કામની વાત / રેલવે યાત્રીઓ માટે કામના સમાચાર: શું જનરલ ટિકિટવાળા હવે સ્લીપર કોચમાં કરી શકશે મુસાફરી? નહીં લાગે કોઇ ચાર્જ!

• રેલવે યાત્રીઓ માટે કામના સમાચાર
• રેલવેએ પ્રશાસન પાસે માંગ્યો રિપોર્ટ 
• મુસાફરોને રેલવે આપશે આ સુવિધા 

ભારતીય રેલ્વે સમયાંતરે મુસાફરો માટે સુવિધાઓ રજૂ કરે છે. ટ્રેન ટિકિટ બુક કરાવવાની સુવિધાથી લઈને કેન્સલેશન પર રિફંડ આપવા સુધી, રેલવેએ તેને સરળ બનાવી દીધું છે. હવે રેલ્વે દ્વારા જનરલ ટિકિટ પર મુસાફરી કરતા મુસાફરોને સ્લીપર ક્લાસમાં મુસાફરી કરવાની સુવિધા આપવા પર વિચારણા કરવામાં આવી રહી છે. રેલવે બોર્ડે ડિવિઝનલ એડમિનિસ્ટ્રેશન પાસેથી રિપોર્ટ માંગ્યો છે.

આ કારણે લેવાયો નિર્ણય 
રેલવેએ શિયાળાની સિઝનમાં મુસાફરોને વધુ સારી સુવિધા આપવા માટે આ નિર્ણય લીધો છે. આ સુવિધાની ખાસ વાત એ છે કે મુસાફરોએ વધારાનો ચાર્જ ચૂકવવો પડશે નહીં. રેલવેનો આ નિર્ણય વૃદ્ધો અને ગરીબ લોકો માટે મદદરૂપ સાબિત થશે. આ સુવિધા સાથે મુસાફરો કોઈપણ વધારાના ચાર્જ વિના સ્લીપર ક્લાસમાં મુસાફરી કરી શકશે.

એસી કોચની સંખ્યામાં વધારો
કડકડતી ઠંડીમાં ટ્રેનમાં મુસાફરી કરતા મુસાફરોની સંખ્યાને અસર થઈ છે. શિયાળાની ઋતુમાં ટ્રેનમાં મુસાફરી કરતા મોટાભાગના મુસાફરો એસી કોચમાં મુસાફરી કરવાનું પસંદ કરે છે. આ કારણોસર, રેલવેએ કેટલીક ટ્રેનોમાં એસી કોચની સંખ્યામાં વધારો કર્યો છે. કેટલીક ટ્રેનોમાં એસી કોચ સ્લીપર કોચની સમકક્ષ હોય છે. એસી કોચમાં મુસાફરી કરતા મોટાભાગના મુસાફરોને કારણે સ્લીપર કોચની સીટો ખાલી પડી રહી છે.

જનરલ ક્લાસમાં મુસાફરી કરતા લોકોની સંખ્યામાં વધારો
સાથે જ જનરલ ક્લાસમાં મુસાફરોની સંખ્યા પણ વધી રહી છે. મીડિયા રિપોર્ટ્સ અનુસાર, રેલવે વિચારી રહી છે કે જે ટ્રેનોમાં મોટાભાગની સ્લીપર સીટો ખાલી છે. તેના કેટલાક સ્લીપર કોચને જનરલ કોચમાં ફેરવવામાં આવશે. 

આ કોચ પર અનરિઝર્વ્ડ લખેલું હશે અને અન્ય સ્લીપર કોચ સાથે જોડવામાં આવશે. જો કે, આ કોચ વચ્ચેના દરવાજા બંધ રહેશે, જેથી કોઈ પણ વ્યક્તિ જનરલથી સ્લીપર કોચમાં જઈ શકશે નહીં.

રેલવે બોર્ડે  માંગ્યો રિપોર્ટ
ભારતીય રેલ્વેના બોર્ડમાં તમામ વિભાગીય વહીવટીતંત્ર પાસેથી રિપોર્ટ માંગવામાં આવ્યો છે. રેલ્વે બોર્ડની સ્લીપર સીટ 80 ટકા સુધી ખાલી ચાલતી ટ્રેનોની વિગતો માંગી છે. રેલવે આ તમામ ટ્રેનોના ખાલી સ્લીપર કોચને સામાન્ય કોચમાં રૂપાંતરિત કરશે, જેથી મુસાફરોને મુસાફરીમાં કોઈપણ પ્રકારની મુશ્કેલીનો સામનો ન કરવો પડે.