Viral / પિતાના મૃત્યુ બાદ બે નિર્દોષ બાળકો ચલાવી રહ્યાં છે રેસ્ટોરન્ટ, મદદ માટે લોકો આગળ આવ્યાં

• પિતાના મૃત્યુ બાદ આ બંને ભાઈઓ ચલાવે છે રેસ્ટોરન્ટ
• વીડિયોમાં બંને ભાઈઓ કામ કરી રહ્યાં છે
• રેસ્ટોરન્ટ ચલાવવામાં ઘણો ખર્ચ આવે છે 

ચલાવવા લાગ્યા પોતાના પિતાનું રેસ્ટોરન્ટ 

17 વર્ષના જશ્નદીપ અન તેમના 11 વર્ષના ભાઈ અંશદીપની સાથે આવુ થયુ. તેના પિતાના મૃત્યુ પછી પરિવારની જવાબદારી તેમના પર આવી. બંને ભાઈ પરિવારનો ખર્ચ ચલાવવા માટે પોતાના પિતા દ્વારા શરૂ કરવામાં આવેલુ રેસ્ટોરન્ટ ચલાવે છે. આ રેસ્ટોરન્ટ અમૃતસરમાં છે. જશ્નદીપે જણાવ્યું કે તેના પિતાના મૃત્યુ બાદ ઘરની બધી જવાબદારી આ બે ભાઈઓ પર આવી છે. પિતાની મૃત્યુ અચાનક ગત 26 ડિસેમ્બરે થઇ હતી. ત્યારબાદથી આ બંને ભાઈ આ રેસ્ટોરન્ટને ચલાવી રહ્યાં છે. 

ખૂબ ખર્ચ આવે છે 

અમરજીત સિંહ નામના ટ્વિટર યુઝરે તેનો વીડિયો શેર કર્યો. જેમાં જશ્નદીપ અને તેનો નાનો ભાઈ કામ કરતા જોવા મળી રહ્યાં છે. તેઓ એવુ પણ જણાવે છે કે તેને ચલાવવામાં ઘણો ખર્ચ આવે છે. પરંતુ તેઓ પોતાના ગુરૂ ગોવિંદ સિંહને યાદ કરે છે અને હક અલાલની કમાણીને ખાવાની સલાહનો ઉલ્લેખ કરે છે. ઉલ્લેખનીય છે કે, આ બંને ભાઈ દરરોજ 25 કિલોમીટર દૂરથી આવે છે અને આ રેસ્ટોરન્ટને ચલાવે છે. 

loved the courage & their spirit. Give them a go on your next Amritsar trip🙏🙏@rockyandmayur pic.twitter.com/We8RH8z4Rs

— amarjit singh (@aj_straightup) February 2, 2022

પિતાના મૃત્યુ બાદ દીકરાઓ ચલાવે છે રેસ્ટોરન્ટ 

વીડિયોના અંતમાં એક શખ્સ જણાવે છે કે આ બંને બાળકો કેટલી મહેનત કરી રહ્યાં છે. આ બંને બાળકો વીડિયોમાં તેનું રહેઠાણ પણ જણાવે છે અને લોકોને જણાવે છે કે રેસ્ટોરન્ટ ખુલ્યાના થોડા સમય બાદ તેના પિતાનું નિધન થયુ. 3 મહિના પહેલા આ રેસ્ટોરન્ટ શરૂ કરવામાં આવ્યું હતુ. બંને ભાઈ આખા પરિવારની જવાબદારી ઉઠાવી રહ્યાં છે. આ રેસ્ટોરન્ટ ભાડે છે. તેમણે લોકોને અપીલ કરી છે કે વધુમાં વધુ લોકો અહીં પહોંચે અને તેની મદદ કરે. આ રેસ્ટોરન્ટનું નામ Top Grill Amritsar છે.