- વેલેન્ટાઈન વીક પર આ વખતે ફૂલથી વધારે કોન્ડોમનું વેચાણ
- Blinkitના ફાઉન્ડર અલબિંદર ઢીંડસાએ ટ્વીટ કરીને શેર કર્યો રિપોર્ટ
- પર્સનલ લુબ્રિકેટના વેચાણમાં 61 ટકાનો ઉછાળ જોવા મળ્યો
વેલેન્ટાઈન ડે પર ફૂલોનું ખૂબ જ વેચાણ થાય છે. આ દિવસે સામાન્ય દિવસો કરતા ફૂલ પણ ખૂબ જ મોંઘા વેચાય છે. પરંતુ તમને જાણીને નવાઈ લાગશે કે આ વખતે વેલેન્ટાઈન ડેના અવસર પર ફૂલોથી વધારે વેચાણ કોન્ડોમનું થયું છે. 7થી 14 ફેબ્રુઆરી સુધી ચાલતા વેલેન્ટાઈન વીકમાં કોન્ડોમનું રેકોર્ડ બ્રેક વેચાણ થયું છે.
અત્યાર સુધી વેલેન્ટાઈન વીકમાં દરેક દિવસના હિસાબથી પ્રેમી જોડીઓ એક બીજાને ગિફ્ટ આપતા હતા. તેમાં ટેડી ડે, ચોકલેટ ડે, પ્રપોઝ ડે અને વેલેન્ટાઈન ડે ઉજવવામાં આવતું હતું. વેલેન્ટાઈન વીકમાં અત્યાર સુધી ફૂલોનું ખૂબ જ વેચાણ થતું હતું. દુકાનદાર પણ વેલેન્ટાઈન વીક શરૂ થતા પહેલા ગિફ્ટ અને ફૂલોની ઘણી બધી વેરાઈટી લઈને આવે છે.
વેલેન્ટાઈન વીકમાં ગિફ્ટ કાર્ડ પણ ખૂબ જ વેચાય છે. પરંતુ આ વખતે આ બધાનું વેચાણ પાછળ રહી ગયું છે અને કોન્ડોમનું વેચાણ સૌથી વધારે થયું છે. કોન્ડોમના વેચાણનો આંકડો જોઈને તમારા હોંશ ઉડી જશે.
ઓનલાઈન ખૂબ થયું કોન્ડોમનું વેચાણ
ઓનલાઈન સામાન ડિલિવર કરનાર કંપની Blinkitના ફાઉન્ડર અલબિંદર ઢીંડસાએ જણાવ્યા અનુસાર, વેલેન્ટાઈન ડે પર કોન્ડોર અને મીણબત્તી બન્નેનું વેચાણ ખૂબ થયું છે. બાકી પ્રોડક્ટમાં પુરૂષો માટે ડિઓડન્ટ્સ, મહિલાઓ માટે પરફ્યૂમ, એક ગુલાબ, બુકે અને ચોકલેટનો પણ સમાવેશ થાય છે.
તેમણે ટ્વીટર પર એનાલિટિક્સ પર અમુક રિપોર્ટ પણ શેર કર્યા છે. એક રિપોર્ટ અનુસાર બ્લિંકિટે 10,000થી લધારે ગુલાબ વેચ્યા અને 10 વાગ્યા સુધી 1,200 બુકેની ડિલિવરી કરી હતી.
વેલેન્ટાઈન ડે પર કોન્ડોમનું રેકોર્ડ બ્રેક વેચાણ
સુપરમાર્કેટ ચલાવનાર કંપની Foodstuffsના નોર્થ આઈલેન્ડ અને ન્યૂઝીલેન્ડમાં 330 સ્ટોર અને 24 હજાર ફૂડી સ્ટોલ છે. Foodstuffsના એક રિપોર્ટ અનુસાર આ વર્ષે આખા વેલેન્ટાઈન વીક વખતે ફૂલ અને ગિફ્ટથી વધારે કોન્ડોમની ડિમાન્ડ રહી છે.
તેની સાથે જ પર્સનલ લુબ્રિકેન્ટના વેચાણમાં 61 ટકાનો ઉછાણ જોવા મળ્યો છે. ગયા વર્ષે એટલે કે 2022ની તુલનામાં વેલેન્ટાઈન વીક વખતે 22 ટકા કોન્ડોમનું વેચાણ થયું છે. 'યુએસ નેશનલ રિટેલ ફેડરેશન' અનુસાર વેલેન્ટાઈન ડેને લઈને યુવાનોમાં ખૂબ જ ઉત્સાહ હોય છે.
હેલ્થ અને યૌન સંબંધોના કારણે થતી બિમારીઓને લઈને જાગરૂકતા માટે દર વર્ષે 13 ફેબ્રુઆરીએ International Condom Day પણ ઉજવવામાં આવે છે. આ દિવસને સેલિબ્રેટ કરવા માટે મોટી સંખ્યામાં કોન્ડોમ ખરીદવામાં આવે છે.
પશ્ચિમી દેશોમાં તો કોન્ડોમ બનાતી કંપનીઓ તેના માટે તૈયારીઓ કરે છે. વેલેન્ટાઈન ડે પહેલા આ પ્રકારના ઓફર પણ માર્કેટમાં આવવા લાગે છે જેથી તેમની સેલ સારી થઈ શકે. રિપોર્ટ અનુસાર 14 ફેબ્રુઆરીએ ખૂબ કોન્ડોમનું વેચાણ થયું છે.
