BIG NEWS / મણિપુર જશે I.N.D.I.A ગઠબંધનના સાંસદો: મોદી સરકારને ઘેરવાની તૈયારી પૂર્ણ, રાજ્યમાં આજે પણ ફાયરિંગ અને ભયંકર હિંસા થઈ

• મણિપુરમાં આજે ફરી ફાયરિંગ થઈ
• સંસદમાં થયેલા વિવાદ બાદ વિપક્ષનું મોટું પગલું
• ગઠબંધન I.N.D.I.Aનાં સાંસદોની ટીમ પહોંચશે મણિપુર 

વિપક્ષી દળનાં ગઠબંધન I.N.D.I.Aનાં સાંસદોની એક ટીમ 29-30 જૂલાઈનાં મણિપુર પહોંચશે અને આ દરમિયાન હિંસા પીડિતો સાથે મુલાકાત કરશે. મણિપુર હિંસાનાં આશરે 2 મહિના બાદ હવે વિપક્ષની આંખો ખુલી છે. સાંસદોની એક ટીમ મણિપુરની મુલાકાત લેવા જઈ રહી છે. મોદીને સંસદમાં ઘેર્યા બાદ હવે મણિપુરમાં જઈને સ્થિતિની સમીક્ષા કરવા માટે વિપક્ષ તૈયાર થયું છે.

#WATCH | Bihar | After resigning from BJP over Manipur issue, Vinod Sharma says, "With a heavy heart I wrote to JP Nadda and PM Modi that an incident like that in the Manipur video has never happened anywhere else. Still, the PM is sleeping, he doesn't have the courage to sack CM… pic.twitter.com/td5gQYPW5C

— ANI (@ANI) July 27, 2023

આજે ફરી થઈ ફાયરિંગ
મણિપુરમાં મહિલાઓને નિર્વસ્ત્ર ફેરવવાનાં વીડિયો વાયરલ થયાં બાદ હિંસાની ઘટનાઓ વધી રહી છે. થોરબંગ અને કાંગવેમાં ગુરુવાર સવારથી ફાયરિંગ થઈ રહી છે. બંને જગ્યાઓ પર મૈતેઈ અને કુકી સમાજ સામ-સામે આવી ગયાં છે. ગુરુવાર સવારે મણિપુરનાં ચુરાચાંદપુર જિલ્લામાં હિંસા થયા હોવાની માહિતી મળી આવી હતી. જાણકારી અનુસાર થોરબુંગ વિસ્તારમાં ફાયરિંગ થઈ હતી. જો કે આ તણાવની સ્થિતિમાં કેટલા લોકો ઈજાગ્રસ્ત થયાં છે તે અંગેની માહિતી સામે આવી નથી. આ પહેલાં મણિપુરનાં મોરેહ જિલ્લામાં બુધવારે ભીડે ઓછામાં ઓછા 30 મકાન અને દુકાનોમાં આગ લગાવી દીધી હતી. એટલું જ નહીં સુરક્ષાદળો પર ફાયરિંગ પણ કરી હતી.

CM બીરેન સિંહ થયાં નારાજ
મણિપુરનાં CM બીરેન સિંહે મિઝોરમમાં કુકી સમુદાયનાં સમર્થનમાં નિકળેલી રેલી પર નારાજગી વ્યક્ત કરતાં કહ્યું કે જોરમથાંગાને અન્ય રાજ્યનાં આંતરિક મામલામાં હસ્તક્ષેપ ન કરવું જોઈએ. અત્રે ઉલ્લેખનીય છે કે આ રેલીમાં જોરમથાંગાનાં CMએ પણ હાજરી આપી હતી.

Opposition MPs from the INDIA Alliance were dressed in black in Parliament today as a mark of protest against the Government’s mismanagement of Manipur & its continued silence on the ongoing tragedy there, as I explained to Minister @Gen_VKSingh & to the media when I came out of… pic.twitter.com/cFlpXvDtBL

— Shashi Tharoor (@ShashiTharoor) July 27, 2023

તમામ ઘટનાઓ પર નજર
CM બીરેન સિંહ બોલ્યાં કે આ રાજ્ય સરકારની ડ્રગ કાર્ટેલની સામેની લડત છે.  મણિપુર સરકાર રાજ્યમાં રહેનારા કુકી સમુદાયનાં વિરોધમાં નથી. રાજ્ય સરકાર મણિપુરમાં થનારી તમામ ઘટનાઓ પર નજર રાખી રહી છે. જે મણિપુરની અખંડિતતાનો નાશ કરવાનાં પ્રયાસ કરી રહ્યાં છે તેમની સામે રાજ્ય સરકાર કડક પગલાઓ ભરી રહી છે.

અત્યાર સુધીમાં 160 લોકોનું મૃત્યુ
આદિવાસી સમુદાય કુકી અને બિન-આદિવાસી સમુદાય મૈતેઈનાં લોકોની વચ્ચે ભડકેલ હિંસામાં અત્યાર સુધીમાં આશરે 160 થી વધારે લોકો મૃત્યુ પામ્યાં છે અને 600થી વધારે ઘાયલ થયાં છે. સંપત્તિઓ જેવી કે દુકાનો, મકાનોને મોટાપાયે નુક્સાન પહોંચ્યું છે.  હિંસાનાં લીધે કુકી સમુદાયનાં આશરે 13000 લોકોએ મિઝોરમમાં પલાયન કર્યું છે.