- 100 યુવતીઓને ડેટ કરી ચુક્યો છે આ યુવક
- ફક્ત 25 વર્ષની ઉંમરે 50 રાજ્યોની યુવતીઓને કરી ડેટ
- કહ્યું હજુ મહિલાઓને સમજી શક્યો નથી
અમેરિકાથી એક અનોખો મામલો સામે આવ્યો છે. અહીંના એક યુવકે દાવો કર્યો છે કે તે અમેરિકાના 50 રાજ્યોની લગભગ 100 યુવતીઓને ડેટ કરી ચુક્યો છે. તે બધી જ યુવતીઓને ડેટિંગ એપ દ્વારા મળ્યો હતો. તેણે 50 રાજ્યોની યુવીઓએ ડેટ કરવાનો ટાર્ગેટ બનાવ્યો હતો.
ત્યાર બાદ 25 વર્ષના આ યુવકે જે જણાવ્યું તે વધારે ચોંકાવનારૂ હતું. 100 યુવતીઓને ડેટ કર્યા બાદ યુવકનું કહેવું છે કે તે હજુ યુવતીઓને નથી સમજી શક્યો. યુવતીઓને સમજવી ખૂબ જ મુશ્કેલ છે. તેણે અત્યાર સુધી તેમાં સફળતા નથી મેળવી.
50 રાજ્યોની 100 યુવતીઓને કરી ડેટ
અમેરિકાના 50 રાજ્યોની 100 યુવતીઓને ડેટ કરનાર આ યુવકનું નામ મેથ્યૂ છે અને તેની ઉંમર હજુ ફક્ત 25 વર્ષ છે. મેથ્યૂએ જણાવ્યું કે તેણે હવાઈથી લઈને અલાસ્કા અને તમામ અમેરિકી પાજ્યોની યુવતીઓને ડેટ કર્યું છે. પરંતુ તે હજુ પણ યુવતીઓને સમજવામાં સફળ નથી થયો.
પહેલા આસપાસની યુવતીઓને ડેટ કરવાનું શરૂ કર્યું
મેથ્યુએ જણાવ્યું કે પહેલા તેણે ડેટિંગ એપ દ્વારા આસપાસની યુવતીઓને ડેટ કરવાનું શરૂ કર્યું. પરંતુ બાદમાં તેણે નિર્ણય કર્યું કે અમેરિકા ઉપરાંત અલગ અલગ રાજ્યોની યુવતીઓને ડેટ કરશે. પછી તેણે અમેરિકાના 50 રાજ્યોની યાત્રા ફક્ત યુવતીઓને ડેટ કરવા માટે કરી.
અમેરિકી યુવક મેથ્યૂએ જણાવ્યું કે તેને આ વાત પર ગર્વ છે કે તેને અમેરિકાના દરેક રાજ્યની યુવતીને ડેટ કર્યું છે. મેથ્યૂએ એમ પણ જણાવ્યું કે તે હજુ રોકાશે નહીં. અલગ અલગ યુવતીઓની સાથે ડેટ પર જવામાં તેને ખૂબ મજા આવે છે.
યુવતીઓને ડેટ કરવાનું મિશન
મેથ્યુએ એવું પણ જણાવ્યું કે પહેલા તેણે 50 રાજ્યોની 50 યુવતીઓને ડેટ કરવાનું મિશન બનાવ્યું હતું. પોતાની ગાડી પર પણ તેણે 50 ડેટ્સ 50 સ્ટેટ્સ લખાવ્યું છે. જ્યારે પણ તે કોઈ યુવતીની સાથે ડેટ પર જતો હતો તે યુવતીને પહેલાથી જ ખબર પડી જતી હતી કે તે ફક્ત ડેટ માટે આવ્યો છે અને રિલેશનશિપમાં નથી આવવા માંગતો.
