નિર્ભયાકાંડ / જાણો, નિર્ભયાનાં ગુનેગાર મુકેશે ફાંસીથી બચવા રાષ્ટ્રપતિનાં નિર્ણય પર આંગળી ચિંધતા શું કહ્યું...

• નિર્ભયાનો ગુનેગાર મુકેશ મોતથી બચવા હવાતિયા મારી રહ્યો છે
• સુપ્રિમ કોર્ટનાં 3 જજની પેનલ તેની અરજી પર કરશે સુનવણી
• રાષ્ટ્રપતિના નિર્ણયને પડકારતી અરજી કરી છે

 

રાષ્ટ્રપતિના નિર્ણયને પડકાર્યો છે

નિર્ભયાનાં આ ગુનેગાર મુકેશે ફાંસીથી બચવા માટે રાષ્ટ્રપતિ પાસે દયાની અરજી કરી હતી. જે રાષ્ટ્રપતિએ ફગાવી દીધી હતી. રાષ્ટ્રપતિના આ નિર્ણયને મુકેશે સુપ્રીમ કોર્ટમાં પડકર્યો છે. તેમજ તેણે 1 ફેબ્રુઆરીના રોજ તેને આપવામાં આવનારી ફાંસી પણ રોકવાની વાત કરી છે. 

 

2012 Delhi gang-rape case: Supreme Court to hear today, a plea filed by one of the Nirbhaya case convicts, Mukesh, against rejection of his mercy petition by the President. pic.twitter.com/6kJESEwUJW

— ANI (@ANI) January 28, 2020

3 જજની પેનલ સુનવણી કરશે

નીચલી કોર્ટે નિર્ભયાનાં ચારેય આરોપીને ફાંસીની સજા આપી ફાંસીની તારીખ નક્કી કરી હતી. જોકે મુકેશે રાષ્ટ્રપતિને કરેલી દયા અરજી તેમણે 17 જાન્યુઆરીએ ફગાવી દીધી હતી. બાકીનાં 3 આરોપીઓએ રાષ્ટ્રપતિને દયા અરજી કરી નથી.  સોમવારે મુકેશનાં વકીલે આ અરજી પર ઝડપથી કામ થાય તે માટે કહ્યું છે. જેને પગલે મુકેશની આ અરજી પર ન્યાયમૂર્તિ આર ભાનુમતિ, અશોક ભૂષણ અને એએસ બોપાન્નાની પીઠે તેના પર સુનવણી કરશે.

રાષ્ટ્રપતિનો નિર્ણય એ અંતિમ નિર્ણય 

મુકેશે અરજીમાં રાષ્ટ્રપતિના દયા અરજી ફગાવવાના નિર્ણયને પડકાર્યો છે. તેણે કહ્યું છે કે રાષ્ટ્રપતિએ અરજી પર યોગ્ય વિચાર નથી કર્યો અને જલ્દીમાં અરજી ફગાવી દીધી છે. ઉલ્લેખનીય છે મુકેશની ક્યુરેટિવ પિટીશન કોર્ટે ફગાવ્યા બાદ તેણે રાષ્ટ્રપતિને દયા અરજી કરી હતી. નોંધનીય છે કે દયા અરજી પણ રાષ્ટ્રપતિનો નિર્ણય એ અંતિમ નિર્ણય માનવામાં આવે છે.