- મિથુન ચક્રવર્તીના માતાનું નિધન
- ભાજપથી લઈને સત્તાધારી TMC નેતાઓએ શોક વ્યક્ત કર્યો
- મિથુન ચક્રવર્તીના પિતાનું 95 વર્ષે નિધન થયું હતું
ફિલ્મ અભિનેતા અને ભાજપ નેતા મિથુન ચક્રવર્તીના માતાનું આજે નિધન થયું છે. મિથુન ચક્રવર્તી અને તેમની માતા સાથે રહેતા હતા. મિથુન ચક્રવર્તીના માતાના નિધન પર બંગાળ ભાજપથી લઈને સત્તાધારી TMC નેતાઓએ શોક વ્યક્ત કર્યો છે.
21 એપ્રિલ 2020ના રોજ મિથુન ચક્રવર્તીના પિતા વસંત કુમાર ચક્રવર્તીનું 95 વર્ષે નિધન થયું હતું. મિથુન ચક્રવર્તીના પિતાની કિડની ફેઈલ થતા નિધન થયું હતું અને આજે તેમણે તેમના માતાને પણ ગુમાવી દીધા છે.
મિથુન ચક્રવર્તી એક સમયે તેમના માતા પિતા અને 4 ભાઈ બહેન સાથે કલકત્તાના જોડાબાગાન વિસ્તારમાં રહેતા હતા. મિથુન ચક્રવર્તીએ એક્ટિંગની દુનિયામાં ઓળખ મેળવતા માતા પિતાને સાથે લઈ ગયા હતા.
મિથુન ચક્રવતી મુંબઈમાં રહેતા હતા, ત્યારે તેમની માતાને સાથે લઈ ગયા હતા. ત્યારથી તેમના માતા શાંતિરાની ચક્રવર્તી મુંબઈમાં જ રહેતા હતા. બંગાળ ભાજપ તરફથી મિથુન ચક્રવર્તીની માતા નિધન પર શોક વ્યક્ત કરવામાં આવ્યો છે.
અનેક હસ્તીઓએ શોક વ્યક્ત કર્યો
થોડા દિવસ પહેલા મિથુન ચક્રવર્તીએ ‘ડાંસ બાંગ્લા ડાંસ’ના સેટ પર તેમના દિવંગત પિતાને શ્રદ્ધાંજલી આપતા જોવા મળ્યા હતા. બંગાળ ભાજપે ટ્વિટ કર્યું છે કે, ભાજપ રાષ્ટ્રીય કાર્યકારિણી સમિતિના સભ્ય, વરિષ્ઠ ભાજપ નેતા મિથુન ચક્રવર્તીના માતાનું નિધન થયું છે. આ કઠિન પરિસ્થિતિમાં ભાજપ પરિવાર તેમની સાથે છે. TMC પ્રવક્તા કૃણાલ ઘોષે પણ દુ:ખ વ્યક્ત કર્યું છે. રાજનૈતિક મતભેદ ભૂલીને કૃણાલ ઘોષે મિથુન ચક્રવર્તીના કઠિન સમય પર શોક વ્યક્ત કર્યો છે.
મિથુન ચક્રવતી ભાજપમાં શામેલ થયા
વિધાનસભા ચૂંટણી દરમિયાન મિથુન ચક્રવતી કલકત્તાના બ્રિગેડ મેદાનમાં પ્રધાનમંત્રી નરેન્દ્ર મોદીની રેલીમાં ભાજપમાં શામેલ થયા હતા. તેમને ભાજપ કાર્યકારિણીના સભ્ય પણ બનાવવામાં આવ્યા હતા. મિથુન ચક્રવતીએ અનેક વિસ્તારની મુલાકાત લીધી હતી અને પંચાયત ચૂંટણી પહેલા ભાજપ કાર્યકર્તાઓને સંગઠિત કરી રહ્યા હતા, પરંતુ પંચાયત ચૂંટણી દરમિયાન પ્રચાર કર્યો નહોતો.
