- 38 વર્ષીય વ્યક્તિને અચાનક હાર્ટ એટેક આવ્યો
- ડોક્ટર પુનઃર્જીવિત કરવામાં સફળ રહ્યા
- 45 દિવસ સુધી આઈસીયુમાં રાખ્યા
Nagpur News: ગત 25મી ઓગસ્ટે 38 વર્ષીય વ્યક્તિને અચાનક હાર્ટ એટેક આવ્યો અને એક કલાક કરતા વધુ સમય સુધી તેમના દિલના ધબકારા બંધ થઈ ગયા હતા. તેમને મૃત માની લેવામાં આવ્યા હતા, પરંતુ ડોક્ટર તેમને પુનઃર્જીવિત કરવામાં સફળ રહ્યા અને 45 દિવસ સુધી આઈસીયુમાં રાખ્યા બાદ તેઓ એકદમ સ્વસ્થ થઈ જતાં તેમને હોસ્પિટલમાંથી રજા આપી દેવામાં આવી. આ વ્યક્તિનો જીવ બચી જતાં બધા આશ્ચર્યચકિત થઈ ગયા છે. અહીં સુધી કે ડોક્ટર્સ પણ તેને એક ચમત્કાર જ માની રહ્યા છે.
40 મિનિટ પછી રોકી દેવાય છે CPR
અમેરિકન હાર્ટ એસોસિએશન મુજબ, જો સ્પોન્ટેનિયસ સર્કુલેશન (ROSC) અથવા ધબકારા પાછા ન આવે તો કાર્ડિયોપલ્મોનરી રિસુસિટેશન (CPR)ને 40 મિનિટ પછી રોકી દેવામાં આવે છે. આ અંગે કાર્ડિયોલોજિસ્ટ ડૉ. ઋષિ લોહિયાએ દર્દીની ઉંમર અને મોનિટર પર દેખાતા વેન્ટ્રિક્યુલર ફાઇબ્રિલેશનને કારણે 40 મિનિટની મર્યાદાને ઓળંગવાનો વિકલ્પ પસંદ કર્યો. તેમણે જ્યાં સુધી હૃદય ફરીથી કામ કરતું ન થઈ જાય ત્યાં સુધી ડિફિબ્રિલેશન શોકની સાથે સીપીઆર ચાલું રાખ્યું.
45 મિનિટ સુધી અપાયું CPR
હોસ્પિટલના રેકોર્ડ મુજબ, આ દર્દીને 45 મિનિટ CPR આપવામાં આવ્યું હતું. ડો. લોહિયાએ જણાવ્યું કે, પહેલા સીપીઆર 20 મિનિટ કરતા સમય સુધી ચાલું રહ્યું, જ્યારે ROSCને 30 સેકન્ડ માટે રેકોર્ડ કરવામાં આવ્યું હતું, પરંતુ ઈમરજન્સીની સ્થિતિને કારણે કોઈ ડોક્યુમેન્ટ વગર તેને ચાલુ રાખવામાં આવ્યું હતું. જો વેન્ટ્રિક્યુલર ફાઇબરિલેશન જોવા મળે છે, તો કાર્ડિયાક મસાજની સાથે ડિફિબ્રિલેશન શોકનો ઉપયોગ કરવામાં આવે છે. આ હૃદયને ફરીથી શરૂ કરવામાં મદદ કરે છે.
કોઈ આડઅસર ન થઈ
લાંબા સમય સુધી સીપીઆરના કારણે પાંસળીઓ તૂટી જાય છે અને વારંવાર શોક આપવાથી ચામડી બળી શકે છે. ડૉ. લોહિયાએ કહ્યું કે, 'સારા CPRને કારણે આ દર્દીને આ બેમાંથી કોઈ પણ આડઅસર થઈ નથી.' તેમણે જણાવ્યું કે, તેમને 40 દિવસ સુધી વેન્ટિલેટરની જરૂર હતી, જોકે તેઓ આઠમા દિવસ પછી સ્વસ્થ થઈ ગયો હતા. ICU ટીમમાં નેફ્રોલોજિસ્ટ ડૉ. અશ્વિની ખાંડેકર અને સર્જન ડૉ. સુરજીત હઝરા સામેલ હતા.
