ચોમાસાનું આગમન / ઉત્તર, દક્ષિણ, પૂર્વ, પશ્ચિમ દેશમાં ક્યાં કેવો પડશે વરસાદ? હવામાન વિભાગે આ રાજ્યોમાં આપ્યું એલર્ટ, મુંબઈમાં 10નાં મોત

• દેશભરમાં ચોમાસાનું આગમન
• કેટલાક રાજ્યોમાં ઓરેન્જ એલર્ટ જારી
• મુંબઈમાં વરસાદને લીધે 10 લોકોનું મોત

દેશભરમાં ચોમાસાની શરૂઆત થઈ ચૂકી છે ત્યારે કેટલાક રાજ્યોમાં હળવો તો કેટલાક વિસ્તારોમાં ભારે વરસાદની સ્થિતિ જોવા મળી રહી છે. અનેક વિસ્તારોમાં વરસાદને લીધે જનજીવન અસ્ત-વ્યસ્ત થઈ ગયું છે. હવામાન વિભાગે દેશનાં કેટલાક રાજ્યોમાં ઓરેન્જ અને યેલો એલર્ટ જારી કર્યું છે. મુંબઈમાં સતત વરસતા વરસાદને લીધે 10 લોકોનું મોત થઈ ગયું છે.

#WATCH | | Rain lashes parts of Mumbai

According to BMC, there is a possibility of heavy to very heavy rains in Mumbai in the next 4-5 days. pic.twitter.com/4DleXs1Zh1

— ANI (@ANI) June 28, 2023

મુંબઈમાં 10 લોકોનું મોત
BMCએ જાહેર કરેલા આંકડાઓ અનુસાર ચોમાસું આવ્યા પછીથી મુંબઈમાં 25 જૂનથી લઈને આજ સુધીમાં કુલ 10 લોકોનું મોત થયું છે. જેમાંથી 3નું મોત વૃક્ષ પડવાને લીધે થયું  તો 4 નું મોત ઘાટકોપર અને વિલે પાર્લેમાં બિલ્ડિંગ ધ્વંસ્ત થતાં થયું છે. વરસાદમાં સફાઈ કરતાં 3 કર્મીઓનું મૃત્યુ નોંધાયું છે. BMCએ મુંબઈમાં આવનારા 4થી 5 દિવસો સુધઈ રાજ્યમાં ભારે વરસાદની ભવિષ્યવાણી કરી છે.

મહારાષ્ટ્રનાં 6 જિલ્લાઓમાં ઓરેન્જ એલર્ટ
IMDએ મહારાષ્ટ્રનાં 6 જિલ્લાઓ- થાણે, રાયગઢ, પાલઘર, સિંઘુદુર્ગ, નાસિક અને રત્નાગિરી માટે ઓરેન્જ એલર્ટ જારી કર્યું છે.

આવનારા 2 દિવસો માટે એલર્ટ
હવામાન વિભાગની તરફથી આવનારા 2 દિવસો માટે દેશનાં ઉત્તર-પશ્ચિમ ક્ષેત્રો સિવાય મધ્ય ભારત અને પશ્ચિમ ભારતમાં મોનસૂન સક્રિય રહેશે તેવી માહિતી આપવામાં આવી છે. હિમાચલ પ્રદેશમાં હવામાન વિભાગે આવતી કાલ માટે યેલો એલર્ટ જારી કર્યું છે. આ સાથે જ 1-2 જૂલાઈનાં અલગ-અલગ વિસ્તારોમાં વીજળીનાં કડાકા સાથે વરસાદ વરસવાની સંભાવના છે.

આવનારા 2 દિવસો દરમિયાન આ રાજ્યોમાં વરસાદની આગાહી કરવામાં આવી છે:

ઉત્તર-પશ્ચિમ ભારત
આવનારા 2 દિવસો સુધી ઉત્તરપ્રદેશ, હરિયાણા અને હિમાચલ પ્રદેશમાં વરસાદની આગાહી કરવામાં આવી છે. જ્યારે ઉત્તરાખંડમાં અતિભારે વરસાદની ભવિષ્યવાણી કરવામાં આવી છે. 

મધ્ય ભારત
આવતાં 2 દિવસો સુધી મધ્યપ્રદેશનાં કેટલાક વિસ્તારોમાં હળવો તો કેટલાક વિસ્તારોમાં વીજળીનાં કડાકા-ભડાકા સાથે વરસાદ વરસી શકે છે.

પશ્ચિમ ભારત
પશ્ચિમનાં રાજ્યોમાં ગોવા, ગુજરાત અને મધ્ય મહારાષ્ટ્રમાં આવનારા 4 દિવસો સુધી વરસાદની આગાહી કરવામાં આવી છે.

પૂર્વોત્તર ભારત
આવનારા 4 દિવસો સુધી પશ્ચિમ બંગાળ અને સિક્કિમ સિવાય અસમ,અરુણાચલ પ્રદેશ અને મેઘાલયમાં અતિભારે વરસાદની આગાહી કરવામાં આવી છે.

દક્ષિણ ભારત
કેરળ, માહે, દક્ષિણ આંતરિક કર્ણાટકમાં  આવનારાં 4 દિવસો સુધી મધ્યમ વર્ષા વરસી શકે છે.