BIG NEWS / ભારતમાં લમ્પી વાયરસના કારણે અત્યાર સુધીમાં 67 હજાર પશુધનના મોત: દૂધ ઉત્પાદન પર માઠી અસર, કેન્દ્રએ બોલાવી બેઠક

• લમ્પી વાયરસને લઈને અત્યાર સુધીમાં 67 હજારથી વધુ પશુઓના મોત
• લમ્પી વાયરસને લઈને આજે મહત્વની બેઠક બોલાવી હતી
• પશુઓના રસીકરણ અને અન્ય પાલન પર ચર્ચા 

ભારતમાં કોરોના વાયરસથી અલગ હવે લમ્પી વાયરસે સરકારની ચિંતા વધારી દીધી છે. લમ્પી વાયરસના કારણે ભારતમાં અત્યાર સુધીમાં 67 હજારથી વધારે પશુધનના મોત થઈ ચુક્યા છે. તેનાથી દૂધ ઉત્પાદન પણ પ્રભાવિત થઈ રહ્યા છે. તેને જોતા આજે એક મહત્વની બેઠક બોલાવામાં આવી હતી. પશુપાલન અને ડેરી વિભાગના સચિવ જતિન્દ્ર નાથ સ્વૈને કહ્યું કે, બેઠકમાં આ વાયરસના નિવારણ માટે પશુઓને રસીકરણ ઉપરાંત અન્ય પાલન પર વિસ્તારથી ચર્ચા થશે.

સચિવ જતિન્દ્ર નાથ સ્વૈને કહ્યું છે કે, હાલમાં ગોટ પોક્સ રસીનો ઉપયોગ થઈ રહ્યો છે. આ 100 ટકા પ્રભાવી છે. જો કે, આ રસીની સંખ્યા મર્યાદિત હોવાની હાલમાં મોટી અડચણો આવી રહી છે. તેને બનાવતી કંપનીને તેનું ઝડપી ઉત્પાદન કરવા માટે કહેવામાં આવ્યું છે. તો વળી કૃષિ અનુસંધાન નિકાસ આઈસીએઆરની બે સંસ્થા દ્વારા વિકસીત એલએસડી માટે એક નવી રસી લમ્પી પ્રોવેકઈંડની વ્યવસાયિક રજૂઆતમાં 3-4 મહિનાનો સમય લાગી શકે છે. 

આ રાજ્યોમાં સૌથી વધારે તકલીફ

લમ્પી વાયરસથી ગુજરાત, રાજસ્થાન, પંજાબ, હરિયાણા, ઉત્તર પ્રદેશ, ઉત્તરાખંડ, મધ્ય પ્રદેશ અને જમ્મુ કાશ્મીરમાં સૌથી વધારે તકલીફો જોવા મળી છે. અહીં સૌથી વધારે પશુધન ચપેટમાં આવ્યું છે. આંધ્ર પ્રદેશ અને આંડમાન તથા નિકોબાર દ્વિપ સમુદમાં અમુક છુટક કેસો આવ્યા છે. જતિન્દ્ર નાથ સ્વૈને કહ્યુ કે, રાજસ્થાનમાં દરરોજ મરનારા પશુઓેની સંખ્યા 600-700 છે, પણ અન્ય રાજ્યોમાં આ સંખ્યા એક દિવસમાં 100થી ઓછી છે. 

દૂધ ઉત્પાદનમાં અસર વર્તાઈ

તો વળી પશુઓના મોતના કારણે દૂધ ઉત્પાદન પર પણ તેની અસર વર્તાઈ રહી છે. ગુજરાત કો-ઓપરેટિવ મિલ્ક માર્કેટિંગ ફેડરેશનના મેનેજિંગ ડિરેક્ટર આર એસ સોઢીએ કહ્યું કે, ગુજરાતમાં દૂધ ઉત્પાદન 0.5 ટકા નીચે આવ્યું છે. કારણ કે રસીકરણથી ગુજરાતમાં સ્થિતિ કંટ્રોલમાં છે. જો કે, બીજા રાજ્યોમાં તેની વ્યાપક અસર માનવામાં આવે છે. મદર ડેરીના ડિરેક્ટર મનીષ બંદલિશે કહ્યું કે, સમગ્ર યોજનામાં દૂધના ઉત્પાદન પર મામૂલી અસર પડી છે.