ચર્ચા / 'ભરોસા' માટે વિશ્વાસ નહીં તોડીએ: AAPના ધારાસભ્યો ભાજપમાં જોડાવાની ચર્ચા વચ્ચે જુઓ કોણે શું કરી ચોખવટ

• ગુજરાત વિધાનસભા ચૂંટણીના પરિણામ બાદ રાજકીય ગરમાવો
• AAPના ચૂંટાયેલા 5 ધારાસભ્યો ભાજપમાં જોડાવાની ચર્ચા
• અમે અરવિંદ કેજરીવાલના વફાદાર સૈનિકો છીએ-ઉમેશ મકવાણા

 ગુજરાત વિધાનસભાની ચૂંટણીમાં આમ આદમી પાર્ટીને 5 સીટો મળવા પામી છે તો બીજી તરફ આપના ધારાસભ્યો ભાજપના સંપર્કમાં હોવાની ચર્ચાએ જોર પકડ્યું છે. જામજોધપુરના ધારાસભ્ય હેમંત ખવાએ Vtv સાથે ટેલિફોનિક વાતચીતમાં જણાવ્યું હતું કે આ બધી વાતોને અફવા ગણાવી હતી અને તેઓએ જણાવ્યું હતું કે હું આમ આદમી પાર્ટીમાં જ છું. તેમજ કોઈ ભાજપના નેતા સાથે હું સંપર્કમાં નથી અને હું ભાજપમાં જોડાવાનો નથી.

આગેવાન તેમજ કાર્યકરો સાથે મળીને નિર્ણય કરીશુંઃભૂપત ભાયાણી
વિસાવદર બેઠકના આપના ધારાસભ્ય ભૂપત ભાયાણી ભાજપમાં જોડાઈ શકે છે. ભાજપમાં જોડાવવાની ચર્ચા અંગે આપના ધારાસભ્યોની પ્રતિક્રિયા આપતા ભૂપત ભાયાણીએ કહ્યું કે હું ભાજપમં જોડાઈશ કે નહીં તે હજુ સ્પષ્ટ નથી. ભાજપ પાસે 156 બેઠકો છે એમને કોઈને તોડવાની જરૂર નથી. ભાજપને જરૂર નથી એટલે રૂપિયા આપનાનો સવાલ નથી. તેમજ બોટાદના આપના ધારાસભ્ય ઉમેશ મકવાણાએ પણ કહ્યું કે હું ભાજપમાં જોડાવાનો નથી. અમે અરવિંદ કેજરીવાલના વફાદાર સૈનિક છીએ.

મને પૈસા નો કે સત્તાનો મોહ નથી--ચૈતર વસાવા
આ બાબતે ડેડીયાપાડાના આપના ધારાસભ્ય ચૈતર વસાવાએ ભાજપમાં જોડાવા પર સ્પષ્ટતા કરતા કહ્યું કે હું  આપમા છું અને આપમાં જ રહીશ. મને પૈસા નો કે સત્તાનો મોહ નથી. મારા મતદારાએ મારા પર વિશ્વાસ મુક્યો છે એટલે હું જનતા સાથે રહીશ અને કેજરીવાલે મુકેલા વિશ્વાસને હું નહીં તોડું જણાવ્યું હતું.