નિર્ભયા કેસ / ટળી શકે છે 1 ફેબ્રુઆરીએ થનારી ફાંસી, દોષિત વિનયે રાષ્ટ્રપતિ સમક્ષ દાખલ કરી દયા અરજી

• દોષિતોની ફાંસીની તારીખ 1 ફેબ્રુઆરીથી આગળ વધી શકે છે : સૂત્ર
• દોષિત અક્ષયની પાસે ભૂલ સુધાર અરજી ઉપરાંત દયા અરજીનો પણ વિકલ્પ બાકી છે
• સુપ્રીમ કોર્ટની પાંચ ન્યાયાધીશોની પીઠ દોષિત અક્ષયની સજાની અરજી પર સુનાવણી કરશે

નોંધનીય છે કે, દોષિત અક્ષયે મંગળવારે એક ક્યૂરેટિવ પીટિશન દાખલ કરી, જેની સુનાવણી ગુરુવારે થવાની છે. બતાવાઇ રહ્યું છે કે, સુપ્રીમ કોર્ટની પાંચ ન્યાયાધીશોની પીઠ, ન્યાયમૂર્તિ એનવી રમનની અધ્યક્ષતામાં ગુરુવારે બપોરે 1 વાગ્યે દોષિત અક્ષય ઠાકુરની સજાની અરજી પર સુનાવણી કરશે. અન્ય એક દોષિત વિનય શર્માએ પણ ભારતના રાષ્ટ્ર્પતિ સમક્ષ દયા અરજી દાખલ કરી છે. 

74થી 75 દિવસ વધુ લાગશે

આ મામલામાં હાલમાં જ નિર્ભયાની માતાના વકીલ જિતેન્દ્ર જ્ઞાએ પણ કહ્યું હતું કે, હાલ મને લાગે છે કે 74થી 75 દિવસ હજુ લાગશે. જસ્ટિસે માન્યું છે કે આ ડિલેની ટેક્ટિસ છે. નવુ ડેથ વોરન્ટ જારી થઇ ગયું છે, પરંતુ કોઇપણ એક જો 31 જાન્યુઆરીએ બપોરે 12 વાગ્યા પહેલા રાષ્ટ્રપતિની પાસે દયા અરજી કરશે તો ફાંસી રોકાઇ જશે. 

તિહાજ જેલમાં યૌન ઉત્પીડન

આ પહેલા દોષિત મુકેશના વકીલે સુપ્રીમ કોર્ટમાં કહ્યું કે મુકેશનું તિહાડ જેલમાં યૌન ઉત્પીડન થયું છે. મુકેશે રાષ્ટ્રપતિ દ્વારા તેની દયા અરજી ફગાવવા વિરુદ્ધ સુપ્રીમ કોર્ટમાં અરજી દાખલ કરી છે. તેના પર મંગળવારે સુનાવણી દરમિયાન બચાવ પક્ષના વકીલે કોર્ટમાં કહ્યું કે, આપને દરેક પગલે પોતાનું મગજ લગાવવું પડે છે. જેલમાં મુકેશની સાથે મારપીટ કરવામાં આવી હતી. 

શું હતી આ આખી ઘટના

નોંધનીય છે કે 16 ડિસેમ્બર 2012ની રાત્રે 23 વર્ષની એક પેરામેડિકલ સ્ટૂડન્ટ પોતાના મિત્રની સાથે દક્ષિણ દિલ્હીના મુનિરકા વિસ્તારમાં બસ સ્ટેન્ડ પર ઉભી હતી. બંને ફિલ્મ જોઇને ઘરે પરત ફરવા માટે પબ્લિક ટ્રાન્સપોર્ટની રાહ જોઇ રહ્યા હતા. આ દરમિયાન તેઓ ત્યાંથી પસાર થઇ રહેલી એક પ્રાઇવેટ બસમાં સવાર થઇ ગયા. આ ચાલુ બસમાં એક સગીર સહિત 6 લોકોએ યુવતી પર બર્બરતાથી મારપીટ અને ગેંગરેપ કર્યો હતો. 

 

2012 Delhi gang-rape case: Mercy petition has been filed by convict, Vinay Sharma, before the President of India, says his lawyer AP Singh pic.twitter.com/Xuq8Vz9fN4

— ANI (@ANI) January 29, 2020

ત્યારબાદ તેઓએ પીડિતાને ચાલતી બસમાંથી ફેંકી દીધી હતી. ખરાબ રીતે ઘાયલ યુવતીને વધુ સારી સ્વાસ્થ્ય સુવિધા માટે એર લિફ્ટ કરી સિંગાપુર લઇ જવામાં આવી હતી. અહીં 29 ડિસેમ્બર 2012માં હોસ્પિટલમાં તેનું મોત થઇ ગયું હતું. ઘટના બાદ પીડિતાને કાલ્પનિક નામ 'નિર્ભયા' આપવામાં આવ્યું હતું.