જાણવા જેવું / હવામાન વિભાગ દ્વારા કેવી રીતે કરાય છે સચોટ આગાહી? ટ્રિક અને ટેકનોલોજી સમજવા જેવી

• હવામાન વિભાગ કેવી રીતે કરે છે આગાહી?
• બલૂનમાં હાઈડ્રોજન ગેસ ભરી ઉડાવવામાં આવે
• આગાહી માટે બલુનનો ઉપયોગ 50 કરતાં વધુ વર્ષોથી થઈ રહ્યો છે

હવામાન વિભાગ દ્વારા કેવી રીતે મોસમની આગાહી કરવામાં આવે છે. તેના વિશે એક વિશેષ પ્રક્રિયા કરવામાં આવે છે. જે ટેક્નોલોજી વિશે આપને જણાવીએ કે, હવામાન વિભાગ દ્વારા એક બલૂન ઉડાવવામાં આવે છે જેની સાથે જીપીએસ સિસ્ટમ લગાવવામાં આવે છે. જેમ બલૂન આકાશમાં છોડવામાં આવશે તેમ જીપીએસ સિસ્ટમ ઉપરના તાપમાન અને હવાની દિશા સહિતની માહિતી આપશે. જેના આધારે હવામાન વિભાગ દ્વારા આગાહી કરવામાં આવે છે.

આગાહીનો 'બલૂન'
હવામાનની આગાહી માટે બલુનનો ઉપયોગ 50 કરતાં વધુ વર્ષોથી થઈ રહ્યો છે. આ બલૂન જમીન સ્તરથી 30 કિલોમીટર ઉપર સુધીના હવામાનની જાણકારી આપે છે. બલૂનમાં હાઈડ્રોજન ગેસ હોવાથી ઝડપથી બલૂન આકાશમાં ઉડે છે.તેની સાથે લાગેલા મશીન પર અમદાવાદના હવામાન વિભાગની ઓફિસનું સરનામું રહે છે. માટે જો કોઈ નાગરિકને આ મશીન મળે તો હવામાન વિભાગના સરનામે સંપર્ક કરી શકે છે.

વાંચવા જેવું: વનરક્ષક પરીક્ષાના કોલલેટર ડાઉનલોડ થવાની શરૂઆત, એક ક્લિકમાં જાણો સમગ્ર પ્રોસેસ

વાતાવરણની સ્થિતિ અંગેની આગાહી
હવામાન વિભાગ વિજ્ઞાન અને ટેકનોલોજીની વ્યવસ્થા દ્વારા વિવિધ આગાહી કરે છે.જેઓ વિજ્ઞાનના સહારા દ્વારા વાતાવરણની સ્થિતિ અંગેની આગાહી કરી શકે છે. હવામાન વિભાગ રોજબરોજ થતા વાતાવરણમાં ફેરફારોની સીધી અસર જાણે છે, જે બાદ તે આગાહી કરે છે.વૈજ્ઞાનિક રીતે હવામાનનો અભ્યાસ અને હવામા પદ્ધતિઓ વિકસાવવી, તે વિશ્વના દરેક દેશ માટે ઘણું જરૂરી બન્યું છે. ત્યારે જે બલૂન દ્વારા આગાહી કરવામાં આવે છે તેમાં પણ પરિવર્તન કરવામાં આવ્યું છે.