ઓવરફ્લો / ભારે વરસાદથી છલકી ઉઠ્યા ડેમો, કુદરતી નજારો માણવા ઉમટ્યો સહેલાણીઓ, ખેડૂતોમાં પણ ખુશીની લહેર

• ભાદર-1 ડેમ ઓવરફ્લો થતાં આગેવાનોએ વધામણાં કર્યા
• ધોધમાર વરસાદને પગલે શેત્રુંજી ડેમ ઓવરફ્લો થયો
• ગઢડાનો રમાઘાટ ડેમ સિઝનમાં ત્રીજી વાર ઓવરફ્લો થયો

રાજ્યમાં સૌરાષ્ટ્રના મોટાભાગના જિલ્લામાં સાર્વત્રિક મેઘમહેરથી નદીઓ બે કાંઠે વહેતી થઈ છે. સતત વરસાદને કારણે ખેતરોમાં પાણી ભરાયા છે તેમજ ગ્રામ્ય પંથકમાં ધોધમાર વરસાદને લઈને ચેકડેમો ઓવરફ્લો થયા છે. અમુક જિલ્લાઓમાં તો જળબંબાકારની સ્થિતિ સર્જાઈ છે ત્યારે ડેમો છલોછલ ભરાયા છે. 

શેત્રુંજી ડેમ ઓવરફ્લો 
ભાવનગરમાં ધોધમાર વરસાદને પગલે શેત્રુંજી ડેમ ઓવરફ્લો થયો છે. ડેમનો આકાશી નજારો અદભૂત લાગી રહ્યો છે. આકાશથી ડેમના લેવાયેલા નયમરમ્ય દ્રશ્ય લોકોને આકર્ષી રહ્યા છે. ડેમના 59 દરવાજા ખોલીને શેત્રુંજી નદીમાં પાણી છોડવામાં આવ્યું છે. આ સાથે જ નીચાણવાળા ગામડાઓને પણ અલર્ટ કરી દેવામાં આવ્યા છે.

મેઢાક્રીક ડેમ ઓવરફ્લો 
દ્વારકાના હર્ષદ ખાતે આવેલ મેઢાક્રીક ડેમ ઓવરફ્લો થયો છે. ભારે વરસાદના કારણે મેઢાક્રીક ડેમ ઓવરફ્લો થતા ખેડૂતોમાં ખુશીનો માહોલ જોવા મળી રહ્યો છે. આસપાસના વિસ્તારમાં એક માત્ર સિંચાઈનો સ્ત્રોત આ ડેમ છે. 

રમાઘાટ ડેમ ઓવરફ્લો
ગઢડાનો રમાઘાટ ડેમ સિઝનમાં ત્રીજી વાર ઓવરફ્લો થયો છે. રમાઘાટ ડેમ ઓવરફ્લો થતા સહેલાણીઓ જોવા માટે ઉમટ્યા છે. અત્રે જણાવીએ કે, રમાઘાટ ડેમમાંથી પાણીનો પ્રવાહ અવિરત પસાર થઈ રહ્યો છે. ધસમસતા પ્રવાહમાં જીવના જોખમે સહેલાણીઓ ડૂબકી લગાવે છે

 

ભાદર-1 ડે્મ ઓવલફ્લો થતાં ખેડૂતોમાં ખુશી
ભાદર 1 ડેમ ઓવરફ્લો થતાં આગેવાનોએ વધામણાં કર્યા છે. ભાદર 1 ડેમ ઓવરફ્લો થતાં ખેડૂતોમાં ખુશી જોવા મળી રહી છે. 34 ફૂટની ઊંચાઈ તેમજ 29 દરવાજા ધરાવતો ડેમ ઓવરફ્લો થયો છે જે ડેમ સિંચાઈ તેમજ પીવાનું પાણી પૂરું પાડે છે. 22 ગામોના લોકોને નદીના પટમાં ન જવા સૂચના અપાઈ છે.