હેલ્થ / વૃદ્ધો નહીં, હવે યુવાનોને થઈ રહ્યો છે બ્રેનસ્ટ્રોક, આ ભૂલ છે સૌથી મોટું કારણ, AIIMSનો ચોંકાવનારો ડેટા

• સ્ટ્રોક ધીમે ધીમે યુવાનોને તેનો શિકાર બનાવી રહ્યો છે. 
• 20 વર્ષથી ઓછી ઉંમરના દર 100 દર્દીઓમાંથી 2ને સ્ટ્રોક આવ્યો. 
• 260 દર્દીઓમાંથી 65 ટકામાં હાઈ બ્લડ પ્રેશર જોવા મળ્યું હતું.

સ્ટ્રોક જે પહેલા વૃદ્ધોનો રોગ ગણાતો હતો તે હવે ધીમે ધીમે યુવાનોને તેનો શિકાર બનાવી રહ્યો છે. ઉપલબ્ધ માહિતી અનુસાર, AIIMSના ન્યુરોલોજી વિભાગમાં દાખલ 20 વર્ષથી ઓછી ઉંમરના દર 100 દર્દીઓમાંથી બેને સ્ટ્રોક આવ્યો છે.છેલ્લા એક વર્ષમાં છ સગીર દર્દીઓને સ્ટ્રોકના કારણે દાખલ કરવામાં આવ્યા છે, જે ચિંતાજનક આંકડા છે. 

ડૉક્ટર્સનું કહેવું છે કે આ દર્દીઓમાં મુખ્ય કારણ હાઈ બ્લડ પ્રેશર હતું, જે સામાન્ય રીતે કોઈપણ ચેતવણી વિના થાય છે. 21 થી 45 વર્ષની વયના યુવાન વયસ્કોમાં પરિસ્થિતિ વધુ ખરાબ છે, જ્યાં એક વર્ષમાં 300 દર્દીઓમાંથી 77 દર્દીઓને સ્ટ્રોકના કારણે દાખલ કરવામાં આવ્યા હતા.

એક રિપોર્ટ અનુસાર AIIMSના પ્રોફેસરે જણાવ્યું કે ઉપલબ્ધ માહિતી અનુસાર, AIIMSમાં પહેલીવાર સ્ટ્રોકના દર્દીઓમાં હાઈ બ્લડ પ્રેશરના કેસોનું પ્રમાણ વધી રહ્યું છે. પાંચ વર્ષ પહેલા AIIMS દ્વારા હાથ ધરવામાં આવેલા અભ્યાસમાં કુલ 260 દર્દીઓમાંથી 65 ટકામાં હાઈ બ્લડ પ્રેશર જોવા મળ્યું હતું. સાથે જ એમનું કહેવું છે કે ડાયાબિટીસ, હાઈ બ્લડ પ્રેશર, ધુમ્રપાન અને બેઠાડુ જીવનશૈલી જેવા જોખમી પરિબળોને નિયંત્રિત કરીને 85 ટકા સ્ટ્રોકને રોકી શકાય છે.

સ્ટ્રોક માટે જોખમી પરિબળો વિશે વાત કરતાં એમને કહ્યું કે જેમ કે હૃદયની સમસ્યાઓ જેમ કે ડાયાબિટીસ, સ્થૂળતા, ધૂમ્રપાન, દારૂનું સેવન અને શારીરિક રીતે સક્રિય ન રહેવા પર ભાર મૂકવામાં આવે છે, જે સ્ટ્રોકના 50 ટકાથી વધુ કેસ માટે જવાબદાર છે. જો કે, કેટલાક બિન-પરંપરાગત જોખમી પરિબળો જેમ કે સ્ટ્રેસ, ડ્રગ્સનો દુરુપયોગ, ઊંઘનો અભાવ અને ડિપ્રેશન લગભગ 40 થી 50 ટકા કિસ્સાઓમાં સ્ટ્રોકનું કારણ બને છે. આ સિવાય ગરદનમાં ધક્કો લાગવો, ગરદન અચાનક વળી જવી, જીમમાં રિવર્સ નેક એક્સરસાઇઝને કારણે પણ સ્ટ્રોકના નવા કેસ નોંધાઈ રહ્યા છે.

વધુ વાંચો: મોટાપાને દૂર કરવા આજથી જ અપનાવો આ ઉપાય, રોજ રાત્રે સૂતા પહેલાં બસ આટલું કરો, મળશે રિઝલ્ટ

સ્ટ્રોકથી બચવા વિશે વાત કરતાં એમને કહ્યું એક બ્લડ પ્રેશરને નિયમિતપણે મોનિટર કરવું જોઈએ. તેમણે કહ્યું કે આ આદત અનેક સ્વાસ્થ્ય સમસ્યાઓથી બચાવી શકે છે. સાથે જ સ્મોકીંગ એટલે કે ધુમ્રપાન ન કરવું જોઇએ. સ્ટ્રોક આવવા પાછળ તે સૌથી વધુ જવાબદાર છે.