BIG BREAKING / લાઠી ડંડાથી લડાઈની વચ્ચે અચાનક શરૂ થયું ફાયરિંગ, પિતા-પુત્ર સહિત છના મૃત્યુ, MPમાં કાયદો વ્યવસ્થાના ધજાગરા

• એક જ પરિવારના 6 લોકોની હત્યા કરવામાં આવી
• ગોળીબાર પાછળ વર્ષો જૂનો વિવાદ જણાવવામાં આવી રહ્યો
• ફાયરિંગ અને હત્યા કર્યા બાદ આરોપી પરિવાર ભાગી ગયો

મધ્યપ્રદેશના મુરેનાથી એક ચોંકાવનારા સમાચાર સામે આવ્યા છે. જણાવી દઈએ કે અહીં 5 મેના રોજ સવારે એક જ પરિવારના 6 લોકોની હત્યા કરવામાં આવી હતી. આ ઘટના જિલ્લાના સિહોનિયા પોલીસ સ્ટેશન વિસ્તાર હેઠળના લેપા ભીડોસા ગામમાં બની હતી. અત્યાર સુધી મળતી જાણકારી અનુસાર એક પક્ષે એક જ પરિવારના સભ્યોની ગોળી મારી હત્યા કરી હતી. આ ગોળીબાર પાછળ વર્ષો જૂનો વિવાદ જણાવવામાં આવી રહ્યો છે.

બે જૂથો વચ્ચે લોહિયાળ અથડામણ 
મુરેનાના લેપા ગામમાં જમીન વિવાદમાં બે જૂથો વચ્ચે લોહિયાળ અથડામણ થઈ હતી અને અથડામણ દરમિયાન બંને જૂથના લોકોએ લાકડીઓ વડે હુમલો કર્યો હતો અને બંદૂકથી ફાયરિંગ કર્યું હતું. ગોળીબારમાં છ લોકોના મોત થયા હતા. ઘટના બાદ ગામમાં તણાવનો માહોલ છે. ગામમાંથી મૃતકોના મૃતદેહને પોસ્ટમોર્ટમ માટે મુરેના હોસ્પિટલમાં લાવવામાં આવ્યા છે. આ સાથે ઘાયલોને પણ સારવાર માટે મુરેના હોસ્પિટલમાં દાખલ કરવામાં આવ્યા છે.

सरेआम गोलियां चल रहीं अपराधी बेखौफ कानून व्यवस्था का मज़ाक बना रहे क्या मध्य प्रदेश मैं जंगल राज़ लागू हैं।@INCMP @BJP4MP @OfficeOfKNath @ChouhanShivraj https://t.co/TCAUlFVSvl

— Aamir Khan (@Aamir_INC) May 5, 2023

એક જ પરિવારની ત્રણ મહિલા સહિત કુલ છના મૃત્યુ 
બે જુથ વચ્ચેની આ લોહિયાળ અથડામણમાં એક જ પરિવારની ત્રણ મહિલા સહિત કુલ છના મૃત્યુ થયા છે.  હાલ ફાયરિંગ અને હત્યા કર્યા બાદ આરોપી પરિવાર ભાગી ગયો હતો. હવે સ્થિતિ એવી છે કે ગામમાં કોઈ કંઈ કહેવા તૈયાર નથી. પોલીસ ઘટનાસ્થળે પહોંચી ગઈ છે. તેમજ આરોપીને શોધી રહ્યા છે.