IPL 2023 / એક સમયે ખાવા-પીવા માટે ભટકતો હતો આ ઓલરાઉન્ડર, હવે IPLની આ ટીમનો સૌથી મહત્વપૂર્ણ ખેલાડી બની ગયો

• લખનૌ સુપર જાયન્ટ્સનો સૌથી મહત્વપૂર્ણ ખેલાડી બની ગયો આ ખેલાડી 
• 2 અડધી સદી સાથે કરી હતી આ સિઝનની શરૂઆત 
• 2021માં રિઝર્વ પ્લેયર તરીકે રાજસ્થાન રોયલ્સ જોડવામાં આવ્યો હતો

KL રાહુલની લખનઉ સુપર જાયન્ટ્સ IPL 2023માં 7માંથી 4 મેચ જીતીને હાલ ચોથા સ્થાને છે અને રાહુલની લખનૌ ટીમ લીગમાં મક્કમ રીતે ઊભી છે. નોંધનીય છે કે તે ટોપ 4માં અકબંધ છે. એવામાં એક ખેલાડી રાહુલની ટીમની જાન બનતી જાય છે. એ ખેલાડીને એક સમયે ખાવા-પીવા માટે ભટકવું પડતું હતું અને એટલું જ નહીં એક સમયે તે ડિપ્રેશનમાં પણ ગયો હતો જે બાદ એ ખેલાડીને તેના પિતાએ ફરી પગભર કર્યો અને હાલ લખનૌ સુપર જાયન્ટ્સનો સૌથી મહત્વપૂર્ણ ખેલાડી બની ગયો છે.

લખનૌએ તેને 50 લાખ રૂપિયામાં ખરીદ્યો
એ ખેલાડી છે કાયલ મેયર્સ. તે એ જ કેરેબિયન ઓલરાઉન્ડર છે, જેને રાજસ્થાન રોયલ્સ દ્વારા 2021માં રિઝર્વ પ્લેયર તરીકે જોડવામાં આવ્યો હતો પણ કોરોનાને કારણે યુએઈમાં લીગનો બીજો તબક્કો યોજાયો ત્યારે ફ્રેન્ચાઈઝીએ તેને પાછો બોલાવ્યો ન હતો. નોંધનીય છે કે આવનારી સિઝનમાં લખનૌએ તેને 50 લાખ રૂપિયામાં ખરીદ્યો અને ત્યારથી તે આ ટીમ માટે ઘણું સારું પ્રદર્શન કરી રહ્યો છે. 

Fair to say Kaptaan Sahab got it right pretty early ✌️@klrahul | @kyle_mayers | #RRvLSG | #IPL2023 | #LucknowSuperGiants | #LSG | #GazabAndaz pic.twitter.com/llIfLpMUzb

— Lucknow Super Giants (@LucknowIPL) April 20, 2023

2 અડધી સદી સાથે કરી હતી સિઝનની શરૂઆત 
30 વર્ષના મેયર્સ હંમેશા IPLમાં રમવાનું સપનું જોતો હતો જે આ સિઝનમાં સાકાર થયો. IPL 2023માં પણ તે અત્યાર સુધીમાં 7 મેચ રમી ચૂક્યો છે. તેણે આ સિઝનની શરૂઆત સતત 2 અડધી સદી ફટકારીને કરી હતી. અત્યાર સુધીમાં તેણે 3 અડધી સદી ફટકારી છે. મેયર્સે આજે પોતાની અલગ ઓળખ બનાવી છે પણ અહીં સુધી પહોંચવું તેના માટે સહેલું નહોતું. 

આ કારણે બન્યો ઓલરાઉન્ડર 
જણાવી દઈએ કે 2017માં તે તાલીમ શિબિર માટે ડોમિનિકા ગયો હતો. આ આઇસલેન્ડ દેશ છે જ્યાં સક્રિય જ્વાળામુખી છે. આઇસલેન્ડમાં આવેલા મારિયા ચક્રવાતમાં મેયર્સ ફસાઈ ગયા હતા. તે જ્યાં રોકાયો હતો તે એપાર્ટમેન્ટની છત પણ ઉડી ગઈ હતી. તેઓ ખાવા-પીવા માટે ભટકતો હતો અને ત્યારબાદ પોલીસે તેની મદદ કરી અને આ પછી 2018 માં તેને પગની ઘૂંટીમાં ઈજા થઈ. જેના કારણે તેની રમત પર અસર પડી હતી અને બોલિંગના કામના બોજને ઘટાડવા માટે તેણે પોતાને બેટિંગ ઓલરાઉન્ડર બનાવવો પડ્યો હતો. આ ઈજામાંથી ફિટ થયા બાદ પણ કેરેબિયન પ્રીમિયર લીગનો કોન્ટ્રાક્ટ મળ્યો ન હતો જેને કારણે તે લગભગ ડિપ્રેશનમાં જતો રહ્યો હતો.

પિતાએ આ રીતે ફરી બનાવ્યો પગભર 
મેયર્સ ફિટ થયા બાદ પરત ફરવાની તૈયારી કરી રહ્યા હતા કે કોરોના વાયરસે તેને ફરીથી પાછળ ધકેલી દીધો. જો કે આ મુશ્કેલ સમયમાં તેના પિતા કોચની ભૂમિકામાં તેની સાથે ઉભા હતા. જ્યારે બાકીના ખેલાડીઓ નેટ્સમાં પ્રવેશવા માટે સંઘર્ષ કરી રહ્યા હતા ત્યારે મેયર્સને ઘરે સારું કોચિંગ મળ્યું. તેના પિતા ક્લાર્કે તેના બેટિંગના વલણમાં ઘણો સુધારો કર્યો અને તે પછી તેણે બેટિંગ પર ઘણું કામ કર્યું. આજે મેયર્સ પોતાની એ જ બેટિંગનો પાવર બતાવી રહ્યો છે.