અલ્યા આવું / 'ખાધે-પીધે લીલાલહેર પણ દુલ્હન નથી મળતી' યુવાને MLAને ઘુમાવ્યો ફોન, 'સાહેબે કર્યું સમાધાન'

• મહારાષ્ટ્રના ઔરંગાબાદ યુવાનને લગ્ન કરવા છે પણ નથી મળતી છોકરી
• ખાધે-પીધે છે લીલાલહેર, 8 જમીન, ગાડી પૈસા બધું છે
• ક્યાંયથી છોકરી ન મળતા યુવાન પહોંચ્યો ધારાસભ્ય પાસે 

લગ્ન માટે છોકરી ન મળવાની સમસ્યા તો છે જ અને ક્યારેક પૈસે ટકે સુખી વ્યક્તિને પણ છોકરી શોધવા ફાંફા પડી જતા હોય છે. મહારાષ્ટ્રના ઔરંગાબાદનો એક યુવાન પણ છોકરી ન મળવાની સમસ્યાથી પીડાઈ રહ્યો છે અને હવે ક્યાંયથી આશા ન દેખાતા તે તેના વિસ્તારના ધારાસભ્ય પાસ પહોંચ્યો અને તેમને છોકરી શોધી આપવાની વિનંતી કરવા લાગ્યો. 

પરણવું છે પણ કોઈ છોકરી આપતું નથી 
મહારાષ્ટ્રના ઔરંગાબાદના એક યુવકે કન્નડના ધારાસભ્ય ઉદય સિંહ રાજપૂતને ફોન કરીને માંગ કરી હતી કે તે પોતાના લગ્ન માટે સારી દુલ્હન શોધે. આ ઘટનાની ઓડિયો ક્લિપ વધુને વધુ વાયરલ થઈ રહી છે. લગ્નવાંચ્છુક યુવાને કહ્યું કે મારા ઘરની પરિસ્થિતિ ઠીક છે. 8-9 એકર જમીન અને સંપત્તિ છે. છતાં કોઈ છોકરી આપવા તૈયાર નથી. મારે પરણવું જ પડશે. જુઓ, સાહેબ, જો તમારા જિલ્લામાં કોઈ સારી છોકરી હોય તો મને જાણ કરજો. 

ધારાસભ્ય અને યુવાનની ઓડિયો ક્લિપ વાયરલ 
આ ઓડિયો ક્લિપમાં ફોન કરનાર પહેલા પોતાના ઘરની પરિસ્થિતિ વિશે માહિતી આપે છે, એટલે કે તે બતાવવા માંગે છે કે તે પોતાની અને પોતાની ભાવિ પત્નીની જવાબદારીઓ નિભાવવા માટે આર્થિક રીતે સક્ષમ છે. આ હોવા છતાં, કોઈ પણ તેને તેના પરિવારની છોકરી આપવા તૈયાર નથી, જેના કારણે તે પોતાનું દુ:ખ વ્યક્ત કરે છે.

ધારાસભ્યે છોકરી શોધવાની આપી ખાતરી 
ધારાસભ્ય ઉદય સિંહ રાજપૂતે લગ્ન માટે છોકરી શોધી આપવાની ખાતરી આપી ત્યારે યુવાનના ચહેરા પર સ્મિત આવ્યું હતું. તેને હવે પાકા પાયે ભરોસો છે કે ધારાસભ્ય તેને માટે છોકરી શોધી આપશે.