રાજકારણ / રાજકોટ ભાજપમાં અંદરો અંદર વિખવાદ વધ્યો, પૂર્વ કેબિનેટ મંત્રી કુંવરજી બાવળીયાએ આ મંત્રી સામે કર્યા ગંભીર આક્ષેપ

• રાજકોટ ભાજપમાં અંદરોઅંદર વિખવાદ વધ્યો 
• મહિલા મોરચાના પ્રમુખ સોનલબેને આપ્યું રાજીનામું 
• પૂર્વ કેબિનેટ મંત્રી કુંવરજી બાવળ્યા સોનલબેનના સમર્થનમાં આવ્યા 
• કુંવરજી બાવળીયાએ મહામંત્રી મનસુખ રામાણી પર કર્યા આક્ષેપ 

છેલ્લા કેટલાક સમયથી રાજકોટ ભાજપમાં અંદરો અંદર વિખવાદ વધી રહ્યો છે. ત્યારે વધુમાં ફરી રાજકોટ ભાજપનું વાતવરણ ગરમાયું છે. જેમા જસદણ તાલુકાના ભાજપના મહિલા મોરચાના પ્રમુખના રાજીનામાને લઈને મામલો બરોબરનો ગરમાયો છે. આપને જણાવી દઈએ કે મહિલા મોરચાના પ્રમુખ સોનલબેન વસાણીએ રાજીનામું દીધું છે. 

કુંવરજી બાવળીયાનું સમર્થન 

મહિલા મોરચાના પ્રમુખ સોનલબેન વસાણીએ રાજીનામું આપી દીધા બાદ હવે પૂર્વ કેબિનેટ મંત્રી કુંવરજી બાવળીયા હવે તેના સમર્થનમાં આવ્યા છે. જેથી આ સમગ્ર મુદ્દે મામલો હવે ગરમાયો છે. પૂર્વ કેબિનેટ મંત્રી કુંવરજી બાવળીયાએ હવે પ્રદેશ પ્રમુખ સી. આર. પાટીલને પત્ર લખ્યો છે. 

મનસુખ રામાણી સામે ગંભીર આક્ષેપ 

કુંવરજી બાવળીયાએ પ્રદેશ પ્રમુખ સી.આર. પટેલને પત્ર લખ્યો છે. જેમા તેમણે એ વાતનો ઉલ્લેખ કર્યો કે મહિલા મોરચાના પ્રમુખ સોનલબેન ભાજપના નિષ્ઠાવાન કાર્યકર્તા છે. જોકે તેમણે રાજીનામું આપી દીધું છે. સાથેજ તેમણે એ વાતનો ઉલ્લેખ પણ કર્યો છે. કે ભાજપ મહામંત્રી મનસુખ રામાણીના ત્રાસથી તેમણે રાજીનામું આપ્યું છે. 

પ્રદેશ પ્રમુખ સી.આર.પાટીલને પત્ર લખ્યો 

ઉલ્લેખનીય છે કે છેલ્લા કેટલાય સમયથી રાજકોટ ભાજપમાં અંદરો અંદર વિખવાદ વધી રહ્યો છે. તેવામાં મહિલા મોરચાના પ્રમુખ સોનલબેન વાસાણીએ રાજીનામું આપી દીધું અને તેના સમર્થનમાં પૂર્વ કેબિનેટ મંત્રી કુંવરજી બાવળીયાએ હવે પ્રદેશ પ્રમુખ સી. આર. પાટીલને પત્ર લખી દીધો છે અને ભાજપ મહામંત્રી મનસુખ રામાણી તેમને ત્રાસ આપતા હોવાનો ઉલ્લેખ કરવામાં આવ્યો છે. જેથી રાજકોટ ભાજપનો વિખવાદ હવે વધું વકર્યો છે.