કેસ બંધ કર્યો / SCએ પહેલવાનોને આપ્યો ઝટકો: કહ્યું FIR થઈ ગઈ, સુરક્ષા મળી ગઈ, હવે કશું જોઈએ તો...

• કુસ્તીબાજોની અરજી પર સુનાવણી કર્યા બાદ સુપ્રીમ કોર્ટે કેસ બંધ કર્યો
• જો કોઈ વધુ ફરિયાદ હોય, તો તે મેજિસ્ટ્રેટ અથવા હાઈકોર્ટમાં જાઓ :SC
• સોલિસિટર જનરલે CJIને કહ્યું કે અમે નિષ્પક્ષ તપાસ કરી રહ્યા છીએ

મહિલા કુસ્તીબાજોની અરજી પર સુનાવણી કર્યા બાદ સુપ્રીમ કોર્ટે કેસ બંધ કરી દીધો હતો. ચીફ જસ્ટિસ ઓફ ઈન્ડિયા (CJI) જસ્ટિસ ડીવાય ચંદ્રચુડની બેંચે કહ્યું કે અમે આ મામલાને અહીં બંધ કરી રહ્યા છીએ. જો કોઈ વધુ ફરિયાદ હોય, તો તે મેજિસ્ટ્રેટ અથવા હાઈકોર્ટ સમક્ષ મૂકી શકાય છે. સુનાવણી દરમિયાન ભારત સરકારના સોલિસિટર જનરલે બેંચને કહ્યું કે કોર્ટે ફરિયાદીને સુરક્ષા આપવાનો નિર્દેશ આપ્યો છે. સગીર ફરિયાદીને પૂરતું રક્ષણ આપવામાં આવ્યું છે. સાદા કપડામાં પોલીસકર્મીઓ સુરક્ષા આપી રહ્યા છે, જેથી ઓળખ જાહેર ન થઈ શકે. બાકીના 6 લોકો જોખમમાં હોવાનું જણાયું નથી પરંતુ તેમને પણ સુરક્ષા આપવામાં આવી છે.

Wrestlers petition | Supreme Court notes the purpose of the petition has been served as FIR has been registered and that security has been provided to wrestlers. SC says that we have closed the proceedings at this stage. SC says if petitioners wish for something else, they can… pic.twitter.com/irIqwLuZv8

— ANI (@ANI) May 4, 2023

સોલિસિટર જનરલે માહિતી આપી હતી

સોલિસિટર જનરલે CJIને કહ્યું કે અમે નિષ્પક્ષ તપાસ કરી રહ્યા છીએ. ફરિયાદીઓના નિવેદન લેવામાં આવી રહ્યા છે. આ રિપોર્ટ સીલબંધ પરબીડિયામાં કોર્ટને આપવામાં આવ્યો છે. સિનિયર આઈપીએસ તપાસ કરી રહ્યા છે. અરજદાર એવું કહે કે આ પહેલા કરવું જોઈએ અથવા તે પહેલા કરવું જોઈએ તે યોગ્ય નથી. તેમણે વધુમાં કહ્યું કે CrPC 161 નિવેદનો અત્યારે થઈ રહ્યા છે. ટૂંક સમયમાં જ મેજિસ્ટ્રેટ સમક્ષ કલમ 164 હેઠળ નિવેદનો નોંધવામાં આવશે.

Wrestlers Protest | Accused is revealing the identities of victims on TV channels. SC said that our prayer was for FIR to be registered, they also gave directions for security & that, despite that if we have any grievances, we can go to Delhi HC or Magistrate. Monitoring is… pic.twitter.com/zvGsWbA1cC

— ANI (@ANI) May 4, 2023

FIR નોંધવામાં આવી છે : CJI

સુનાવણી બાદ CJIએ કહ્યું કે, અમારી પાસે 3 અરજદારો આવ્યા હતા. તેણે કહ્યું કે તેણે આંતરરાષ્ટ્રીય સ્તરે ભારતનું પ્રતિનિધિત્વ કર્યું છે. અમે પોલીસને નોટિસ પાઠવી હતી. પોલીસે અમને કહ્યું કે તેઓ એફઆઈઆર દાખલ કરશે. કનોટ પ્લેસ પોલીસ સ્ટેશનમાં એફઆઈઆર નોંધવામાં આવી છે. 354, 354A, 354B અને POCSO એક્ટની FIR છે. CJIએ કહ્યું કે, સગીર ફરિયાદીનું નિવેદન 29 એપ્રિલે નોંધવામાં આવ્યું હતું. આ નિવેદન 4 મહિલા પોલીસ કોન્સ્ટેબલની હાજરીમાં લેવામાં આવ્યું હતું. અન્ય નિવેદનો પણ 3જી મેના રોજ લેવામાં આવ્યા છે. સોલિસિટરે કહ્યું કે ટૂંક સમયમાં જ મેજિસ્ટ્રેટ સમક્ષ નિવેદનો નોંધવામાં આવશે.

 

#WATCH | Delhi: If this is how the wrestlers will be treated, what will we do with the medals? Rather we will live a normal life & return all the medals & awards to the Indian Government: Wrestler Bajrang Punia at Jantar Mantar pic.twitter.com/mvXqqiFVpR

— ANI (@ANI) May 4, 2023

CJIએ કેસ બંધ કરવાનો આદેશ આપ્યો

એફઆઈઆરની માંગ અમારી પાસે રાખવામાં આવી હતી, તે પૂરી થઈ ગઈ છે. અમે સુરક્ષાનો આદેશ આપ્યો હતો, તે પણ આપવામાં આવી છે. અમે આ બાબતને અહીં બંધ કરી રહ્યા છીએ. જો કોઈ વધુ ફરિયાદ હોય, તો તે મેજિસ્ટ્રેટ અથવા હાઈકોર્ટ સમક્ષ મૂકી શકાય છે.