બિપોરજોય ઈફેક્ટ / ઓપરેશન સ્થળાંતર: 8 જિલ્લામાંથી અત્યાર સુધી 20, 588 લોકોને સુરક્ષિત ખસેડાયા, જુઓ કયા જિલ્લામાં કેવી કામગીરી

• રાજ્યમાં અત્યારસુધી 20 હજારથી વધુ લોકોનું સ્થળાંતર કરાયું
• જૂનાગઢ જિલ્લામાં 500, કચ્છમાં 6,786 લોકોનું સ્થાળાંતર કરાયું
• રાજકોટમાં 4031 લોકોનું સ્થળાંતર કરવામાં આવ્યું છે

ગુજરાતમાં બિપોરજોય ચક્રવાતથી તોળાતી સંભવિત અસરને લઈ રાજ્યમાં વહીવટી તંત્ર સાબદૂ બન્યું છે. અસરગ્રસ્ત જિલ્લાઓમાં અત્યાર સુધીમાં 20 હજારથી વધુ લોકોનું સ્થળાંતર કરાયું છે તેમજ હજુ પણ કેટલાક સ્થળોએ સ્થળતાંરની કામગીરી પૂરજોશમાં ચાલી રહી છે જે આજ સાંજ સુધીમાં પૂર્ણ કરી દેવામાં આવશે.  

20 હજારથી વધુ લોકોનું સ્થળાંતર કરાયું
જૂનાગઢ જિલ્લામાં 500, કચ્છમાં 6,786 અને જામનગરમાં 1,500 લોકોનું સ્થળાંતર કરાયું છે, જ્યારે પોરબંદરમાં 543, દ્વારકામાં 4,820 તેમજ ગીર સોમનાથમાં 408 લોકોનું સ્થળાંતર કરવામાં આવ્યું છે. જ્યારે મોરબીમાં 2,000 અને રાજકોટમાં 4031 લોકોનું સ્થળાંતર કરવામાં આવ્યું છે.

ઉત્તર દિશામાં આગળ વધી રહ્યુ છે વાવાઝોડુ
અરબી સમુદ્રમાં સક્રિય થયેલ બિપરજોય વાવાઝોડુ હાલ ઉત્તર દિશામાં આગળ વધી રહ્યુ છે. વિગતો મુજબ વાવાઝોડુ પોરબંદરથી સમુદ્રમાં 290 કિમી દૂર છે. આ સાથે બિપરજોય વાવાઝોડુ દ્વારકાથી સમુદ્રમાં 300 કિમી અને જખૌ બંદરથી સમુદ્રમાં 360 કિમી દૂર છે. વિગતો મુજબ 15 જૂન જખૌથી વાવાઝોડુ પસાર થશે. 

ભારે પવનની પણ કરાઇ આગાહી 
આ તરફ બીપોરજોય વાવાઝોડાને લઈ મોરબી, જામનગર, દ્વારકા, પોરબંદર, રાજકોટ, જૂનાગઢ, ગીર સોમનાથ, અમરેલીમાં ભારે પવનની આગાહી કરાઇ છે. આ સાથે રાજ્યના અનેક વિસ્તારોમાં મધ્યમ અને ભારે વરસાદની પણ આગાહી કરાઇ છે. બીપરજોય વાવાઝોડાને પગલે વહીવટી તંત્ર પણ એલર્ટ બન્યું છે.

15 જૂને ત્રણ જિલ્લામાં ભારે વરસાદની આગાહી  
આગાણી 15 જૂનના રોજ ગુજરાતના ત્રણ જિલ્લાઓમાં હવામાન વિભાગ દ્વારા રેડ એલર્ટ જાહેર કરવામાં આવ્યું છે. 15 જૂને કચ્છ, જામનગર અને દેવભૂમિ દ્વારકામાં રેડ એલર્ટ જાહેર કરવામાં આવ્યું છે. અહીં ભારેથી અતિ ભારે વરસાદ વરસી શકે છે. તો મોરબી, રાજકોટ, જૂનાગઝ અને પોરબંદરમાં ઓરેન્જ એલર્ટ જાહેરવામાં આવ્યું છે. તો 16 જૂને કચ્છ, મોરબી, પાટણ, મહેસાણા, બનાસકાંઠા અને સાબરકાંઠામાં વરસાદનું ઓરેન્જ એલર્ટ જાહેર કરવામાં આવ્યું છે.