માન્યતા / નજરદોષ કે ખરાબ શક્તિઓને દૂર રાખવા માટે સૌ કોઈએ જાણી લેવા જોઈએ આ 5 ઉપાય, નકરાત્મકતા રહેશે દૂર

• ખરાબ નજરને નજરદોષ માનવામાં આવે છે
• નજરદોષ દૂર કરવા અનેક ઉપાય કરવામાં આવે છે
• નજરદોષ દૂર કરવા માટે કરો આ ઉપાય

સનાતન ધર્મની માન્યતાઓમાં ખરાબ નજરને નજરદોષ માનવામાં આવે છે. ઘણી વાર સારા કામ કરવા છતાં ઈચ્છા અનુસાર પરિણામ પ્રાપ્ત થતું નથી. નજરદોષ કે નકારાત્મક શક્તિઓને દૂર કરવા માટે ઘણા ઉપાયો કરવામાં આવે છે. અહીંયા અમે તમને કેટલાક એવા ઉપાયો વિશે જણાવી રહ્યા છીએ, જે નજરદોષ દૂર કરવામાં મદદરૂપ થઈ શકે છે.

નજરદોષ દૂર કરવા માટેના ઉપાય

• નજરદોષ દૂર કરવા માટે અને દુષ્ટ શક્તિઓથી છુટકારો મેળવવા માટે હનુમાન ચાલીસાના પાઠ કરવા તે એક સરળ ઉપાય છે. માનવામાં આવે છે કે, હનુમાન ચાલીસાના પાઠ કરવાથી દુષ્ટ શક્તિઓ દૂર રહે છે. તમે ગાયત્રી મંત્રનો જાપ પણ કરી શકો છો.
• આંખો પર કાજલ લગાવવાથી દુષ્ટ શક્તિઓ દૂર રહે છે. માનવામાં આવે છે કે, કાજલ લગાવવાથી નજરદોષથી બચી શકાય છે. ઘરે બનાવેલ કાજલ વધુ સારું સાબિત થાય છે.
• ફટકડીથી નકારાત્મક શક્તિઓથી છુટકારો મળે છે. ફટકડીનો ટુકડો લઈને માથા પર ઘડિયાળની વિરુદ્ધ દિશામાં 7 વખત ફેરવીને પાણીમાં પધરાવી દો.
• ઘરમાં અશુભ શક્તિએ કબજો જમાવ્યો હોય તો નજરદોષ યંત્ર લઈને ઘરની બહાર લટકાવી દો. શનિવારે ઘરની બહાર કાળા ઘોડાની નાળ લટકાવો. આ પ્રકારે કરવાથી નજરદોષ અને દુષ્ટ શક્તિઓ દૂર થાય છે.
• નજરદોષ દૂર કરવા માટે કાળા દોરામાં લીંબુ અને મરચા બાંધીને શનિવારે ઘરની બહાર લટકાવો. દર શનિવારે આ લીંબુ મરચા બદલતા રહેવું જોઈએ.