સંભાવના / PM મોદીના મુખ્ય સચિવ પદ છોડનાર નૃપેન્દ્ર મિશ્રા બની શકે છે જમ્મૂ-કાશ્મીરના ઉપરાજ્યપાલ

• યુપી કેડરના 1967 બેચના સેવાનિવૃત્ત વરિષ્ઠ અધિકારી છે નૃપેન્દ્ર મિશ્રા
• નવરચિત કેન્દ્ર શાસિત પ્રદેશના ઉપરાજ્યપાલ બનાવવામાં આવે તેવી શક્યતા
• કેટલાંક લોકો તેમને દિલ્હીના ઉપરાજ્યપાલ બનાવે તેવું લગાવી રહ્યાં છે અનુમાન

આમ નૃપેન્દ્ર મિશ્રાને નવરચિત કેન્દ્ર શાસિત પ્રદેશના ઉપરાજ્યપાલ બનાવવામાં આવી શકે છે. જો કે અટકળોનું બજાર ગરમ જોવા મળી રહ્યું છે, જેમાં નૃપેન્દ્ર મિશ્રાને દિલ્હીના ઉપરાજ્યપાલ પણ બનાવવામાં આવે તેવુ અનુમાન લગાવવામાં આવી રહ્યું છે. ઉલ્લેખનીય છે કે દિલ્હીમાં આગામી વર્ષે ફેબ્રુઆરીમાં વિધાનસભાની ચૂંટણી યોજાવવા જઇ રહી છે.
 

ઉત્તર પ્રદેશના દેવરિયા જિલ્લાના કસિલી ગામના નિવાસી નૃપેન્દ્ર મિશ્રા વડાપ્રધાન મોદીના ગત કાર્યકાળથી જ NDA સરકારના સૌથી શક્તિશાળી અધિકારીમાં સામેલ છે. પીએમ મોદીએ 74 વર્ષીય નૃપેન્દ્ર પર સૌથી વધુ ભરોસ હોવાનું એ પણ કારણ છે કે જેને લઇને પ્રધાન સચિવ પદ પરની નિમણૂંક કરવા માટે ડીઓપીટીના નિયમમાં ફેરફાર કરવામાં આવ્યો હતો.

આ વખતે ફરી સરકાર  બનતા નૃપેન્દ્ર મિશ્રાને ફરી વખત પ્રધાન સચિવની નિમણૂંકની સાથે કેબિનેટના સચિવ પણ બનાવ્યાં હતા. જો કે નૃપેન્દ્ર મિશ્રાની ક્ષમતા પર પીએમ મોદીનો ભરોસોને જોતા તેમને જમ્મૂ-કાશ્મીરના ઉપરાજ્યપાલ બનાવવામાં આવે તેવી શક્યતા વધુ જોવા મળી રહી છે. ઉલ્લેખનીય છે કે કેન્દ્ર સરકારનો હેતુ છે કે જમ્મૂ-કાશ્મીરમાં કોઇપણ ભોગો જનજીવન સામાન્ય સ્થિતિમાં રહે.