- મેક્સિકોની સંસદમાં બની રહસ્યમય ઘટના
- કોંગ્રેસની અંદર રાખવામાં આવ્યાં 2 શવ
- દાવો છે કે આ 2 લાશ એલિયન્સની છે
લેટિન અમેરિકી દેશ મેક્સિકોની સંસદમાં એલિયનને લઈને એક અસામાન્ય ઘટના જોવા મળી છે. આ ઘટનાને માણસનાં ઈતિહાસમાં નિર્ણાયક માનવામાં આવી રહ્યું છે. મેક્સિકોની કોંગ્રેસની અંદર એક સત્તાવાર કાર્યક્રમ યોજવામાં આવ્યો જેમાં 2 એલિયન શવનું પ્રદર્શન ગોઠવવામાં આવ્યું. એલિયનની આ લાશોનું સત્તાવાર અનાવરણ UFO નિષ્ણાંત જેમી મોસન દ્વારા કરવામા આવ્યું હતું.
1000 વર્ષથી પણ જૂના શવ
કદમાં નાનાં આ 2 શવને લઈને આયોજકોનો દાવો છે કે આ મમી બની ચૂકેલ લાશ 1000 વર્ષથી પણ જૂની છે અને તેને પેરૂનાં કૂસ્કોથી મેળવવામાં આવ્યાં છે. મોસાને મેક્સિકો સરકારનાં સદસ્યોને કહ્યું કે UFOનાં નમૂનાઓનું મેક્સિકોની એક યૂનિવર્સિટીમાં અધ્યયન કરવામાં આવ્યું છે કે જ્યાં તેમના અનુસાર વૈજ્ઞાનિકોએ કહ્યું છે કે તેમણે રેડિયોકાર્બન ડેટિંગનાં આધાર પર DNA નાં પુરાવાઓ એકઠા કરવામાં સફળતા મેળવી છે.
એલિયન લાશની 3 આંગળીઓ
મોસાન અનુસાર, આ નમૂના આપણી પૃથ્વીનાં વિકાસનો હિસ્સો નથી. આ એક શેવાલની ખાણમાંથી મળ્યાં છે અને પછી તેઓ જીવાશ્મમાં બદલાયા છે. અમેરિકાની જેમ જ મેક્સિકોનાં સાંસદોએ પણ UFOની ઉપર એક સુનાવણી આયોજિત કરી છે. મંગળવારે 2 લાશો કે જેને એલિયન માનવામાં આવી રહ્યું છે તેને સંસદની અંદર પ્રદર્શિત કરવામાં આવ્યું હતું.
UFO સાથે પાયલટનો થયો હતો સામનો
કાર્યક્રમમાં અમેરિકી નૌસેનાનાં પૂર્વ પાયલટ રયાન ગ્રેવ્સ પણ હાજર રહ્યાં હતાં. રયાને દાવો કર્યો કે ઊડ્ડયન દરમિયાન તેમનો સામનો UFO સાથે થયો હતો. આ મમીમાં બદલાઈ ગયેલા શવ કાંચનાં બોક્સમાં રાખવામાં આવ્યાં હતાં જેથી લોકો તેને જોઈ શકે.
