સહાય / મોરબી દુર્ઘટના: મૃતકોને રાજ્ય સરકારે ચાર લાખ, કેન્દ્ર સરકાર દ્વારા બે લાખ રૂપિયાના વળતરની જાહેરાત

• મોરબીમાં મોટી દુર્ઘટના મામલો
• સરકારે કરી સહાયની જાહેરાત
• રાજ્ય સરકાર ચાર લાખ, કેન્દ્ર સરકાર બે લાખ રૂપિયા આપશે વળતર 

મોરબીમાં આજે હૈયું હચમચાવી દેતી  ગોઝારી દુર્ઘટના બની છે. ઝુલતો પુલ તુંટતા અનેક લોકો નદીમાં ખાબક્યા હતા. જેમાં 60 જેટલા લોકોના મોત નીપજ્યું હોવાનું સામે આવું છે, જેને લઇને દેશ આખામાં હાહાકાર મચી ગયો છે. ત્યારે  મોરબીમાં દુર્ઘટનામાં જીવ ગુમાવનારા દરેકના નજીકના સંબંધીઓને કેન્દ્ર સરકાર દ્વારા PMNRF તરફથી 2 લાખની સહાયની જાહેરાત કરવામાં આવી છે. વધુમાં રાજ્ય સરકાર પ્રત્યેક મૃતકના પરિવારજનને ચાર લાખ રૂપિયાની સહાય અને દુર્ઘટનામાં ઘાયલોને લોકોને રૂ. 50,000ની જાહેરાત કરાઇ છે.

PM @narendramodi has announced an ex-gratia of Rs. 2 lakh from PMNRF for the next of kin of each of those who lost their lives in the mishap in Morbi. The injured would be given Rs. 50,000.

— PMO India (@PMOIndia) October 30, 2022

મોરબીની દુર્ઘટનામાં જીવ ગુમાવનાર નાગરિકોના પરિવારજનો પ્રત્યે સંવેદના વ્યક્ત કરું છું. રાજ્ય સરકાર પ્રત્યેક મૃતકના પરિવારજનને ચાર લાખ રૂપિયા અને ઇજાગ્રસ્તોને ૫૦,૦૦૦ રૂપિયાની સહાય આપશે.

— Bhupendra Patel (@Bhupendrapbjp) October 30, 2022

CM ભૂપેન્દ્ર પટેલે તંત્રને તાત્કાલિક મોટા આદેશ આપ્યા
મોરબીમાં ઝૂલતો પુલ તૂટતા સ્થાનિક તંત્ર અને તરવૈયાઓની મદદથી અસરગ્રસ્તોને બહાર કાઢવામાં આવી રહ્યા છે.  મોરબીની 10, રાજકોટની 8 એમ્બ્યુલન્સને મોરબી ખાતે મોકલી દેવામાં આવી છે. વધુમાં CM ભૂપેન્દ્ર પટેલે તંત્રને તાત્કાલિક મોટા આદેશ આપ્યા છે. ગાંધીનગરથી NDRFની 2 ટીમ મોરબી રવાના થઇ છે. એટલુ જ નહિ મોરબીની દુર્ઘટનાને પગલે પ્રધાનમંત્રી સાથેના આગળના કાર્યક્રમોને ટૂંકાવીને મુખ્યમંત્રી ભુપેન્દ્ર પટેલ ગાંધીનગર રવાના થયા છે. તથા ગૃહ રાજ્યમંત્રીને સ્થળ પર પહોંચી બચાવ કામગીરીનું માર્ગદર્શન કરવા જણાવ્યું છે. SDRF સહિતની ટૂકડીઓને બચાવ કામગીરી માટે મોબીલાઈઝ કરવામાં આવી છે.

ઓરેવા ટ્રસ્ટ પાસે છે પુલની મેન્ટેનન્સ અને રીપેરીંગની સમગ્ર જવાબદારી 
મોરબીની મચ્છુ નદી પર રજવાડાના સમયમાં પ્રજાવત્સલ રાજા સર વાઘજી ઠાકોર દ્વારા લાકડા અને વાયરના આધારે ૨૩૩ મીટર લાંબો અને ૪.૬ ફૂટ પહોળો ઝૂલતો પુલ બનાવવામાં આવ્યો હતો જેનો ઉપયોગ પહેલાના સમયમાં રાજા માત્ર રાજ મહેલથી રાજ દરબાર સુધી જવા માટે જ કરતા હતા પરંતુ સમય જતા આ પુલની જવાબદારી મોરબી નગરપાલિકાને સોપવામાં આવી હતી.પાલિકા દ્વારા ઓરેવા ટ્રસ્ટને આગામી ૧૫ વર્ષ સુધી આ પુલની મેન્ટેનન્સ અને રીપેરીંગની સમગ્ર જવાબદારી સોંપમાં આવી હતી.