ટેક્નોલોજી / હવે વોટ્સએપ-ઇન્સ્ટાની જેમ ટ્વિટરમાં પણ કૉલ કરી શકાશે, આવી ગયું Audio-Video ફીચર

• 'the everything app' બનાવવા માંગે છે X
•  X માં ઓડિયો અને વીડિયો કોલ ફીચર
•  વોટ્સએપ-ઇન્સ્ટાની જેમ થઈ શકશે Audio-Video કોલ

અલન મસ્કનું ટ્વિટર જેને હવે Xના નામથી આપણે સૌ જાણીએ છીએ.. હવે તેઓ 'the everything app' બનાવવા માંગે છે. મસ્ક એક એપના માધ્યમથી લોકોને એન્ટરટેનમેન્ટ, ન્યૂઝ, મૈસેજિંગ, પેમેન્ટ સહિતની સુવિધા આપવા માંગે છે. જેથી તેઓ અને તેમની કંપની હવે આ દિશામાં છેલ્લા ઘણા સમયથી કામ કરી રહી છે. ત્યારે હવે આ સપનાને સાચુ કરવા માટે સમય સમય પર હવે નવા નવા ફીચર્સ જોડવામાં આવી રહ્યાં છે. આ વચ્ચે કંપનીએ એક વધુ નવુ ફીચર એન્ડ્રોઈડ યુઝર્સ માટે  રિલિઝ કર્યું છે.  હાલ તો આ ફિચર્સ અત્યારે IOS યૂઝર્સ માટે ઉપલબ્ધ નથી આશા છે કે કંપની હવે ટુંક સમયમાં જ યુર્ઝર્સ માટે લાઈવનું ઓપ્શન લઈને આવી રહી છે.

audio and video calls on X slowly rolling out for android users today! update your app and call your mother

— Enrique 🦖 (@enriquebrgn) January 18, 2024

મસ્કની કંપની એક્સએ એન્ડ્રોઈડ યૂઝર્સ માટે ઓડિયો અને વીડિયો કોલ ફીચર લાઈવ કરી દીધુ છે. આ વાતની જાણકારી પ્રોજેક્ટ પર કામ કરી રહેલા એક્સ એન્જીનિયરોમાંથી એકએ ટ્વિટર પર માહિતી શેર કરી છે.  કેટલાક ઈન્ડિયન યૂઝર્સે પણ આ વિશે એક્સ પર એક પોસ્ટ કરી છે. આ ફીચરની મદદથી હવે તમે તમારા ફોલોવર્સ સાથે ફેસ ટુ ફેસ વીડિયો કોલના માધ્યમથી કનેક્ટ થઈ શકો છો. જેવી રીતે વોટ્સએપ-ઈન્સ્ટાગ્રામમાં વીડિયો કોલના ફીચર કામ કરી રહ્યાં છે બસ તેવી જ રીતે આ ફીચર એક્સમાં પણ કામ કરી રહ્યું છે. એટલે કે તેને ચલાવવું હવે ખુબ જ સરળ છે.

નવા ઓડિયો-વીડિયો ફીચરનો લાભ આ યુઝર્સને મળશે

નવા ઓડિયો-વીડિયો ફીચરનો લાભ માત્ર પ્રીમિયમ યુઝર્સ જ લઈ શકે છે. ફ્રી યૂઝર્સને આ ઓપ્શન અત્યારે મળશે નહીં. કંપની પહેલા પણ ઘણા એવા ફિચર્સ છે તેને લિમિટેડ યુઝર્સ માટે જ રાખ્યા છે. જો કે હાલ તો એ જાણકારી મળી નથી કે આ ફીચર્સ તમામ પેડ યૂઝર્સને મળશે કે પછી પ્રિમિયમ અને પ્રિમિયમ પ્લસ યુઝર્સ માટે જ સીમિત રાખે છે.

કેવી રીતે આ ઓપ્શનને ઓન કરશો
વીડિયો અને ઓડિયો કોલના ઓપ્શનને ઓન કરવા માટે તમારે સેટિંગમાં જઈને પ્રાઈવેસી એન્ડ સેફ્ટીના ઓપ્શનમાં જવું પડશે અને અહીં ડાયરેક્ટ મેસેજ પર ક્લિક કરીને ઓડિયો અને વીડિયો કોલના ઓપ્શનને ઓન કરવું પડશે.આવુ કરતાની સાથે જ તમે ચેટ્સમાં આ ઓપ્શન જોવા મળશે.