

અરજદારોએ એવી  પણ માગ કરી કે સત્ય શોધક કમિટીની રચના કરવી જોઈએ. તેમણે કહ્યું કે તાજમહેલના બંધ દ્વારમાં હિંદુ દેવી દેવતાઓની મૂર્તિ લોક કરીને રાખવામાં આવી છે. અરજીમાં કેટલાક ઈતિહાસકારો અને કેટલાક હિંદુ ગ્રુપોના દાવાને પણ ટાંકવામાં આવ્યો છે. તેમણે કહ્યું કે તાજમહેલ મૂળ શિવમંદિર હતો અને તેથી તેના બંધ દ્વાર ખોલવા જોઈએ. હિંદુ ગ્રુપો અને સંતો એવો દાવો કરી રહ્યા છે કે તાજમહેલ એક શિવ મંદિર છે તો બીજા કેટલાકનું કહેવું છે કે તાજમહેલ મૂળ તેજોમહેલ છે. તાજમહેલ એક જ્યોર્તિલિંગ દેખાય છે તેવું અરજીમાં જણાવાયું છે. 

શુ માગ કરી અરજદારોએ
અરજદારોની માગ છે કે તાજમહેલના 22 બંધ દ્વાર ખોલવાની જરુર છે તેમાં હિંદુ દેવી દેવતાઓની મૂર્તિઓ બંધ કરીને રાખવામાં આવી છે. અરજદારોએ તેમની અરજીમાં એવું જણાવ્યું કે ચાર માળની બિલ્ડિંગમા ઉપલા અને નીચલા ભાગમાં કેટલીક રુમ એવી છે જેને કાયમી ધોરણે બંધ કરી રાખવામાં આવી છે અને પી એન ઓક બીજા ઈતિહાસકારોનું માનવું છે કે લોક કરી રાખવામાં આવેલી રુમમાં ભગવાન શિવની મૂર્તિઓ સાચવી રાખવામાં આવી છે. ઉલ્લેખનીય છે કે એવું કહેવાઈ રહ્યું છે સુરક્ષાને કારણે આ રુમ બંધ કરી રાખવામાં આવી છે. 

હાઈકોર્ટે હવે આ અરજી પર સુનાવણી કરશે
લખનઉ ખંડપીઠ આ અરજી પર સુનાવણી કરવા તૈયાર હોવાનું સૂત્રોએ જણાવ્યું છે.