સેફટી? / ભાવનગરમાં કોલ્ડ સ્ટોરેજમાં માલ ઉતારતા સમયે અચાનક લિફ્ટ તૂટી, 2ના મોત 6 ઈજાગ્રસ્ત, ક્યારે અટકશે આવી દુર્ઘટના?

• ભાવનગરના ચિત્રા વિસ્તારમાં લિફ્ટ તૂટી 
• કોલ્ડ સ્ટોરેજમા લિફ્ટ તુટવાનો બન્યો બનાવ
• સમગ્ર ઘટનામાં બેના મોત 6 લોકો ઇજાગ્રસ્ત

રાજ્યમાં વધુ એક કિસ્સો લિફ્ટ તૂટવાનો સામે આવ્યો છે. ભાવનગરના ચિત્રા વિસ્તારમાં લિફ્ટ તૂટી છે. કોલ્ડ સ્ટોરેજમાં લિફ્ટ તૂટતા 6 લોકો ઘાયલ થયા છે તેમજ 2 લોકોના મોત થયાં છે.

કોલ્ડ સ્ટોરેજમાં માલ ઉતરતા સમય બની ઘટના
રાજ્યમાં વધુ એક બેદરકારીનો કિસ્સો સામે આવ્યો છે, રાજ્યના વિવિધ શહેરોમાં લિફ્ટ તૂટવાની ઘટનાઓ વધી રહી હોય તેવું વર્તમાનમાં લાગી રહ્યું છે. અમદાવાદ, વડોદરા બાદ ભાવનગરમાં પણ લિફ્ટ તૂટવાની ઘટના સામે આવી છે. ભાવનગરના ચિત્રા વિસ્તારમાં કોલ્ડ સ્ટોરેજમાં લિફ્ટ તુટવાનો બનાવ બન્યો છે. સમગ્ર ઘટનામાં બે લોકોના મોત થયાં છે જ્યારે 6 લોકો ઈજાગ્રસ્ત થયાં છે.  પાપ્ત માહિતી અનુસાર સમગ્ર બનાવ કોલ્ડ સ્ટોરેજમાં માલ ઉતારતા સમય બન્યો છે.

ઈજાગ્રસ્તોને સારવાર માટે ખસેડાયા 
લિફ્ટ તૂટવાના બનાવમાં ઈજાગ્રસ્ત થયેલા તમામ લોકોને સારવાર માટે હોસ્પિટલ ખસેડાયા છે તેમજ જે સમગ્ર ઘટનાને લઈ પોલીસ વધુ તપાસ હાથ ધરી છે.

થોડા દિવસ અગાઉ વડોદરાની ઘટના સામે આવી હતી
વડોદરાના વાઘોડિયા રોડ પર ઉમા એપોર્ટમેન્ટમાં લિફ્ટ તૂટવાની ઘટના સામે આવી હતી, 4 લોકો લિફ્ટમાં બેસીને ઉતરતા સમયે લિફ્ટનો તાર  તૂટ્યો હતો.  લિફ્ટનો તાર તૂટી જતા બીજા માળેથી લિફ્ટ નીચે પટકાઈ હતી. લિફ્ટ પટકાતા અંદર બેસેલા લોકોને નાની-મોટી ઈજા પહોંચી હતી. ફાયરબ્રિગેડની મદદથી ફસાયેલા લોકોને બચાવી લેવાયા હતા. મેન્ટેનન્સના અભાવે લિફ્ટ તૂટી હોવાનો ખુલાસો થયો હતો. લિફ્ટની ચેઇન પણ ફાયર બ્રિગેડને તૂટેલી હાલતમાં મળી આવી હતી.

સળગતા સવાલ
વારંવાર આવી ભૂલ કેમ થાય છે?
લિફ્ટની ચકાસણી કેમ ન કરી?
આવી બેદરકારી પાછળ કોણ?