અમદાવાદ બ્લાસ્ટ કેસ / અમારા માટે સંવિધાન નહીં 'કુરાન' મહાન, અમદાવાદ બ્લાસ્ટ કેસનાં માસ્ટર માઇન્ડે ફાંસીની સજા પછી શું કહ્યું જુઓ

• અમે ફક્ત કુરાનના નિર્ણયોને જ માની છીએ.-નાગોરી 
• નાગોરી ભોપાલ સેન્ટ્રલ જેલના અધિકારીઓને ધમકીઓ આપતો હતો 
• નાગોરી 100થી વધુ ગુનાઓમાં સંડોવાયેલો છે  

અમે બંઘારણના નહીં ફક્ત કુરાનના જ નિર્ણયો માની છીએ

અમદાવાદમાં 2008ના એ બોમ્બ બ્લાસ્ટ કેસનો 14 વર્ષની લાંબી લડત બાદ ઐતિહાસીક ચુકાદો આવ્યો છે. જેમાં દેશમાં પ્રથમ વખત 38 દોષિતોને એક સાથે ફાંસીની સજા ફટકારવામાં આવી છે. તે પૈકી સ્ટુડેન્ટ ઈસ્લામિક મૂવમેન્ટ ઓફ ઈન્ડિયાના 6 આંતકવાદીઓ ભોપાલની સેન્ટ્રલ જેલમાં બંધ છે. આ પૈકી અમદાવાદ બ્લાસ્ટનો માસ્ટરમાઈન્ડ સફદર નાગોરીનો પણ સમાવેશ થાય છે.  શુક્રવારે અમદાવાદની સ્પેશીયલ કોર્ટે જ્યારે 38 દોષિતોને ફાંસીની સજાના સમાચાર સંભળાવ્યા ત્યારે ફાંસીની સજાના સમાચાર સાંભળ્યા બાદ નાગોરી  ચિંતા મુક્ત દેખાતો હતો. તેણે જેલના અધિકારીને જણાવ્યું હતું કે, બંધારણ અમારા માટે કોઈ જ મહત્વ ધરાવતું નથી, અમે ફક્ત કુરાનના નિર્ણયોને જ માની છીએ.

નાગોરી ભોપાલ સેન્ટ્રલ જેલના અધિકારીઓને ધમકીઓ આપતો હતો 
 
જેલના અધિકારીએ જણાવ્યું હતું કે ભોપાલની સેન્ટ્રલ જેલમાં જ્યારે નાગોરીને શિફ્ટ કરવામાં આવ્યો હતો ત્યારે તે જેલ અધિકારીઓ-કર્મચારીઓને ખુલ્લેઆમ ધમકી આપતો હતો કે તમારી કોઈ ઓકાત છે કે અમને ઓર્ડર આપો. તે અધિકારીને કહેતો કે અમે દેશભરની જેલો ફરી ચુક્યા છીએ. હું જેલનો કાયાકલ્પ કરી દઈશ. તેણે અનેક વખત ભોપાલની જેલથી અન્ય જેલમાં શિફ્ટ થવા માટે કોર્ટ સમક્ષ પિટીશન પણ કરી ચુક્યો છે. 

નાગોરી 100થી વધુ ગુનાઓમાં સંડોવાયેલો છે  

અમદાવાદ વિસ્ફોટનો માસ્ટરમાઈન્ડ સફદર નાગોરી ઉજ્જૈનના મહિદપુર ગામનો રહેવાસી છે. તેનો પિતા ક્રાઈમ બ્રાંચનો આસિસ્ટન્ટ સબ ઈન્સ્પેક્ટર હતો. વર્ષ 2001માં SIMI પર પ્રતિબંધ લગાવવામાં આવ્યા બાદ નાગોરી અંડરગ્રાઉન્ડ થઈ ગયો હતો. ઉજ્જૈન મહાકાલ પોલીસ સ્ટેશનમાં નાગોરી સામે 1997માં પ્રથમ કેસ નોંધાયો હતો. તેને 11 ડિસેમ્બર,2000ના રોજ ભાગેડૂ જાહેર કરવામાં આવ્યો હતો.દેશભરમાં નાગોરી સામે 100થી વધારે ગુનાહિત કેસ નોંધાયા છે. વર્ષ 2008માં અમદાવાદમાં જે શ્રેણીબદ્ધ વિસ્ફોટ થયા તેનો તે માસ્ટરમાઈન્ડ હતો.