- દિલ્હી એરપોર્ટ પર ટળી મોટી દુર્ઘટના
- સ્પાઈસજેટનું વિમાન વીજળીના થાંભલા સાથે ટકરાયું
- દુર્ઘટનમાં નુકશાનની કોઈ ખબર નહીં
ઈન્ટરનેશનલ ફ્લાઈટ શરુ થયાના પહેલા જ દિવસે અપશુકન થયા છે. સરકારે 27 માર્ચથી ઈન્ટરનેશનલ ફ્લાઈટ શરુ કરવાની જાહેરાત કરી છે તેથી 28 માર્ચથી તમામ પ્રકારની ફ્લાઈટ શરુ થઈ રહી છે પરંતુ તે પહેલા જ એક મોટી દુર્ઘટના થતા રહી ગઈ છે. દિલ્હી એરપોર્ટ પર વધુ એક વાર મોટી દુર્ઘટના સર્જાતા રહી ગઈ છે. પુશઅપ દરમિયાન સ્પાઈસજેટનું એક વિમાન વીજળીના થાંભલા સાથે જોરદાર રીતે ટકરાયું હતું જેને કારણે વીજળીનો આખો થાંભલો વળી ગયો હતો.
ઘટના બની ત્યારે આખું વિમાન પ્રવાસીઓથી ભરેલું હતું
દિલ્હી એરપોર્ટ પર આ ઘટના બની ત્યારે સ્પાઈસજેટનું આખુ વિમાન પ્રવાસીઓથી ભરેલું હતું.એવે તો સારા નસીબ કે બધા પ્રવાસીઓ બચી ગયા.જરા મોડું થયું હોત તો મોટી દુર્ઘટના સર્જાઈ હોત.
પુશઅપ દરમિયાન વિમાન વીજળીના થાંભલા સાથે ટકરાયું
સ્પાઈસજેટના વિમાનને જ્યારે ટર્મિનલ પરથી રનવે પર લઈ જવાઈ રહ્યું હતું ત્યારે આ ઘટના બની હતી. વિમાન એટલી જોરથી થાંભલા સાથે ટકરાયું કે તેમાં બેઠેલા પ્રવાસીઓના જીવ પડીકે બંધાયા હતા પરંતુ સદનસીબે આ દુર્ઘટનામાં કોઈને ઊની આંચ આવી નથી.તમામ પ્રવાસીઓ સલામત છે. આ ઘટના બાદ તમામ પ્રવાસીઓને બીજા વિમાનમાં શિફ્ટ કરી દેવાયા હતા.
તમામ પ્રવાસીઓને બીજા વિમાનમાં લઈ જવાયા
સ્પાઈસજેટના પ્રવક્તાએ કહ્યું કે આજે સ્પાઈસજેટની ફ્લાઈટ એસજી 160 દિલ્હીથી જમ્મુ જવાની હતી. પુશબેક દરમિયાન રાઈટ વિંડની ટ્રેલિંગનો એક ખૂણો વીજળીના થાંભલા સાથે ટકરાયો હતો જેને કારણે વિમાનને નુકશાન થયું.વીજળીનો આખો થાંભલો વળી ગયો હતો. પ્રવાસીઓને બીજા વિમાનમાં બેસાડી દેવાયા હતા.
આજથી તમામ ફ્લાઈટ રાબેતા મુજબ શરુ થઈ છે
ઉલ્લેખનીય છે કે આજથી દેશ અને વિદેશમાં તમામ ફ્લાઈટ હમેંશ મુજબ શરુ થઈ છે. પરંતુ પહેલા જ દિવસે મોટી દુર્ઘટના ટળવી એક અપશુકન સમાન છે. દિલ્હી એરપોર્ટ પર આ પહેલા પણ અનેક વાર આવી દુર્ઘટના થઈ છે.
