- 1.28 અરબ લોકોને હાઈ બીપીની તકલીફ
- 42.2 કરોડથી વધુ લોકોને ડાયાબિટીસ
- ડાયટમાં આ ફૂડ કરો શામેલ
વિશ્વ સ્વાસ્થ્ય સંગઠન અનુસાર વિશ્વભરમાં 1.28 અરબ લોકોને હાઈ બીપીની તકલીફ છે. જેમાંથી 75 લાખ લોકોનું મૃત્યુ હાઈ બ્લડ પ્રેશરને કારણે થાય છે. હાઈ બ્લડ પ્રેશરને કારણે હાર્ટ એટેક તથા હાર્ટ સંબંધિત બિમારીનું જોખમ વધી જાય છે. આંકડા અનુસાર વિશ્વમાં 42.2 કરોડથી વધુ લોકોને ડાયાબિટીસ છે. પ્રત્યક્ષ કે અપ્રત્યક્ષ રૂપે 15 લાખ લોકોનું મૃત્યુ ડાયાબિટીસને કારણે થાય છે. ભારતમાં ડાયાબિટીસના 8 કરોડ દર્દીઓ છે. આ બંને બિમારીઓ માટે જીવનશૈલી જવાબદાર હોય છે. જીવનશૈલીમાં ફેરફાર કરીને ડાયટમાં કેટલાક ફૂડ શામેલ કરવામાં આવે તો આ બિમારીથી બચી શકાય છે.
લીલા શાકભાજી-
લીલા શાકભાજીનું સેવન કરવાથી અનેક બિમારીઓ સામે રક્ષણ મેળવી શકાય છે. રિપોર્ટ અનુસાર લીલા શાકભાજીમાં ભરપૂર માત્રામાં વિટામીન એ, સી, ઈ, કે અને મેગ્નેશિયમ રહેલા છે. જેથી અનેક પ્રકારના એન્ટીઓક્સિડેન્ટ્સ ફ્રી રેડિકલ સામે બચી શકાશે, જેથી સેલ્સમાં ઓક્સીડેટિવ સ્ટ્રેસ નહીં થાય. જેથી શરીરમાં બહારની બિમારીઓ પ્રવેશે નહીં શકે. જેથી કોલસ્ટ્રોલ ઓછો થશે અને બ્લડ શુગર લેવલ નીચે આવશે.
કોલ્ડ વોટર ફિશ-
સેલમન, ટૂના, સાર્ડિન કોલ્ડ વોટર માછલી છે. જેમાં ભરપૂર માત્રામાં ઓમેગા 3 ફેટી એસિડ રહેલા છે. ઓમેગા 3 ફેટી એસિડના કારણે ટ્રાઈગ્લિસરાઈડ્સનું સ્તર વધતું નથી અને કોલસ્ટ્રોલ ઓછો થઈ જાય છે અને હાર્ટ હેલ્ધી રહે છે. આ માછલીઓ ડાયાબિટીસ કંટ્રોલ કરવામાં પણ મદદરૂપ સાબિત થાય છે.
બદામ-
હ્રદયના સ્વાસ્થ્ય માટે બદામને સુપરફૂડ માનવામાં આવે છે. જેમાં અનેક પ્રકારના વિટામિન, મિનરલ્સ, ઓમેગા 3 ફેટી એસિડ તથા અનેક પ્રકારના એન્ટી ઓક્સિડેન્ટ્સ રહેલા છે. બદામ, અખરોટ, મગફળીને પલાળીને રોજ સવારે ભૂખ્યા પેટે સેવન કરી શકાય છે. હાર્ટ મજબૂત કરવા માટે સપ્તાહમાં 5 બદામનું સેવન જરૂરથી કરવું જોઈએ, જેથી બ્લડ શુગર પણ કંટ્રોલમાં રહે છે.
ઓલિવ ઓઈલ-
ટ્રાંસ ફેટ તથા અનસેચ્યુરેટડ ફેટવાળા તેલની જગ્યાએ ઓલિવ ઓઈલનો ઉપયોગ કરી શકાય છે. ઓલિવ ઓઈલમાં ભરપૂર માત્રામાં એન્ટી ઓક્સિડેન્ટડ્સ અને એન્ટી ઈન્ફ્લામેટરી ગુણ રહેલા હોય છે. જેથી હાર્ટમાં કોઈપણ પ્રકારનો સોજો આવતો નથી. ઉપરાંત ડાયાબિટીસ પણ કંટ્રોલમાં રહે છે.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
