- ભાજપની બાકી 4 બેઠકો પર ઉમેદવારોના નામ થઈ શકે છે જાહેર
- ખેરાલુ અને માણસા બેઠક પર સમિકરણ બદલાયા
- અમિત શાહની બેઠક બાદ ઉમેદવારો બાબતે લેવાશે નિર્ણય
ગુજરાત વિધાનસભાની ચૂંટણીને હવે બરાબરનો રાજકીય રંગ લાગ્યો છે. એવામાં તમામ રાજકીય પક્ષો મતદારોને આકર્ષવા માટે તનતોડ મહેનત કરી રહ્યા છે. ભાજપ, કોંગ્રેસ અને આમ આદમી પાર્ટીના ઉમેદવારોએ પોતાના ઉમેદવારી પત્ર ભરી રહ્યાં છે. સાથો સાથ શક્તિપ્રદર્શન અને પ્રસાર પ્રચારનો શોર પણ શરૂ કરી દીધો છે. તેમજ રાજકીય પક્ષો કેટલીક બેઠકો ગુચવાઈ છે, કોને ઉમેદવાર જાહેર કરવો તેને લઈ અસમંજનમાં છે. ભાજપમાં ચાર બેઠકોને લઈ કોકડુગુંચવાયું હતું જેને લઈ મહત્વના સમાચાર મળી રહ્યાં છે કે, તે ઉકેલાઈ ગયું છે.
આ બેઠકો પર ઉમેદવારોના નામની જાહેરાત બાકી
ઉલ્લેખનીય છે કે અત્યાર સુધીમાં ભાજપ દ્વારા 178 ઉમેદવારોની જાહેરાત કરી દેવામાં આવી છે. ત્યારે હવે માત્ર 4 બેઠક પરના ઉમેદવારોના નામનું એલાન કરવાનું બાકી રહ્યું છે. જેમાં માણસા, ખેરાલુ, રાવપુરા, માંજલપુર બેઠકનો સમાવેશ થાય છે.
.jpg)
ભાજપની બાકી 4 બેઠકો પર ઉમેદવારોના નામ થઈ શકે છે જાહેર
ભાજપની બાકી ચાર બેઠકો પર ઉમેદવારોના નામ જાહેર થઈ શકે છે. બાકી રહેલી ખેરાલુ અને માણસા બેઠક પર સમિકરણ બદલાય તેવી ચર્ચા છે. પાપ્ત માહિતી અનુસાર માણસા બેઠક પર પાટીદાર ચહેરાની પસંદગી થઈ શકે છે. જોકે માણસા બેઠક ઉપર ચૌધરી સમાજના સમિકરણો પર પણ ચર્ચા દોર જામ્યો છે. જો વાત કરવામાં આવે ખેરાલુ બેઠકની તો ત્યાં ચૌધરી અથવા ક્ષત્રિય ઠાકોર સમાજના ઉમેદવાર પસંદગી થઈ શકે છે. તેમજ માંજલપુર અને ગરબાડા બેઠક પર ઉમેદવાર નક્કી જેવું જે તેવું કહેવાઈ રહ્યું છે. માંજલપુર અને ગરબાડામા સ્થાનિક જ્ઞાતિગત સમિકરણોને પ્રાધાન્ય અપાયું છે. અમિત શાહની કમલમ મુલાકાત બાદ ઉમેદવારો બાબતે નિર્ણય લેવાઈ શકે છે. અમિત શાહ કમલમ ખાતે આજે બેઠક કરશે.
