ઓટો વર્લ્ડ / 'મારુતીની ગાડી ચાલી ટોપ ગીયરમાં', 1 લાખ કરોડની કમાણી કરનાર પહેલી કંપની, આ ગાડી સૌથી વધારે વેચાઈ

• મારુતિ સુઝુકીની કારની બોલબાલા
• 1 લાખ કરોડ રૂપિયાનું રેવેન્યૂ મેળવનાર દેશની પહેલી કંપની
• વિશ્વની ટોપ 30 કંપનીઓમાં 28માં સ્થાને મારુતિ સુઝુકી

મારુતિ સુઝુકી વેંચાણનાં મામલામાં દેશની સૌથી મોટી વાહન નિર્માતા કંપની છે. અને હવે આ કંપની ભારતની પહેલી એવી કંપની બની છે જેણે 1 લાખ કરોડ રૂપિયાનું રેવેન્યૂ મેળવ્યું છે. બ્લૂમબર્ગનાં રિપોર્ટ અનુસાર આ આંકડાને પાર કરતાની સાથે જ મારુતિ સુઝુકી દુનિયાભરની ટોપ 30 વાહન નિર્માતા કંપનીઓમાં શામેલ થઈ ગઈ . મારુતિ સુઝુકીએ ભારતની દ્વિતીય એવી કંપની છે કે જેણે ગ્લોબલ રેન્કિંગમાં પોતાનું સ્થાન બનાવ્યું છે. આ પહેલાં ટાટા મોટર્સે પોતાની જગ્યા સુનિશ્ચિત કરી હતી.

17માં સ્થાને ટાટા મોટર્સ-28માં સ્થાને મારુતિ સુઝુકી
ગ્લોબલ લેવલ પર ટોપ 30 વાહન નિર્માતાઓની લિસ્ટમાં ટાટા મોટર્સ 17માં સ્થાને છે. મારુતિ સુઝુકી 28માં સ્થઆને છે અને કંપનીની બલેનો અને બ્રિઝા રેવેન્યૂમાં ઘણી આગળ છે. આ સિવાય ફોક્સવેગન, ટોયોટા અને સ્ટેલાંટિસનું રેવેન્યુ ક્રમશ: 293 બિલિયન, 271 બિલિયન અને 189 બિલિયન ડોલર છે. 

Maruti Suzuki becomes 1st passenger vehicle maker in India to cross Rs 1L crore revenues, entering the league of top 30 automakers globally.#delhimetro #Microsoft #TheKeralaStoryTrailer #KejriwalKaMahal #Trisha #MarutiSuzuki #StockMarketindia #indiapositivenews #SamvadaWithModi pic.twitter.com/IjfxpGNGpf

— India Infographics (@india_infograph) April 27, 2023

'અમને આગળ વધતાં કોઈ નહીં રોકી શકે'
મારુતિ સુઝુકી ઈન્ડિયાનાં ચેરમેન આર.સી. ભાર્ગવે મીડિયા સાથેની વાતચીતમાં કહ્યું કે' અમે ક્યાય નહોતા અને હવે અહીં પહોંચ્યાં છીએ. વિસ્તાર કરવાનાં અમારા પ્લાનની સાથે, જે પ્રમાણે સ્થિતિ હશે તે મુજબ આગળ વધારવાનાં છીએ. જે રીતે અર્થવ્યવસ્થા મેનેજ થઈ રહી છે તેના લીધે અમને સૌને આગળ વધવાનો મોકો મળી રહ્યો છે. સરકારની તરફથી કોઈ રોક-ટોક નથી જેના લીધે અમને આગળ વધતાં હવે કોઈ નહીં રોકી શકે.'