મોટી જાહેરાત / હવે આ રાજ્યમાં CM કેજરીવાલે ખેલ્યો મોટો દાવ, કર્યાં 5 મોટા વાયદા, 300 યુનિટ મફત વીજળીની જાહેરાત

•  પંજાબ, યુપી, ગુજરાત અને હવે ઉત્તરાખંડની ચૂંટણી લડશે આમ આદમી પાર્ટી
• દહેરાદુનમાં કેજરીવાલે દરેક પરિવારને 300 વીજળી મફત આપવાની જાહેરાત કરી
• સીએમ કેજરીવાલે વીજળી પર આપી 5 મોટી ખાતરી 

રવિવારે રાજધાની દહેરાદુન પહોંચેલા આમ આદમી પાર્ટીના સંયોજક અને દિલ્હીના મુખ્યમંત્રી અરવિંદ કેજરીવાલે જણાવ્યું કે જો ઉત્તરાખંડમાં પણ આમ આદમી પાર્ટીની સરકાર બનશે તો દરેક પરિવારને 300 યુનિટ વીજળી મફત આપવામાં આવશે. કેજરીવાલે જણાવ્યું કે જુના બીલ માફ કરી દેવામાં આવશે. વીજ કાપ પણ નહીં મૂકાય. રાજ્યના ખેડૂતોને મફત વીજળી આપવામાં આવશે. 24 કલાક વીજળી સપ્લાયમાં થોડો સમય લાગશે પરંતુ અમે આ કામ પણ કરીશું.

ઉત્તરાખંડના લોકોને કેજરીવાલે વીજળી પર આપી 5  મોટી ખાતરી 
- ઉત્તરાખંડના દરેક પરિવારનરે 300 યુનિટ સુધી વીજળી મફત
- જુના બીલ માફ કરી દેવામાં આવશે.
- વીજ કાપ પણ નહીં મૂકાય.
- ખેડૂતોને મફત વીજળી આપવામાં આવશે. 
- 24 કલાક વીજળી સપ્લાય મળી રહે તેવો પ્રયાસ પણ કરાશે 

ભાજપ અને કોંગ્રેસ બન્ને પાર્ટીઓ 2000 થી ઉત્તરાખંડને લૂંટતા આવી છે-કેજરીવાલ 

ઉત્તરાખંડની મુખ્ય બે પાર્ટીઓ ભાજપ અને કોંગ્રેસ પર નિશાન સાધતા કેજરીવાલે જણાવ્યું કે ભગવાને ઉત્તરાખંડને બધુ આપ્યું છે પરંતુ ઉત્તરાખંડના નેતાઓ અને પાર્ટીઓએ તેને બર્બાદ કરવામાં પાછીપાની કરી નથી. ભાજપ અને કોંગ્રેસ બન્ને પાર્ટીઓ 2000 થી ઉત્તરાખંડના લોકોને લૂંટવા લાગ્યાં છે. તેમને રાજ્યના લોકોની ચિંતા નથી તેમને ફક્ત સત્તામાં રસ છે. કેજરીવાલે કહ્યું કે હું વિશ્વાસ અપાવું છું કે જો અહીં AAP ની સરકાર બનશે તો સારી સ્કૂલો બનાવાશે. વીજળી અને ખેડૂતોના મુદ્દે પણ કામ કરવામાં આવશે. 

ઉત્તરાખંડમાં ભાજપની પાસે સીએમ જ નથી 

કેજરીવાલે કહ્યું કે ભાજપની પાસે સીએમ જ નહીં, પાર્ટી ખુદ કહે છે. ભાજપમાં સીએમની લડાઈ ચાલી રહી છે. તો વિપક્ષ કોંગ્રેસની પાસે નેતા નથી. તેઓ દિલ્હીના ધક્કા મારી રહ્યાં છે. તેથી રાજ્યના વિકાસ અંગે કોણ વિચારશે. 

અમે ચૂંટણી માટે કામ કરી રહ્યાં નથી-સીએમ પુષ્કર સિંહ ધામી 

ઉત્તરાખંડના સીએમ પુષ્કર સિંહ ધામીએ જણાવ્યું કે ચૂંટણી જીતવાનો કેજરીવાલનો એજન્ડો હોઈ શકે પરંતુ અમારો એજન્ડા રાજ્યના લોકોને સૌથી સારુ આપવાનો છે. અમે ચૂંટણી માટે કામ કરી રહ્યાં નથી. અમારી સામે સૌથી મોટો પડકાર વિકાસ છે.