સ્કાયમેટની આગાહી / ખેડૂતો માટે આવ્યા સારા સમાચારઃ ગુજરાતમાં જૂન મધ્યમાં થશે ચોમાસાનું આગમન, જાણો કેટલો થશે વરસાદ

• હવામાન વિભાગ તરફથી ખેડૂતો માટે સારા સમાચાર
• 26 મેથી 1 જૂન વચ્ચે કેરળ પહોંચશે ચોમાસુ: IMD
• ગુજરાતમાં 15થી 20 જૂન વચ્ચે ચોમાસુ બેસી જશે: IMD
• આ વર્ષે ચોમાસુ સામાન્ય રહેવાનું પૂર્વાનુમાન: IMD  

ભારતીય હવામાન વિભાગે ચોમાસાને લઈને જાહેર કરેલા પૂર્વાનુમાનમાં ખેડૂતોને માટે સારા સમાચાર મળી રહ્યા છે. હવામાન વિભાગનું કહેવું છે કે ચોમાસુ આ વર્ષે 26 મેથી 1 જૂન વચ્ચે કેરળ પહોંચશે, તો આ સાથે ગુજરાતની વાત કરીએ તો અહીં 15થી 20 જૂન વચ્ચે ચોમાસુ બેસી જશે. હવામાન વિભાગે કહ્યું છે કે આ વર્ષે ચોમાસુ સામાન્ય રહેવાનું પૂર્વાનુમાન છે.  અંદામાનમાં રવિવાર સુધી હળવાથી સામાન્ય વરસાદની આગાહી કરવામાં આવી રહી છે. તો આ સાથે જ  સ્કાઇમેટ એજન્સીના અંદાજ અનુસાર 103% વરસાદની આગાહી કરવામાં આવી રહી છે. 

અલનીનોની અસર ઓછી રહે તેવી શક્યતા સેવાઈ રહી છે
હવામાન વિભાગે આ વર્ષે તેમના પૂર્વાનુમાનમાં કહ્યું છે કે આ વર્ષે અલનીનોની કે પછી લા નીનોની અસર નહીંવત રહેશે. હવામાન વિભાગના અનુસાર આ વર્ષનું ચોમાસુ સામાન્ય રહેશે અને સાતે જ જૂન અને સપ્ટેમ્બર મહિનામાં પણ વરસાદ રહેવાની શક્યતા જાહેર કરી છે. 

3 વર્ષ બાદ પહેલી વાર વરસાદ સામાન્ય રહી શકે છેઃ હવામાન વિભાગ
હવામાન વિભાગના પૂર્વાનુમાન અનુસાર 3 વર્ષમાં 2 વાર ચોમાસાની સીઝનમાં વરસાદ સામાન્ય કરતા વધારે રહ્યો હતો. આ વર્ષે સામાન્ય વરસાદ રહેવાની આગાહી કરાઈ છે. 

96 ટકાથી 103 ટકા સુધીના વરસાદની હવામાનની આગાહી
હવામાન વિભાગે કહ્યું છે કે જૂનથી સપ્ટેમ્બર સુધી 96-98 ટકા વરસાદ રહેશે અને આ પછી 104 ટકા સુધી વરસાદ પહોંચે તેવી શક્યતા રખાઈ રહી છે.