મહાદેવ બેટિંગ એપ / મુંબઈમાં મોડી રાતે પ્રોડક્શન હાઉસ પર EDની રેડ, મેગાસ્ટાર્સ સાથે બનાવે છે ફિલ્મો; દુબઈના લગ્નમાં નાચવા ગયેલા હિરો-હિરોઈનમાં સોપો પડી ગયો

• મહાદેવ બેટિંગ એપ કેસમાં મુંબઈમાં મોડી રાતે પ્રોડક્શન હાઉસ પર EDની રેડ
• રણબીર કપૂરથી માંડીને કપિલ શર્મા સુધીના કલાકારોને આવ્યું EDનું તેડું
• બૉલીવુડ સેલિબ્રિટીઓ આ એપના પ્રમોટર સૌરભ ચંદ્રાકરના લગ્નમાં હાજર રહ્યા હતા 

મહાદેવ બેટિંગ એપ કેસમાં ED અધિકારીઓએ શુક્રવારે મુંબઈમાં એક પ્રોડક્શન હાઉસ પર દરોડા પાડ્યા હતા. કહેવામાં આવી રહ્યું છે કે આ પ્રોડક્શન હાઉસને ફિલ્મ બનાવવા માટે હવાલા દ્વારા પૈસા મળ્યા હતા. એટલે એ બોલિવૂડના આ પ્રોડક્શન હાઉસને અંડરવર્લ્ડ દ્વારા ફાઇનાન્સ કરવામાં આવતું હતું. 

મુંબઈમાં મોડી રાતે પ્રોડક્શન હાઉસ પર EDની રેડ
EDએ મુંબઈના અંધેરી વિસ્તારમાં કુરેશી પ્રોડક્શન સહિત 6 સ્થળો પર દરોડા પાડ્યા હતા. વાત એમ છે કે કુરેશી પ્રોડક્શન બોલિવૂડના ટોચના સ્ટાર સાથે મોટા બજેટની ઐતિહાસિક ફિલ્મ બનાવવાની ચર્ચા ચાલી રહી છે. આ પ્રોડક્શન ચલાવતા લોકો વસીમ કુરેશી અને તબસ્સુમ કુરેશી છે. ED અધિકારીઓએ વસીમ કુરેશીની પૂછપરછ કરી અને પ્રોડક્શન હાઉસના લેવડ-દેવડની તપાસ કરવામાં આવી હતી. સાથે જ વસીમ કુરેશીની તમામ વિદેશ યાત્રાઓની પણ તપાસ કરી રહી છે. મળતી માહિતી મુજબ કુરેશી પ્રોડક્શન્સ બોલીવુડના મોટા સ્ટાર સાથે પ્રાદેશિક ભાષામાં ઐતિહાસિક ફિલ્મ બનાવી રહી છે અને કુરેશી પ્રોડક્શનને ફિલ્મ બનાવવા માટે મહાદેવ એપના પ્રમોટર્સ સૌરભ ચંદ્રાકર અને રવિ ઉપ્પલ પાસેથી પૈસા મળ્યા હતા. 

બોલિવૂડની ઘણી જાણીતી હસ્તીઓ ED
સાથે જ એ વાત પણ નોંધનીય છે કે મહાદેવ બેટિંગ એપ કેસમાં EDએ બોલિવૂડની ઘણી જાણીતી હસ્તીઓને પૂછપરછ માટે બોલાવી હતી. આ સેલિબ્રિટીઓ મહાદેવ બેટિંગ એપના પ્રમોટર સૌરભ ચંદ્રાકરના લગ્નમાં હાજર રહ્યા હતા અને તેના બદલામાં એમને કરોડો રૂપિયા મળ્યા હતા.

રણબીર કપૂરથી માંડીને કપિલ શર્મા સુધીના કલાકારોને આવ્યું EDનું તેડું
EDએ મહાદેવ સટ્ટાબાજી એપ સાથે જોડાયેલ મની લોન્ડ્રિંગ મામલે હાસ્ય કલાકાર કપિલ શર્મા, અભિનેત્રી હુમા કુરૈશી અને હિના ખાનને સમન મોકલીને અલગ અલગ તારીખે પૂછપરછ કરવા માટે હાજર થવા કહ્યું છે. અધિકારીઓએ ગુરુવારે જણાવ્યું છે કે, તપાસ એજન્સીએ આ મામલે અભિનેતા રણબીર કપૂરને સમન મોકલીને આજે હાજર થવા માટે આદેશ આપ્યો છે. 

આ સેલેબ્સની પણ પૂછપરછ કરવામાં આવશે 
દુબઈમાં 200 કરોડ રૂપિયાના ખર્ચે ચંદ્રાકરના લગ્ન થયા હતા. જેમાં ટાઈગર ટાઈગર શ્રોફ, સની લિયોન, નેહા કક્કર, આતિફ અસલમ, રાહત ફતેહ અલી ખાન, અલી અસગર, વિશાલ દદલાની, એલી અવરામ, ભારતી સિંહ, ભાગ્યશ્રી, કૃતિ ખરબંદા, નુસરત ભરૂચા, કૃષ્ણા અભિષેક શામેલ થયા હતા. 

સક્સેસ પાર્ટીમાં 35 કરોડ રૂપિયાથી વધુનો ખર્ચ કરવામાં આવ્યો હતો
દુબઈમાં ફેબ્રુઆરી 2023માં મહાદેવ એપના પ્રમોટર સૌરભ ચંદ્રાકરના રૂ. 200 કરોડના લગ્ન સહિત તપાસ દરમિયાન EDને અન્ય ઘણી મોટી ઘટનાઓ અને તેમના વીડિયો ફૂટેજ મળી આવ્યા છે. જેમાં ગયા વર્ષે એટલે કે સપ્ટેમ્બર 2022માં દુબઈની ફેરમોન્ટ હોટેલમાં આયોજિત સક્સેસ પાર્ટીનો પણ સમાવેશ થાય છે.  મહાદેવ એપની મોટી કમાણી ઉજવવા માટે આ પાર્ટીનું આયોજન કરવામાં આવ્યું હતું. આ પાર્ટીમાં 35 કરોડ રૂપિયાથી વધુનો ખર્ચ કરવામાં આવ્યો હતો. આ પાર્ટીમાં બોલિવૂડના અન્ય સ્ટાર્સે હાજરી આપી હતી. આગામી દિવસોમાં ED 30 થી વધુ હસ્તીઓની પૂછપરછ કરી શકે છે, જેમાં ઘણા મોટા નામ સામેલ છે.

શું છે સમગ્ર મામલો
મહાદેવ ગેમિંગ એપ્લિકેશન સટ્ટાબાજી માટે એક પ્લેટફોર્મ પ્રદાન કરે છે. કંપની કથિતરૂપે ક્રિકેટ, ટેનિસ, બેડમિંટન, પોકર અને કાર્ડ ગેમ સહિત અનેક લાવ ગેમ્સ ઓનલાઈન પ્લેટફોર્મના માધ્યમથી પ્રદાન કરે છે. આ મામલે રણબીર કપૂર સહિત બીજા સ્ટાર્સ પર ગેરકાયદાકીય રીતે પૈસા કમાવાનો આરોપ છે. જે અંગે EDએ કાર્યવાહી કરી છે. રણબીર કપૂરને આ પૈસા રોકડમાં આપવામાં આવ્યા હતા એવામાં હવે અભિનેતાએ તપાસમાં થોડો સમય માંગ્યો છે. 

ફિલ્મ સ્ટાર્સ અને ખેલાડીઓની પૂછપરછ થઈ શકે છે
આ તમામ એપ્સ માટે ઘણા ફિલ્મ સ્ટાર્સ અને કેટલાક ક્રિકેટ ખેલાડીઓએ સોશિયલ મીડિયા એપ્સ અને ટીવી માટે પ્રમોશન પણ કર્યું હતું અને એજન્સીને શંકા છે કે તેના માટે ચુકવણી રોકડમાં કરવામાં આવી હતી. આ લિંકને જોડવા અને તપાસ કરવા માટે ED ટૂંક સમયમાં ઘણા ફિલ્મ સ્ટાર્સ અને કેટલાક ક્રિકેટ ખેલાડીઓની પૂછપરછ કરી શકે છે. ED સૂત્રોના જણાવ્યા અનુસાર ED અભિનેતા રણબીર કપૂરની ફેબ્રુઆરી 2023માં દુબઈમાં આયોજિત લગ્નમાં તેના અભિનય માટે નહીં, પરંતુ ફેરપ્લે નામની ઓનલાઈન સટ્ટાબાજીની એપ માટે કરવામાં આવેલી કોમર્શિયલ જાહેરાતના સંદર્ભમાં પૂછપરછ કરવા માંગે છે. 

ફી કયા મોડ દ્વારા ચૂકવવામાં આવી હતી? રોકડ કે ચેક? 
રણબીર કપૂર, શ્રદ્ધા કપૂર, હિના ખાન, હુમા કુરેશી જેવી એક ડઝનથી વધુ ફિલ્મી હસ્તીઓએ ફેરપ્લે એપ માટે કોમર્શિયલ જાહેરાતો કરી હતી. તેમણે આ જાહેરાત માટે કઈ કંપની સાથે કરાર કર્યો હતો? તેની ફી કયા મોડ દ્વારા ચૂકવવામાં આવી હતી? રોકડ કે ચેક? તે સૌરભ ચંદ્રાકર, રવિ ઉપ્પલ કે એપ મેનેજમેન્ટ સાથે સંકળાયેલી કોઈ વ્યક્તિને ક્યારે અને ક્યાં મળ્યો? આ તમામ સવાલો છે જે ED આ સ્ટાર્સ પાસેથી જાણવા માંગે છે. સૂત્રોનો દાવો છે કે કેસ સંબંધિત પ્રશ્નો માટે આગામી દિવસોમાં વધુ ઘણા લોકોને સમન્સ જારી કરવામાં આવી શકે છે.