Ukraine Russia Crisis / પુતિને યુક્રેન પર હુમલો કર્યા બાદ રશિયામાં પણ ભારે વિરોધ, 1700થી વધું લોકોની ધરપકડ

• યુક્રેન પર હુમલાને લઈને રશિયામાં પણ વિરોધ પ્રદર્શન 
• રશિયાના નાગરીકોએ હુમલોનો કર્યો સખત વિરોધ 
• વિરોધ પ્રદર્શન કરતા 1700થી વધુની ધરપકડ 

પુતિને યુક્રેન પર હુમલો કર્યા બાદ રશિયાના અલગ અલગ શહેરોમાં પ્રદર્શન કરવામાં આવ્યા હતા. જેમા 1728 જેટલા લોકોની ધરપકડ કરી હોવાનું સામે આ્યું છે. મોસ્કો, સેંટ પીટર્સબર્ગ અને સુદૂર પૂર્વી સાઈબેરિયાઈ શહેર નોવોસિબિર્સ્ક સહિત 53 શહેરોમાં પ્રદર્શનકારિયોને રસ્તા પર ઉતરી આવ્યા હતા અને યુદ્ધ પ્રત્યે અસંતોષ વ્યક્ત કર્યો હતો. 

મોસ્કોમાં 900થી વધુ લોકોની ધરપકડ 

સોશિયલ મીડિયા પર પણ અમુક વીડિયો શેર થયા છે જેમા લોકો અલગ અલગ રીતે વિરોધ પ્રદર્શન કરતા નજરે પડી રહ્યા છે. સેંટ પિટર્સબર્ગ અને મૉસ્કોમાં પણ ઘમા બધા લોકો પ્રદર્શનમાં શામેલ થયા હતા. મૉસ્કોમાં 900 કરતા પણ વધારે લોકોની ધરપકડ કરવામાં આવી છે. જેમા પોલીસનો પણ મોટા પ્રમાણમાં કાફલો રસ્તા પર દેખાયો હતો. 

યુદ્ધમાં બધાએ એકલા છોડ્યા હોવાનો ઉલ્લેખ 

યુક્રેનના રાષ્ટ્રપત જેલેંસ્તિએ નિવેદન આપ્યું છે કે આ યુદ્ધમાં બધાએ અમને એકલા છોડી દીધા છે.સાથેજ તેમણે કહ્યું કે જે પણ લોકોએ પોતાનો જીવ ગુમાવાનો વારો આવ્યો તેઓ કોઈ હિરોથી ઓછા નથી. 

રશિયાએ શહેરોમાં પણ હુમલો કર્યો 

યુક્રેનના રાષ્ટ્રપતિએ કહ્યું કે રશિયાએ પહેલા એવો દાવો કર્યો હતો કે તેઓ માત્ર સૈન્ય ઠેકાણાઓ પર હુમલો કરશે. પરંતુ તેઓ શહેરોમાં પણ હુમલો કર્યો. સાથેજ તેમણે કહ્યું રશિયા લોકોને મારી રહ્યું છે તે ઘણું ખોટું છે અને આ બાબતે તેને ક્યારેય માફી નહી આપવામાં આવે. વધુમાં તેમણે કહ્યું ઓડેસા દ્વીપ પર બધાજ સીમા રક્ષણ માર્યા ગયા છે. અને રશિયાના સૈનિકોએ ત્યા કબ્જો જમાવી લીધો છે. 

બાયડને આપ્યું મોટું નિવેદન 

ઉલ્લેખનીય છે કે જ્યારે આ સમગ્ર મામલે અમેરિકાના રાષ્ટ્રપતિને પુછવામાં આવ્યું કે રશિયાએ યુક્રેન પર કરેલા હુમલાને લઈને ભારત અમેરિકા સાથે ઉભુ છે? ત્યારે બાયડને જવાબ આપ્યો કે સૈન્ય અભિયાન પછી યુક્રેન સંકટ પર અમેરિકા ભારત સાથે ચર્ચા કરશે. આપને જાણવી દઈએ કે યુક્રેન સંકટને લઈને ભારત અને અમેરિકાના વિચાર સરખા નથી. રશિયા સાથે ભારતની ઘણી જૂની મિત્રતા છે. અને છેલ્લા દોઢ દાયકાથી અમેરિકા સાથે પણ ભારતના ઘણા સારા સંબંઘો છે.